କନକ ବ୍ୟୁରୋ: ଭଲ ପାଇ ବାହାହେଲେ । ହେଲେ ଏବେ ଘରୋଇ ହିଂସା ମାମଲାରେ ଥାନାର ଚକ୍କର କାଟୁଛନ୍ତି କଣ୍ଠଶିଳ୍ପୀ ହ୍ୟୁମାନ ସାଗର ଓ ପତ୍ନୀ ଶ୍ରେୟା । କଟକ ମହିଳା ଥାନାରେ ମୁହାଁମୁହିଁ ହୋଇଛନ୍ତି କଣ୍ଠଶିଳ୍ପୀ ହ୍ୟୁମାନ ସାଗର ଓ ତାଙ୍କ ପତ୍ନୀ ଶ୍ରେୟା । ପୁଲିସ ସମନ ପରେ ଉଭୟ ଥାନାକୁ ଆସିଥିଲେ । ତେବେ ମାମଲାର ସମାଧାନ ପୂର୍ବରୁ ଶ୍ରେୟା ଓ ତାଙ୍କ ବାପା, ହ୍ୟୁମାନଙ୍କ ନାଁରେ ସାଂଘାତିକ ଅଭିଯୋଗ ଆଣିଛନ୍ତି । ଶ୍ରେୟାଙ୍କ ଓକିଲ କହିଛନ୍ତି,
– ଧର୍ମ ପରିବର୍ତ୍ତନ ପାଇଁ ଶ୍ରେୟାଙ୍କ ଉପରେ ଚାପ ପକାଉଥିଲେ ହ୍ୟୁମାନ
– ଏଥିପାଇଁ ରାଜି ନହେବାରୁ ଶ୍ରେୟାଙ୍କ ଉପରେ ନିର୍ଯାତନା ଦିଆଯିବା ଆରମ୍ଭ ହୋଇଥିଲା
– ତଣ୍ଟିଚିପି ମାରିଦେବାକୁ ଉଦ୍ୟମ ହୋଇଥିଲା
– ଯୌତୁକ ପାଇଁ ଚାପ ପକାଉଥିଲେ, ଦୁଇଟି କିସ୍ତିରେ ୧୫ ଲକ୍ଷ ଦିଆଯାଇଥିଲା
Kanak News is now on WhatsApp
Join and get latest news updates delivered to you via WhatsApp
ସେପଟେ ଶ୍ରେୟାଙ୍କ ବାପା ବି ହ୍ୟୁମାନ ସାଗର ବିରୋଧରେ ସାଂଘତିକ ଅଭିଯୋଗ ଆଣିଛନ୍ତି । ସେ କହିଛନ୍ତି,
-ରାତିରେ ମଦ ପିଇ ଶ୍ରେୟାଙ୍କୁ ରାତିରେ ବାଡଉଥିଲେ, ସକାଳେ କ୍ଷମା ମାଗୁଥିଲେ
-ଅନ୍ୟ ଝିଅଙ୍କ ସହିତ ହ୍ୟୁମାନଙ୍କ ସମ୍ପର୍କ ରହିଛି
-ସମାଧାନ ନ ହେବାରୁ ଝିଅ ୫ ମାସ ହେଲା ବାପଘରେ ରହୁଛି
ଶ୍ରେୟାଙ୍କ ଓକିଲ ଓ ତାଙ୍କ ବାପା ଆଣିଥିବା ଅଭିଯୋଗକୁ ଖଣ୍ଡନ କରିଛନ୍ତି କଣ୍ଠଶିଳ୍ପୀ ହ୍ୟୁମାନ ସାଗର । ତେବେ ହ୍ୟୁମାନଙ୍କ ମାଆଙ୍କ ନୂଆ ଅଭିଯୋଗ ଘଟଣାକୁ ଭିନ୍ନ ମୋଡ ଦେଇଛି । ହ୍ୟୁମାନଙ୍କ ମାଆ ସିଧାସଳଖ ଅଭିଯୋଗ କରିଛନ୍ତି
– ଶ୍ରେୟା, ତାଙ୍କ ବାପା, ଭାଇ ଓ ମାଆ ମଦ ପିଉଥିଲେ
-ଏମାନେ ହ୍ୟୁମାନଙ୍କୁ ମଦ ପିଆଉଥିଲେ
– ଶ୍ରେୟା ଓ ହ୍ୟୁମାନଙ୍କ ଭଭୟଙ୍କର ଭୁଲ ଅଛି
– ବୋହୂ ନାଁରେ ଜମି, ଜାଗା କିଣିଛି ପୁଅ
-ହ୍ୟୁମାନଙ୍କ ଟଙ୍କାକୁ ଶ୍ରେୟା ତାଙ୍କ ବାପାଙ୍କୁ ଦେଇଛନ୍ତି
-ହ୍ୟୁମାନଙ୍କ ଶାଶୁଙ୍କ ପରକୀୟା ପ୍ରୀତି ରହିଛି
ଥାନାରେ ହାଜର ହେବାର ପରେ ମାମଲାର ସମାଧାନ ପାଇଁ ଉଭୟ ପତି-ପତ୍ନୀ ଦୁଇଦିନ ସମୟ ନେଇଛନ୍ତି । ୨ ଦିନ ପରେ ଉଭୟ ପୁଣି ଆସିବେ । ଆଉ ସମାଧାନ ନହେଲେ ମାମଲା ହେବ ଓ ଆଇନ ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ । ହିଂସା ନେଇ ଉଭୟ ହ୍ୟୁମାନ ସାଗର ଓ ଶ୍ରେୟାଙ୍କ ପରିବାର ମୁହାଁମୁହିଁ ହେବା ପରେ ପ୍ରଶ୍ନ ଉଠୁଛି, ସତ କିଏ କହୁଛି । ଦୁଇଦିନ ମଧ୍ୟରେ ସମାଧାନ ହେବା ସମ୍ଭବ କି ।