ପୂର୍ବତଟ ରେଳବାଇର ମରାମତି କାର୍ଯ୍ୟପାଇଁ ୧୪ ଏକ୍ସପ୍ରେସ ଓ ୭ ପାସେଞ୍ଜର ବାତିଲ
ମରାମତି ପାଇଁ କିଛି ଟ୍ରେନ୍ ହେଲା ବାତିଲ
କନକ ବ୍ୟୁରୋ : ପୂର୍ବତଟ ରେଳପଥ ଅଧୀନରେ ଆସୁଥିବା ଅଞ୍ଚଳର ବିଭିନ୍ନ ଅଞ୍ଚଳରେ ରେଳ ସୁରକ୍ଷା ସମ୍ପର୍କିତ ମରାମତି କାର୍ଯ୍ୟ ଫେବ୍ରୁ୍ଆରି ୮ ତାରିଖଠାରୁ ଆରମ୍ଭ ହେବ। କେତେକ ସ୍ଥାନରେ ଅତ୍ୟାଧୁନିକ କାର୍ଯ୍ୟ ହେବାକୁ ଥିବାରୁ ପୂର୍ବତଟ ରେଳପଥ ସମେତ ବିଭିନ୍ନ ଜୋନରେ ଚଳାଚଳ କରୁଥିବା ୧୪ଟି ଏକ୍ସପ୍ରେସ୍ ଓ ୭ଟି ପାସେଞ୍ଜର ଟ୍ରେନ୍କୁ ବାତିଲ୍ କରାଯାଇଛି। ତାହାକୁ ଦୃଷ୍ଟିରେ ରଖି ଯାତ୍ରୀମାନେ ସହଯୋଗ କରିବାକୁ ପୂର୍ବତଟ ରେଳପଥ ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଚଳିତ ମାସ ୧୪,୨୧,୨୮ ତାରିଖରେ ବିଶାଖାପାଟଣା-ଦୀଘା ଏକ୍ସପ୍ରେସ୍ ବାତିଲ ହୋଇଥିବା ବେଳେ ଦୀଘା-ବିଶାଖାପାଟଣା ଏକ୍ସପ୍ରେସ୍ ୧୫,୨୨ ଓ ମାର୍ଚ୍ଚ ୧, ବିଶାଖାପାଟଣା-ପାରାଦୀପ ଏକ୍ସପ୍ରେସ୍ ୧୦,୧୭,୨୪ ତାରିଖରେ, ପାରାଦୀପ-ବିଶାଖାପାଟଣା ଏକ୍ସପ୍ରେସ୍ ୧୩,୨୦,୨୫ ତାରିଖରେ, ପାରାଦୀପ-ସାନ୍ତ୍ରାଗାଚ୍ଛି ଏକ୍ସପ୍ରେସ୍ ୧୩,୨୦,୨୭ ତାରିଖରେ, ସାନ୍ତ୍ରାଗାଚ୍ଛି-ପାରାଦୀପ ଏକ୍ସପ୍ରେସ୍ ୧୨,୧୯,୨୬ ତାରିଖରେ, ପୁରୀ-ଦୀଘା ଏକ୍ସପ୍ରେସ୍ ୯,୧୬,୨୩ ତାରିଖରେ, ଦୀଘା-ପୁରୀ ଏକ୍ସପ୍ରେସ୍ ୧୦,୧୭,୨୪ ତାରିଖରେ, ସମ୍ବଲପୁର-ହାୱଡା ଏକ୍ସପ୍ରେସ୍(ଭାୟା ଅନୁଗୁଳ ଓ ଭଦ୍ରକ) ୧୫ ଓ ୨୨ ତାରିଖରେ, ହାୱଡା-ସମ୍ବଲପୁର ଏକ୍ସପ୍ରେସ୍(ଭାୟା ଭଦ୍ରକ ଓ ଅନୁଗୁଳ) ୧୬ ଓ ୨୩ ତାରିଖରେ, ବିଶାଖାପାଟଣା-କୋରାପୁଟ ଏକ୍ସପ୍ରେସ୍ ୮,୧୧,୧୫,୧୮,୨୨ ଓ ୨୫ ତାରିଖରେ,
କୋରାପୁଟ-ବିଶାଖାପାଟଣା ଏକ୍ସପ୍ରେସ୍ ୯,୧୨,୧୬,୧୯,୨୩ ଓ ୨୬ ତାରିଖରେ, ଦୁର୍ଗ-ଜଗଦଲପୁର ଏକ୍ସପ୍ରେସ୍ ୧୦,୧୨ ଓ ୧୪ ତାରିଖରେ, ଜଗଦଲପୁର-ଦୁର୍ଗ ଏକ୍ସପ୍ରେସ୍(ଭାୟା-ରାୟଗଡ଼ା ଓ ଟିଟିଲାଗଡ଼) ୧୧, ୧୩ ଓ ୧୫ ତାରିଖରେ, ସମ୍ବଲପୁର-କୋରାପୁଟ/ଜୁନାଗଡ଼ ରୋଡ ପାସେଞ୍ଜର ୮ ଓ ୧୪ ତାରିଖରେ, କୋରାପୁଟ/ଜୁନାଗଡ଼ ରୋଡ-ସମ୍ବଲପୁର ପାସେଞ୍ଜର ୯ ଓ ୧୫ ତାରିଖରେ, ଟିଟିଲାଗଡ଼-ରାୟପୁର ପାସେଞ୍ଜର ୮ ଓ ୧୪ ତାରିଖରେ, ରାୟପୁର-ଟିଟିଲାଗଡ଼ ପାସେଞ୍ଜର ୯ ଓ ୧୫ ତାରଖରେ, ଦୁର୍ଗ-ବିଶାଖାପାଟଣା-ଦୁର୍ଗ ପାସେଞ୍ଜର ୮ ଓ ୧୪ ତାରିଖରେ, ପାରାଦୀପ-କଟକ-ପାରାଦୀପ ପାସେଞ୍ଜର(୫୮୪୦୬/୫୮୪୦୫) ୯ରୁ ୧୯ ତାରିଖରେ, କଟକ-ଭଦ୍ରକ-କଟକ ପାସେଞ୍ଜର(୫୮୪୩୬/୫୮୪୩୫) ୯ରୁ ୧୯ ତାରିଖରେ ବାତିଲ ହୋଇଥିବା ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି।