ବିଧାୟକଙ୍କୁ ମିଛୁଆ ସଜାଉଛନ୍ତି ସରକାରୀ ବାବୁ । ମିଛୁଆ ହୋଇ କାହିଁକି ବିଧାନସଭାରେ ରହିବୁ ବୋଲି ପ୍ରଶ୍ନ କଲେ ବିଧାୟକ ସୌମ୍ୟରଞ୍ଜନ ପଟ୍ଟନାୟକ । ଜାଣନ୍ତୁ ପୂରା ଘଟଣା କଣ?
କନକ ବ୍ୟୁରୋ : ସରକାରୀ ଅଧିକାରୀଙ୍କ ତଥ୍ୟକୁ ନେଇ ବିଧାନସଭାରେ ଉଦବେଗ । ଖଣ୍ଡପଡା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କ ଉଦବେଗ । ଶୂନ୍ୟକାଳରେ ବିବୃତ୍ତି ରଖି ସୌମ୍ୟ କହିଛନ୍ତି ଯେ, ‘ବିଧାନସଭାରେ ସତ କିଏ କହୁଛି ପ୍ରଶ୍ନକର୍ତ୍ତା ନା ସରକାରୀ ଅଧିକାରୀ’ ?
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ମଦ୍ୟପାନ କରୁଥିବା ମହିଳାଙ୍କ ସଂଖ୍ୟା ବଢୁଥିବା ନେଇ ପଚାରିଥିବା ପ୍ରଶ୍ନରେ ସରକାରୀ ଅଧିକାରୀ ରଖିଥିବା ତଥ୍ୟକୁ ନେଇ ଉଦବେଗ ପ୍ରକାଶ କରିଛନ୍ତି ବିଜେଡ଼ିର ବରିଷ୍ଠ ବିଧାୟକ ସୌମ୍ୟରଞ୍ଜନ ପଟ୍ଟନାୟକ । ସରକାରୀ ଅଧିକାରୀ ମାନେ ଭୁଲ ଏବଂ ଭିନ୍ନ ଭିନ୍ନ ତଥ୍ୟ ଦେଇ ବିଧାୟକ ମାନଙ୍କୁ ମିଛୁଆ ସଜେଇ ନ ଦିଅନ୍ତୁ । ମିଛୁଆ ହୋଇ ଆମେ ବିଧାନସଭାରେ ରହିବୁ କାହିଁକି ବୋଲି ସେ ପ୍ରଶ୍ନ କରିଛନ୍ତି।
ମଦ୍ୟପାନରେ ରାଜ୍ୟର ମହିଳାଙ୍କ ସଂଖ୍ୟା ବଢୁଛି ନା କମୁଛି ତାହା ମୁଁ ଜାଣି ପାରୁନି । ଜାତୀୟ ସ୍ତରରେ ୨୦୧୫-୧୬ ସର୍ଭେ ଅନୁଯାୟୀ ମହିଳା ମଦ୍ୟପାନ ହାର ୧.୨ ପ୍ରତିଶତ ଥିଲା । ତାହା ବଢି ୧.୩ ପ୍ରତିଶତ ବର୍ତ୍ତମାନ ସୁଦ୍ଧା ହୋଇଛି । ଓଡ଼ିଶାରେ ଏହା ୪.୩ ପ୍ରତିଶତ ରହିଛି । ଏହି ତଥ୍ୟ ଆଧାରରେ ରାଜ୍ୟସ୍ତରରେ ମହିଳା ମଦ୍ୟପାନ କମିଛି ନା ବଢିଛି । ଯଦି ଏହି ତଥ୍ୟକୁ ନେଇ ସରକାରୀ ଅଧିକାରୀ କହିବେ ରାଜ୍ୟର ମହିଳାଙ୍କ ମଦ୍ୟପାନ କମିଛି ତେବେ ଏଥିରୁ କଣ ବୁଝିବା । ଏହାସହ ସୌମ୍ୟ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିବା ସହ କହିଛନ୍ତି, କେମିତି ଆମ ଓଡ଼ିଶାରେ ମହିଳାଙ୍କ ମଦ୍ୟପାନ ସଂଖ୍ୟା କମୁଛି ତାହା ମୋତେ ବୁଝେଇବେ କି ?
ମହିଳା ମଦ୍ୟପାନ ପ୍ରସଙ୍ଗରେ ବିଭ୍ରାନ୍ତି ତଥ୍ୟ ବାଦ୍ ଜଳ ସଂରକ୍ଷଣ ନେଇ ଉଦବେଗ ପ୍ରକାଶ କରିଛନ୍ତି ସୌମ୍ୟରଞ୍ଜନ ପଟ୍ଟନାୟକ । ମହାନଦୀ ନେଇ ଆମେ ଛତିଶଗଡ଼ ନାଁରେ ଅଭିଯୋଗ କରୁଛୁ । କିନ୍ତୁ ମହାନଦୀ ଏବଂ ଅନ୍ୟ ନଦୀ ଗୁଡିକର ଜଳକୁ ସଂରକ୍ଷଣ କରଯାଉ ନାହିଁ । କୁଆଖିଆ ନଦୀର ପାଣିକୁ ରୋକାଯାଉ ନାହିଁ । ପାଣି ସମୁଦ୍ରକୁ ପଳାଉଛି । ତେଣୁ ବାଚସ୍ପତି ସରକାରଙ୍କୁ କୁଆଖାଇରେ ବ୍ୟାରେଜ ନିର୍ମାଣ କରିବାକୁ ନିର୍ଦ୍ଦେଶ ଦିଅନ୍ତୁ ବୋଲି ସୌମ୍ୟ କହିଛନ୍ତି । ଏହାଛଡା ଭୁବନେଶ୍ୱର ଚାରି ପାଖରେ ଜଳ ସଂରକ୍ଷଣ ପାଇଁ କଣ ବ୍ୟବସ୍ଥା କରାଯାଇଛି ବୋଲି ପ୍ରଶ୍ନ କରିଛନ୍ତି ସୌମ୍ୟ ।