ଚର୍ଚ୍ଚାରେ ଦାନବୀର ତ୍ୟାଗରାଜନ : କର୍ମଚାରୀଙ୍କ ପାଇଁ ପ୍ରସ୍ତୁତ ଟ୍ରଷ୍ଟକୁ ୬ହଜାର କୋଟି ଦାନ କରିବାକୁ ଘୋଷଣା
କନକ ବ୍ୟୁରୋ : ଚର୍ଚ୍ଚାରେ ଦାନବୀର । କୋଟିଏ କି ଦୁଇକୋଟି ନୁହେଁ ପୂରା ୬ହଜାର ୨ଶହ ୧୦କୋଟି ଟଙ୍କା ଦାନ କରିବାକୁ ନିଷ୍ପତି ନେଇ ଚର୍ଚ୍ଚାରେ ଶିଳ୍ପପତି ତ୍ୟାଗ୍ରାଜନ । ଶ୍ରରାମଗ୍ରୁପର ପ୍ରତିଷ୍ଠାତା ନିଜର ଏହି କାମ ପାଇଁ ଏବେ ଯେତିକି ଚର୍ଚ୍ଚାରେ ରହିଛନ୍ତି ସେତିକି ଧନ୍ୟବାଦ ଓ ଆର୍ଶୀବାଦ ମଧ୍ୟ ସାଉଁଟୁଛି । ଏହି ବିରାଟ ଅର୍ଥକୁ ସେ ନିଜର କର୍ମଚାରୀଙ୍କ ପାଇଁ ପ୍ରସ୍ତୁତ ଟ୍ରଷ୍ଟକୁ ଦାନ କରିବାକୁ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାମିଲନାଡୁର ଏକ ଚାଷୀ ପରିବାରରେ ଜନ୍ମ କରିଥିବା ତ୍ୟାଗରାଜନ ୧୯୭୪ ମସିହାରେ ଶ୍ରୀରାମ କମ୍ପାନୀ ସହ ବ୍ୟବସାୟ ଦୁନିଆରେ ପାଦ ଦେଇଥିଲେ । ଦୁଇଜଣ ବନ୍ଧୁଙ୍କ ସହ ମିଶି ପ୍ରତିଷ୍ଠା କରିିଥିବା ଏହି କମ୍ପାନୀ ପ୍ରଥମେ ଚିଟଫଣ୍ଡ ଓ ପରେ ଋଣ ଓ ବୀମା ବ୍ୟବସାୟରେ ପ୍ରବେଶ କରିଥିଲା । ଶ୍ରୀରାମ ଫାଇନାନ୍ସ ହେଉଛି ଦେଶର ଅଗ୍ରଣୀ ଅଣବ୍ୟାଙ୍କିକ ଋଣ ପ୍ରଦାନକାରୀ କମ୍ପାନୀ ଅଟେ । ସବୁଠୁ ବଡ କଥା ହେଉଛି ତ୍ୟାଗରାଜନ ନିଜ ଜୀବନ କାଳରେ ବିନା ସିଭିଲ ସ୍କୋର ଓ କମ ସୁଧରେ ଲୋକଙ୍କୁ ଋଣ ଦେଇଛନ୍ତି ।
ବର୍ତ୍ତମାନ ଶ୍ରୀରାମଗ୍ରୁପର ୩୦ଟି ଶାଖା ଦେଶବିଦେଶରେ ରହିଛି । ତେବେ ମିଳିଥିବା ସୂଚନା ଅନୁସାରେ ନିଜ ପାଇଁ ଗୋଟିଏ କାର ଓ ଘର ରଖି ସବୁ ସମ୍ପତି ଦାନ କରିଛନ୍ତି ତ୍ୟାଗରାଜନ । ୨୦୧୩ରେ ଭାରତ ସରକାର ତାଙ୍କୁ ପଦ୍ମଭୂଷଣ ସମ୍ମାନ ପ୍ରଦାନ କରିଥିଲେ । ଆପଣ ଜାଣିକି ଆଶ୍ଚର୍ଯ୍ୟ ହେବେ କୋଟିକୋଟି ଟଙ୍କା ସମ୍ପତିର ମାଲିକ ତ୍ୟାଗରାଜନ ମୋବାଇଲ ଫୋନ ବ୍ୟବହାର କରନ୍ତି ନାହିଁ । ସେ ଭାବନ୍ତି ମୋବାଇଲ ବ୍ୟବହାର କଲେ ଧ୍ୟାନ ହଟିଥାଏ ।