ରାହୁଲ ଗାନ୍ଧୀଙ୍କ ନାମରେ ମିଥ୍ୟା ଖବର ଚଳାଇବା ପଡିଲା ମହଙ୍ଗା, ନୋଏଡା ପୋଲିସ ହେପାଜତରେ ଜୀ ନ୍ୟୁଜର ଆଙ୍କର
କନକ ବ୍ୟୁରୋ : ଜୀ ଟିଭିର ନ୍ୟୁଜ ଆଙ୍କର ରୋହିତ ରଞ୍ଜନଙ୍କୁ ମଙ୍ଗଳବାର ଦିନ ନୋଏଡା ପୋଲିସ ହେପାଜତକୁ ନେଇଛି । କୁହାଯାଉଛି କି ଜୀ ନ୍ୟୁଜରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ନେଇ ଏକ ମିଥ୍ୟା ଭିଡିଓ ଚଲା ଯାଇଥିଲା । ଏହାପରେ ଚ୍ୟାନେଲ ତରଫରୁ ଓ ନିଜେ ଆଙ୍କର ଜଣଙ୍କ ସର୍ବ ସାଧାରଣରେ କ୍ଷମା ମାଗିଥିଲେ ବି ପୋଲିସ କାର୍ଯ୍ୟାନୁଷ୍ଠାନ ନେଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରୋହିତ ରଞ୍ଜନଙ୍କୁ ଗିରଫ କରିବା ବେଳର ଦୃଶ୍ୟ ବି ରୋମାଞ୍ଚକର ଥିଲା । ଗୋଟିଏ ପଟେ ଛତିଶଗଡ ପୋଲିସ ରୋହିତଙ୍କୁ ଗିରଫ କରିବାକୁ ଚାହୁଁଥିବା ବେଳେ ଗାଜିଆବାଦ ପୋଲିସ ଛତିଶଗଡ ପୋଲିସ ସହ ଝଗଡା କରି ରୋହିତଙ୍କୁ ନେଇ ପଳାଇଥିଲା । ଏସବୁକୁ ନେଇ ରୋହିତ ରଞ୍ଜନ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଗାଜିଆବାଦ ଏସଏସପି ଓ ଏଡିଜିଙ୍କୁ ଟ୍ୱିଟ କରିଛନ୍ତି । ସେ କହିଛନ୍ତି କି ସ୍ଥାନୀୟ ପୋଲିସକୁ ସୂଚନା ନଦେଇ ଛତିଶଗଡ ପୋଲିସ ତାଙ୍କୁ ଗିରଫ କରିବାକୁ ତାଙ୍କ ଘର ଆଗରେ ଠିଆ ହୋଇଛି । ଏହା କଣ ଆଇନ କି ବୋଲି ରୋହିତ ପ୍ରଶ୍ନ କରିଛନ୍ତି ।
ସେପେଟେ ରୋହିତଙ୍କର ଏଭଳି ଟ୍ୱିଟ ଉପରେ ଜବାବ ରଖିଛି ଛତିଶଗଡ ପୋଲିସ । ଛତିଶଗଡ ପୋଲିସ ପକ୍ଷରୁ କୁହାଯାଇଛି କି, ଯଦି କାହା ବିରୋଧରେ ୱାରେଣ୍ଟ ରହିଛି ତେବେ ତାଙ୍କୁ ଗିରଫ କରିବା ପୂର୍ବରୁ ସ୍ଥାନୀୟ ପୋଲିସକୁ ସୂଚନା ଦେବାର କୌଣସି ଆବଶ୍ୟକତା ନାହିଁ ।
କହିରଖୁ କି କଂଗ୍ରେସ ନେତା ରାହୁଲ ଗାନ୍ଧୀ କେରଳର ୱାଇନାଡ ଠାରେ କଂଗ୍ରେସ କାର୍ଯ୍ୟାଳୟ ଉପରେ ଆକ୍ରମଣ କରିଥିବା ଯୁବକଙ୍କ ଉପରେ ବୟାନ ଦେଇଥିଲେ । ଏହାକୁ ଜୀ ନ୍ୟୁଜ ଆଙ୍କର କହିଥିଲେ କି, ରାହୁଲ ଗାନ୍ଧୀ ଉଦୟପୁର ଦର୍ଜୀ ହତ୍ୟାକାରୀ ଉପରେ ବୟାନ ଦେଇଥିବା ନେଇ ଭିଡିଓ ଚଲାଇଥିଲେ । ଏହାପରେ ଏହାକୁ ନେଇ ରୋହିତ ରଞ୍ଜନଙ୍କ ଉପରେ ରାଜସ୍ଥାନ ଓ ଛତିଶଗଡରେ ମାମଲା ଦାଖଲ ହୋଇଥିଲା ।