ଆଉ ଚାଲିବନି ଜିଓ ଜଲୱା! ଟ୍ରାଇ ଦେଲା ବଡ ଧକ୍କା
ସରିଗଲା ଜିଓ ଜମାନା । ଆପଣ ଆଉ ହୋଇପାରିବେନି ଜିଓ ପରିବାର ସଦସ୍ୟ । ଟ୍ରାଇ ପକ୍ଷରୁ ଆଜି ଲାଗିଛି ଜବରଦସ୍ତ ଝଟକା । ୧୫ ଦିନ ପାଇଁ ଜିଓ ପ୍ରାଇମ ମେମ୍ବର ପାଇଁ ଯେଉଁ ଅବଧି ବଢିଥିଲା, ସେଥିରେ ରୋକ ଲାଗିଛି । ଟେଲିକମ ରେଗୁଲେଟୋରୀ ଅଥରିଟି ଅଫ ଇଣ୍ଡିଆ ଏହି ମର୍ମରେ ନିର୍ଦ୍ଦେଶ ଦେଇଛି । ପୂର୍ବରୁ ଏହି ଡେଡଲାଇନ ମାର୍ଚ୍ଚ ୩୧ ତାରିଖରେ ଶେଷ ହେବାର ଥିଲା । ଖାଲି ଏତିକି ନୁହେଁ, ଜିଓର ସମର ପ୍ଲାନ୍ ମଧ୍ୟ ବନ୍ଦ ହୋଇଛି । ଅର୍ଥାତ୍ ୩ ମାସ ପାଇଁ ପୁଣି ଜିଓ ଯେଉଁ ଅଫର ଦେଇଥିଲା ସେଥିରେ ବ୍ରେକ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ମାର୍ଚ୍ଚ ୩୧ ତାରିଖ ପରେ ଜିଓ ମାଗଣା ସେବା ବନ୍ଦ କରିବା ସହ ସର୍ବନିମ୍ନ ୩୦୩ ଟଙ୍କା ରିଚାର୍ଜ କରିବା ପାଇଁ ପ୍ଲାନ କରିଥିଲା । ପରବର୍ତ୍ତୀ ସମୟରେ ଏହାକୁ ୧୫ଦିନ ପର୍ଯ୍ୟନ୍ତ ବୃଦ୍ଧି କରାଗଲା । କିନ୍ତୁ ଟ୍ରାଇଙ୍କ ନିର୍ଦ୍ଦେଶ ପରେ ଏହି ଏକ୍ସଟେନସନ ଅଫର ବନ୍ଦ ହୋଇଯାଇଛି । ଏହା ସହ ଏପ୍ରିଲ ୧୫ସୁଦ୍ଧା ରିଚାର୍ଜ କଲେ ୩ମାସ ପର୍ଯ୍ୟନ୍ତ ଫ୍ରି ସର୍ଭିସର ସମର ସରପ୍ରାଇଜ ପ୍ଲାନକୁ ବି ରଦ୍ଦ କରିଛି ଟ୍ରାଇ । ଏହି ନିର୍ଦ୍ଦେଶ ବଳରେ ଟଲେିକମ କଂପାନୀକୁ ଜବରଦସ୍ତ ଝଟକା ଲାଗିଛି ।
କଂପାନୀ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ସେମାନେ ଟ୍ରାଇର ନିର୍ଦ୍ଦେଶଜୁ ଅନୁପାଳନ କରିବେ । ଗତ ଗୋଟିଏ ମାସ ମଧ୍ୟରେ ଜିଓ ପ୍ରାଇମକୁ ୭ କୋଟି ୨୦ ଲକ୍ଷ ଲୋକ ଆପଣାଇଥିବା କୁହାଯାଇଥିଲା ।
ଦେଖନ୍ତୁ ଏହି ଭିଡିଓ-