ଅସ୍ତ୍ରପୋଚାର ସମୟରେ ମହିଳାଙ୍କ ପେଟରୁ ବାହାରିଲା ୩୫ କିଲୋଗ୍ରାମର ଟ୍ୟୁମର : ଡାକ୍ତର କହିଲେ ଚାକିରୀ କରିବା ଭିତରେ ଏହା ବିରଳ
କନକ ବ୍ୟୁରୋ : ପଶ୍ଚିମବଙ୍ଗରେ ଜଣେ ମହିଳାଙ୍କ ଗର୍ଭାଶୟରୁ ୩୫କିଲୋର ଟ୍ୟୁମର ବାହାରିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ପେଟର ଯନ୍ତ୍ରଣା ଅସହ୍ୟ ହେବାରୁ ମହିଳାଜଣଙ୍କ ଡ଼ାକ୍ତରଖାନାରେ ପହଞ୍ଚିଥିଲେ । କାରଣ ଜାଣିବା ପାଇଁ ତାଙ୍କର ଅଲଟ୍ରାସୋନୋଗ୍ରୋଫି କରିଥିଲେ । ତେବେ ଏହାପରେ ଜଣାପଡିଥିଲା ମହିଳାଙ୍କ ପେଟରେ ଟ୍ୟୁମର ରହିଛି । ତେବେ ଡାକ୍ତର ଅସ୍ତ୍ରପୋଚାର କରି ବା ଲାଗି କହିଥିଲେ ଓ ଅସ୍ତ୍ରପୋଚାର ମଧ୍ୟ ହୋଇଥିଲା । ଅସ୍ତ୍ରପୋଚାର ସମୟରେ ମହିଳାଙ୍କ ପେଟରୁ ୩୫କିଲୋର ୨ଟି ଟ୍ୟୁମର ବାହାର କରିଥିଲେ ଡ଼ାକ୍ତର । ଏହି ଅସ୍ତ୍ରୋପଚାରଟି ପଶ୍ଚିମବଙ୍ଗର ନାଦିଆ ଜିଲ୍ଲାରେ ଥିବା କଲ୍ୟାଣ ମେଡ଼ିକାଲ କଲେଜରେ କରାଯାଇଥିବା ବେଳେ ମହିଳାଙ୍କ ସ୍ୱାସ୍ଥ୍ୟବସ୍ଥା ଏବେ ସ୍ଥିର ଥିବା ଜଣା ପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ରଜନୀବାବୁରେ ରହୁଥିବା ଆରତୀ ଅଧିକାରୀ ନାମକ ଜଣେ ମହିଳାଙ୍କ ପେଟରେ ହଠାତ୍ ଅସହ୍ୟ ଯନ୍ତ୍ରଣା ଆରମ୍ଭ ହୋଇଥିଲା । ଯାହା ପାଇଁ ସେ କଲ୍ୟାଣ ମେଡ଼ିକାଲ କଲେଜ ଆସି ଡ଼ାକ୍ତରଙ୍କୁ ସବୁ ବିଷୟରେ ଜଣାଇବା ପରେ ଡ଼ାକ୍ତର ତାଙ୍କୁ ଅଲଟ୍ରାସୋନୋଗ୍ରାଫି କରିବା ପାଇଁ ନିର୍ଦ୍ଦେଶ ଦେଇଥିଲେ । ଅଲଟ୍ରାସୋନୋଗ୍ରାଫ ପରେ ଆରତୀଙ୍କ ପେଟ ଭିତରେ ଏକ ବଡ଼ ଆକାରର ଟ୍ୟୁମର ହୋଇଥିବା ଡ଼ାକ୍ତର ଦେଖିଥିଲେ । ଏହା ପରେ ତୁରନ୍ତ ଅସ୍ତ୍ରୋପଚାର ପାଇଁ ନିର୍ଦ୍ଦେଶ ଦେବା ପରେ ଅସ୍ତ୍ରୋପଚାର କରାଯାଇ ଆରତୀଙ୍କ ପେଟରୁ ୨ଟି ଟ୍ୟୁମରକୁ ବାହାର କରାଯାଇଥିଲା । ଏଭଳି ଅସ୍ତ୍ରୋପଚାର ପ୍ରଥମ ଥର ପାଇଁ କରାଯାଇଛି ବୋଲି ଡାକ୍ତର କହିବା ସହ ଆରତୀଙ୍କ ଅବସ୍ଥା ଏବେ ସ୍ଥିର ଥିବା ସେ କହିଛନ୍ତି ।