ସିଦ୍ଧୁ ମୁସେୱାଲା ହତ୍ୟା ଘଟଣା, ଅଭିଯୁକ୍ତ ଲରେନ୍ସ ବିଷ୍ଣୋଇଙ୍କୁ ଗିରଫ କରିବାକୁ କୋର୍ଟ ଦେଲା ଅନୁମତି
କନକ ବ୍ୟୁରୋ : ସିଦ୍ଧୁ ମୁସେୱାଲା ହତ୍ୟାକାଣ୍ଡକୁ ନେଇ ଏବେ ଏକ ବଡ ଖବର ଆସିଛି । ଦିଲ୍ଲୀ କୋର୍ଟ ଅଭିଯୁକ୍ତ ଲରେନ୍ସ ବିଷ୍ଣୋଇଙ୍କୁ ଗିରଫ କରିବାକୁ ପଞ୍ଜାବ ପୋଲିସକୁ ଅନୁମତି ଦେଇଛି । ସେପଟେ ଗ୍ୟାଙ୍ଗଷ୍ଟର ଲରେନ୍ସଙ୍କୁ କଷ୍ଟଡିରେ ନେବାକୁ ଦିଲ୍ଲୀ ପୋଲିସ ବି କୋର୍ଟଙ୍କୁ ଅନୁମତି ମାଗିଥିଲା । ହେଲେ ମଙ୍ଗଳବାର ଦିନ କୋର୍ଟ ପଞ୍ଜାବ ପୋଲିସଙ୍କ ଆବେଦନକୁ ଗ୍ରହଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ମୁସେୱାଲା ହତ୍ୟାକାଣ୍ଡର ମାଷ୍ଟର ମାଇଣ୍ଡ ତଥା କୁଖ୍ୟାତ ଅପରାଧୀ ଲରେନ୍ସ ବିଷ୍ଣୋଇକୁ ଦିଲ୍ଲୀ ପୋଲିସର ସ୍ପେଶାଲ ସେଲ ପଟିଆଲା ହାଉସ କୋର୍ଟରେ ହାଜର କରିଥିଲା । ଏହି ସମୟରେ କୋର୍ଟରେ ପଞ୍ଜାବ ପୋଲିସ ବି ଉପସ୍ଥିତ ଥିଲା । ଏହି ସମୟରେ ପଞ୍ଜାବର ଆଡଭୋକେଟ ଜେନରଲ ଲରେନ୍ସକୁ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲେ । ଏହି କ୍ରମରେ ଦିଲ୍ଲୀ ପୋଲିସ ବି ଲରେନ୍ସକୁ କଷ୍ଟଡିରେ ନେବାକୁ ଆବେଦନ କରିଥିଲେ ।
ଦିଲ୍ଲୀ ପୋଲିସ କୋର୍ଟକୁ କହିଥିଲା କି, ଯେଉଁ ମାମଲାରେ ଆମେ ପଚରା ଉଚରା କରୁଛୁ ସେହି ମାମଲାରେ ଆମକୁ କିଛି ସଫଳତା ମିଳିନାହିଁ । ଏହି କାରଣରୁ ଲରେନ୍ସକୁ କଷ୍ଟଡିରେ ନେବାକୁ ଦିଲ୍ଲୀ ପୋଲିସ କୋର୍ଟରେ ଆବେଦନ କରିଥିଲା । ସେପଟେ ପଞ୍ଜାବ ପୋଲିସ କୋର୍ଟରେ ସିଦ୍ଧୁ ମୁସେୱାଲା ହତ୍ୟାକାଣ୍ଡ ବାବଦରେ କହି ସୋସିଆଲ ମିଡିଆର ଏକ ଭିଡିଓକୁ କୋର୍ଟରେ ଉପସ୍ଥାପନ କରିଥିଲେ । ଏହି ଭିଡିଓରେ ଦେଖିବାକୁ ମିଳିଥିଲା କି ମୁସେୱାଲା ହତ୍ୟାକାଣ୍ଡ ପଛରେ ଲରେନ୍ସର ହାତ ଥିବା କଥା ସେ ନିଜେ ସ୍ୱିକାର କରୁଛି । ଏହି କାରଣରୁ କୋର୍ଟ ଲରେନ୍ସକୁ ଗିରଫ କରିବାକୁ ପଞ୍ଜାବ ପୋଲିସକୁ ଅନୁମତି ଦେଇଥିବା କଥା କୁହାଯାଉଛି ।