କୋଟିଏ ଶବ୍ଦକୁ ବଖାଣିଦିଏ ଗୋଟିଏ ଫଟୋ । ଶୈଶବର ସୁନ୍ଦର କାହାଣୀକୁ ଫଟୋରେ ଫଟୋରେ ପଢ଼ନ୍ତୁ…
କନକ ବ୍ୟୁରୋ: ଶୈଶବ… ନା ଅଛି ପାଇବାର ବଡ଼ ଆଶା । ନା ଅଛି ହରାଇବାର ଦୁଃଖ । ନିଜ ଦୁନିଆରେ ମସଗୁଲ ଥାଏ ଶିଶୁ ଟିଏ । ଏହି ଯେମିତି ମା କୋଳରେ ଅତି ଆରାମରେ ଶୋଇଛି କୁନି ଛୁଆଟି । ଆଉ ମା କାମକୁ ଗଲେ ଜେଜେ ମା ଗୀତ ଗାଇ ଶୁଆଇ ଦିଏ ଛୁଆଟିକୁ । ବାପାଙ୍କ କୋଳରେ ଅତି ଆରାମରେ ବସିଛି ଛୁଆଟି । ସେ ଜାଣିଛି ଏହି ଜାଗା ହିଁ ସବୁଠାରୁ ସୁରକ୍ଷିତ । ସମୟ ବଢିବା ସହ ଧିରେ ଧିରେ ବଡ ହୁଏ ଶିଶୁଟି ।
Kanak News is now on WhatsApp
Join and get latest news updates delivered to you via WhatsApp
ଘର ଠାରୁ ଅଧିକା ସମୟ ସ୍କୁଲରେ ବିତେ । ସ୍କୁଲ ଗଲା ବାଟରେ ମୌଜ କରିବା ନିତି ଦିନିଆ ଘଟଣା ପାଲଟିଯାଏ । ସାଙ୍ଗ ସାଥୀଙ୍କ ମେଳରେ ମାଛ କଂଟାରେ ମାଛ ଧରିବାର ମଜା ଏହି ବୟସରେ ହିଁ ମିଳିଥାଏ । ଖେଳିବା ପାଇଁ ବଡ ପାର୍କ କି ଷ୍ଟାଡିୟମ ଲୋଡା ପଡେନି । ଘର ଅଗଣା ପାଲଟିଯାଏ ଖେଳ ପଡିଆ । ଦୋଳିରେ ଝୁଲି ଝୁଲି ଝୁମୁଥାଏ ତ କେତେବେଳେ ମିଛି ମିଛିକା ରୋଷେଇ କରି ଖୁସି ପାଏ ।
ଏହି ଖୁସିରେ ନା ଅଛି ଛଳନା । ଆଉ ଏହି ହସରେ ନା ଅଛି କପଟ । କେବଳ ଖୁସି ଖୁସିରେ ବିତୁଥାଏ ଶିଶୁଟିର ଦିନ । ସତରେ ଏହି ଫଟୋ ବଖାଣୁଛି କଅଁଳ ଶିଶୁର ହୃଦୟର କଥା ।
ବିଶ୍ୱ ଫଟୋଗ୍ରାଫି ଦିବସରେ ଭୁବନେଶ୍ୱର ଜୟଦେବ ଭବନରେ ଆୟୋଜିତ ହୋଇଥିଲା ଫଟୋ ପ୍ରଦର୍ଶନୀ । ଆଉ ଏହି ଗୋଟେ ଗୋଟେ ଫଟୋ କହୁଛି ଶୈଶବର କାହାଣୀ ।