ଜି-୨୦ ରାତ୍ରୀ ଭୋଜନରେ ଭାରତୀୟ ପରମ୍ପରାର ଝଲକ । ଶାଢିରେ ନଜର ଆସିଲେ ଜାପାନ ଓ ମରିଶସ୍ ପ୍ରଧାନମନ୍ତ୍ରୀଙ୍କ ପତ୍ନୀ ଓ ଅନ୍ୟ ଅଧିକାରୀ

ଦେଶ ବିଦେଶନ୍ୟୁଜ୍
By Anupama Rout
380

କନକ ବ୍ୟୁରୋ: ଶାଢି ଭାରତୀୟ ମହିଳାଙ୍କ ପାରମ୍ପରିକ ପରିଧାନ । ଭାରତରେ ଆୟୋଜିତ ଜି-୨୦ ଶିଖର ସମ୍ମିଳନୀରେ ଯୋଗ ଦେବାକୁ ଆସିଥିବା ଡିନରରେ ଏହାର ପ୍ରତ୍ୟକ୍ଷ ଝଲକ ଦେଖିବାକୁ ମିଳିଥିଲା । ଭାରତ ମଣ୍ଡପମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ଆୟୋଜିତ ରାତ୍ରୀ ଭୋଜନରେ ଜାପାନ ଓ ମରିଶସ୍ ପ୍ରଧାନମନ୍ତ୍ରୀଙ୍କ ପତ୍ନୀଙ୍କୁ ଶାଢି ପରିଧାନରେ ଦେଖିବାକୁ ମିଳିଥିଲା । ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଏହାବ୍ୟତୀତ ବିଶ୍ୱ ବ୍ୟାଙ୍କର ଅଧ୍ୟକ୍ଷଙ୍କ ପତ୍ନୀଙ୍କୁ ମଧ୍ୟ ଶାଢିରେ ଦେଖିବାକୁ ମିଳିଥିଲା ।

 ଜି-୨୦ ସମ୍ମିଳନୀରେ ଯୋଗ ଦେବାକୁ ଜାପାନ୍ ପ୍ରଧାନମନ୍ତ୍ରୀ ଫୁମିୟୋ କିଶିଦା ପତ୍ନୀ ୟୁକୋ କିଶିଦାଙ୍କ ସହ ଭାରତ ଆସିଛନ୍ତି । ୟୁକୋ କିଶିଦା ଶିକ୍ଷା , ପରିବେଶ କ୍ଷେତ୍ରରେ କାର୍ଯ୍ୟ କରୁଛନ୍ତି । ରାଷ୍ଟ୍ରପତିଙ୍କ ରାତ୍ରୀ ଭୋଜନ କାର୍ଯ୍ୟକ୍ରମରେ ତାଙ୍କର ଶାଢି ପରିଧାନ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ।

ଏହାସହ ମରିଶସ୍ ପ୍ରଧାନମନ୍ତ୍ରୀ ପ୍ରବିନ୍ଦ କୁମାର ଜଗନ୍ନାଥ ମଧ୍ୟ ଜି-୨୦ ସମ୍ମିଳନୀରେ ଭାଗ ନେବାକୁ ପତ୍ନୀ କବିତା ରାମଦାନୀଙ୍କ ସହ ଭାରତ ଆସିଛନ୍ତି । ଭାରତ ମଣ୍ଡପମରେ ରାଷ୍ଟ୍ରପତିଙ୍କ ଡିନରରେ କବିତା ରାମଦାନୀଙ୍କୁ ମଧ୍ୟ ଶାଢିରେ ଦେଖିବାକୁ ମିଳିଥିଲା ।

ଏହାସହ ଜି-୨୦ରେ ଭାଗ ନେବାକୁ ଭାରତ ଆସିଛନ୍ତି ବିଶ୍ୱ ବ୍ୟାଙ୍କ ଓ ଡବ୍ଲୁଏଚଓ ପରି ବୈଶ୍ୱିକ ସଂସ୍ଥାର ପ୍ରତିନିଧି । ବିଶ୍ୱ ବ୍ୟାଙ୍କ ଅଧ୍ୟକ୍ଷ ଅଜୟ ବଙ୍ଗା ଓ ତାଙ୍କ ପତ୍ନୀ ରିତୁ ବଙ୍ଗା ଙ୍କୁ ଭାରତ ମଣ୍ଡପମରେ ଦେଖିବାକୁ ମିଳିଥିଲା । ରିତୁ ବଙ୍ଗା ଶାଢି ପରିଧାନରେ ଥିଲେ ।

ଏହାସହ ଆଇଏମଏଫର ପ୍ରଥମ ମହିଳା ଡେପୁଟି ମ୍ୟାନେଜିଙ୍ଗ ଡାଇରେକ୍ଟର ଜୀତା ଗୋପୀନାଥଙ୍କୁ ମଧ୍ୟ ଶାଢୀରେ ଦେଖିବାକୁ ମିଳିଥିବାବେଳେ ଆଇଏମଏଫ୍ର ମ୍ୟାନେଜିଙ୍ଗ ଡାଇରେକ୍ଟର କ୍ରିଷ୍ଟିନାଙ୍କୁ ସାଲୱାର ସୁଟରେ ଦେଖିବାକୁ ମିଳିଥିଲା ।

ସମ୍ବନ୍ଧିତ ଖବର More from author