କନକ ବ୍ୟୁରୋ: ଗତ ଚାରି ବର୍ଷ ଧରି ଶାହାରୁଖ ଖାନଙ୍କର ଗୋଟିଏ ବି ଫିଲ୍ମ ରିଲିଜ୍ ହେଇନି । ଯେଉଁ କାରଣରୁ ଶାହାରୁଖଙ୍କ ଫ୍ୟାନ୍ସମାନେ ତାଙ୍କ ଆଗାମୀ ଫିଲ୍ମ ପଠାନଙ୍କୁ ଚାତକ ଭଳି ଚାହିଁ ରହିଛନ୍ତି । ସିଦ୍ଧାର୍ଥ ଆନନ୍ଦଙ୍କ ଏହି ଫିଲ୍ମ ଆସନ୍ତା ଜାନୁଆରୀ ୨୫ ତାରିଖରେ ରିଲିଜ୍ ହେବାକୁ ଯାଉଛି । ଯାହାର ପ୍ରଥମ ଗୀତ ‘ବେଶରମ୍ ରଙ୍ଗ’ କିଛି ସମୟ ପୂର୍ବରୁ ହିଁ ରିଲିଜ୍ ହେଇଛି । ହେଲେ ରିଲିଜ୍ ହେବାର କିଛି ସମୟ ଭିତରେ ହିଁ ଏହି ଗୀତକୁ ନେଇ ବିବାଦ ଠିଆ ହେଇଛି । ଏମିତିକି କିଛି ସ୍ଥାନରେ ଏହି ଫିଲ୍ମକୁ ବୟକଟ୍ କରିବାକୁ ନାରା ବି ଶୁଭିଛି । ଆଉ ଏହାରି ଭିତରେ ଶାହାରୁଖ ଖାନ୍ ଏକ ବଡ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫିଲ୍ମକୁ ନେଇ ବିବାଦ ଠିଆ ହେବା ଭିତରେ ଫିଲ୍ମର ପ୍ରମୋସନ୍ ପାଇଁ ଶାହାରୁଖ୍ ଖାନ୍ ଜୋରଦାର ଉଦ୍ୟମ ଚଳାଇଛନ୍ତି । ଶାହାରୁଖ ଖାନ ସୋସିଆଲ୍ ମିଡିଆରେ ଏକ ଭିଡିଓ ପୋଷ୍ଟ କରି ଘୋଷଣା କରିଛନ୍ତି ଯେ, ଆସନ୍ତା ଫିଫା ବିଶ୍ୱକପ୍ ଫାଇନାଲ ମ୍ୟାଚରେ ସେ ଫିଲ୍ମର ପ୍ରମୋସନ୍ କରିବେ ।
View this post on Instagram
ଶାହାରୁଖ ନିଜ ଇନଷ୍ଟାଗ୍ରାମ୍ ପେଜରେ ଏହି ଭିଡିଓ ସେୟାର କରିଛନ୍ତି । ଆଉ ଜିଓ ସିନେମା ଓ ସ୍ପୋର୍ଟସ ୧୮ ଷ୍ଟୁଡିଓରେ ଫିଫା ବିଶ୍ୱକପ୍ ମ୍ୟାଚ୍ ଦେଖିବା ସହ ଫିଲ୍ମର ପ୍ରମୋସନ୍ କରିବେ ବୋଲି ସୂଚନା ମିଳିଛି । ସୂଚନାଯୋଗ୍ୟ ଯେ, ଆସନ୍ତା ୧୮ ତାରିଖ ରବିବାର ଦିନ କତାରରେ ଫିଫା ବିଶ୍ୱକପ୍ ଫାଇନାଲ ମ୍ୟାଚ୍ ଖେଳାଯିବ । ଯେଉଁ ମ୍ୟାଚରେ ମୁହାଁମୁହିଁ ହେବେ ଦୁଇ ଦମଦାର ଦଳ ଫ୍ରାନ୍ସ ଏବଂ ଆର୍ଜଣ୍ଟିନା ।