ଏସସିଓ ସମିଟ୍ : ଗୋଟିଏ କୋଣରେ ଥିଲେ ପାକ୍ ପ୍ରଧାନମନ୍ତ୍ରୀ ଇମରାନ୍ ଖାନ୍ ଏବଂ ପାଖରେ ବସିଥିଲେ ପ୍ରଧାନମନ୍ତ୍ରୀ ମୋଦି , ନା ମିଶାଇଲେ ହାତ ନା କଲେ ସାକ୍ଷାତ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନ୍ ବିସ୍କେକ୍ ରେ ଆୟୋଜିତ ହୋଇଥିବା ଏସସିଓ ସମ୍ମିଳନୀରେ ସାମ୍ନାସାମ୍ନି ହେଲେ କିନ୍ତୁ ଦୁହିଁଙ୍କ ମଧ୍ୟରେ ନା କିଛି କଥାବାର୍ତ୍ତା ହେଲା ନା ସାକ୍ଷାତ ହେଲା । ଏସସିଓ ର ୧୯ ତମ ସମ୍ମିଳନୀରେ ଉଦଘାଟନ ସମାରୋହରେ ଅନେକ ରାଷ୍ଟ୍ରଧ୍ୟକ୍ଷ ସାମିଲ ହୋଇଥିଲେ । ତେବେ ସଂଯୋଗ ବଶତଃ ପ୍ରଧାନମନ୍ତ୍ରୀ ମୋଦି ଏବଂ ଇମରାନ୍ ଖାନ୍ ଏକ ସଙ୍ଗରେ ହଲ୍ ଭିତରକୁ ପ୍ରବେଶ କରିଥିଲେ । କିନ୍ତୁ ମୋଦି ଇମରାନ୍ ଙ୍କ ସହ କଥାବାର୍ତ୍ତା ହୋଇନଥିଲେ କି ତାଙ୍କ ଆଡକୁ ଦେଖିନଥିଲେ । ସେ ସିଧା ଯାଇ ନିଜ ସିଟରେ ବସିଥିଲେ । ପ୍ରଧାନମନ୍ତ୍ରୀ ମୋଦି ବିଶ୍ୱର ଅନ୍ୟ ନେତାଙ୍କ ସ୍ୱାଗତ କରିବା ପାଇଁ ସିଟ୍ ରୁ ଉଠିବା ସହ ହାତ ମଧ୍ୟ ମିଳାଇଥିଲେ କିନ୍ତୁ ପାକ୍ ପିଏମ୍ ଙ୍କ ପ୍ରତି ତାଙ୍କର ବ୍ୟବହାର ପୂର୍ବଭଳି ଥିଲା । ପ୍ରଧାନମନ୍ତ୍ରୀ ମୋଦି ନିଜ ବ୍ୟବହାରରେ ପରୋକ୍ଷ ଭାବେ ଜଣାଇଦେଲେ ଯେ ମଞ୍ଚ କିଛି ବି ହେଉ ନା କାହିଁକି ଆତଙ୍କବାଦ ବିପକ୍ଷରେ କଡା ପଦକ୍ଷେପ ନ ନେବା ଯାଏଁ ତାଙ୍କ ବ୍ୟବହାରରେ ପରିବର୍ତ୍ତନ ଆସିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ପ୍ରଧାନମନ୍ତ୍ରୀ ମୋଦି ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗ୍ ଙ୍କ ମଧ୍ୟରେ ଦ୍ୱିପକ୍ଷୀୟ ବାର୍ତ୍ତା ହୋଇଥିଲା ଏବଂ ସେ ଆତଙ୍କବାଦର ବିଷୟ ମଧ୍ୟ ଉଠାଇଥିଲେ । ମୋଦି ରାଷ୍ଟ୍ରପତି ସି ଜିନପିଙ୍ଗ୍ ଙ୍କୁ କହିଲେ ଯେ ପାକ୍ ସହ ଭଲ ସଂବନ୍ଧ ବନାଇବା ପାଇଁ ଅନେକ ପ୍ରୟାସ କରିଥିଲେ ମଧ୍ୟ କୌଣସି ଫାଇଦା ହେଲାନାହିଁ । ପାକ୍ କୁ ଆତଙ୍କମୁକ୍ତ ବାତାବରଣ ତିଆରି କରିବା ନିହାତି ଆବଶ୍ୟକ । କିନ୍ତୁ ଏବେ ଆମେ ଏଭଳି ହେବା କିଛି ଦେଖିପାରୁନାହୁଁ ।
