‘ଆଜି ସାବିତ୍ରୀ : କିଡ଼ନୀ ରୋଗରେ ଜୀବନ ମୃତ୍ୟୁ ସହ ସଂଘର୍ଷ କରୁଛନ୍ତି କେନ୍ଦ୍ରାପଡ଼ାର ସତ୍ୟବାନ’
କନକ ବ୍ୟୁରୋ: ନିରୁପାୟ ବାପା, ଅସହାୟ ଭାଉଜ । ଦାରିଦ୍ରର ସେ ଦଦରା ଝୁପୁଡ଼ି ତଳେ ବସି ଦୁହେଁ ଝରାଉଛନ୍ତି ଲୁହ । ବୁଢ଼ା ବାପା ରୋଗୀଣା ପୁଅ ପାଇଁ କାନ୍ଦୁଛି, ଆଉ ଭାଉଜ ତା’ ଦିଅର ପାଇଁ ହାତ ଯୋଡ଼ି ନେହୁରା ହେଉଛି । କାରଣ କିଡ଼ନୀ ରୋଗରେ ପଡିଛି ଘରର ରୋଜଗାରିଆ ପୁଅ । ଦିନେ ରୋଜଗାର କରି ପରିବାର ଚଳାଉଥିବା ପୁଅର ଦୁଇଟିଯାକ କିଡନୀ ଖରାପ ହୋଇଗଲା ପରେ ଆଜି ଜୀବନ ମୃତ୍ୟୁ ସହ ସଂଘର୍ଷ କରୁଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରାପଡା ଜିଲ୍ଲା ମାର୍ଶାଘାଈ ବ୍ଲକ ଯମପଡା ପଂଚାୟତ ଗୈାଡଗାଁ ଗ୍ରାମର ପୁରୁଷୋତମ ସ୍ୱାଇଁଙ୍କ ପୁଅ ସଂଜୟ କୁମାର ସ୍ୱାଇଁ । କୋଲକୋତାର ଏକ ଘରୋଇ କମ୍ପାନିରେ ଚାକିର କରି ନିଜ ପରିବା ପ୍ରତିପୋଷଣ କରିଥାନ୍ତି । ପରିବାର କହିଲେ ତାଙ୍କର ପତ୍ନୀ ଓ ଦୁଇ ସନ୍ତାନ ଏବଂ ବାପା ମା ଆଉ ଦୁଇ ଭାଈ । ହସଖୁସିରେ ପରିବାର ଚଳିଯାଉଥିବା ବେଳେ ପ୍ରାୟ ୨ ମାସ ତଳେ ସଂୟଙ୍କୁ ଜ୍ୱର ହେଲା । ଡାକ୍ତରଙ୍କ ପରାମର୍ଶରେ ମେଡିସିନ୍ ଖାଇବା ପରେ ବି ସଂଜୟଙ୍କ ଦେହ ଦିନକୁଦିନ ଅଧୀକ ଖରାପ ହେବାକୁ ଲାଗିଲା ଏବଂ ପରୀକ୍ଷାରୁ ଜଣାପଡିଲା ତାଙ୍କର ଦୁଇଟି ଯାକ କିଡିନି ଖରାପ ହୋଇଯାଇଛି । ଏ ଖବର ଜଣାପଡ଼ିବା ପରେ ସଞ୍ଜୟଙ୍କ ସଂସାର ସ୍ତବ୍ଧ ପାଲଟିଗଲା । ପରିବାର ଲୋକଙ୍କ ପାଦତଳୁ ସତେ ଯେପରି ମାଟି ଖସିଗଲା ।
ଘରେ ଯାହା କିଛି ଥିଲା ବିକି ଭାଙ୍ଗି ଖର୍ଚ୍ଚ କରି ସାରିବା ପରେ ଏବେ ହାତ ଖାଲି ଚିକିତ୍ସା ପାଇଁ ଅର୍ଥ ବାଧକ ସାଜିଛି । ଗ୍ରାମବାସି ମାନେ କିଛି ଟଙ୍କା ଆଦାୟ କରି ଦେଇଥିବା ବେଳେ ସଂୟଙ୍କ ବୁଢା ବାପା ଗାଁ ଗାଁ ବୁଲି ପୁଅର ଜୀବନ ରକ୍ଷା ପାଇଁ ସାହାଯ୍ୟ ମାଗୁଛନ୍ତି । ସଂଜୟଙ୍କ ପତ୍ନି ଏବଂ ତାଙ୍କର ଭାଉଜ ମଧ୍ୟ ସରକାରଙ୍କୁ ସାହାର୍ଯ୍ୟ ପାଇଁ ହାତ ଯୋଡି ଗୁହାରି କରିଛନ୍ତି ।
ପୂରା ପରିବାର ଏବେ ଚିନ୍ତାରେ ପଡିଥିବା ବେଳେ ପରିବାରର ସମସ୍ତ ସଦସ୍ୟଙ୍କ ଆଖିରୁ ଝରୁଛି ଲୁହ । କିଡିନି ଟ୍ରାନ୍ସପ୍ଲାଂଟ୍ ଏକମାତ୍ର ବାଟ ଥିବା ବେଳେ ଆବଶ୍ୟ ହେଉଥିବା ଲକ୍ଷାଧୀକ ଟଙ୍କା ସଂଜୟଙ୍କ ଚିକିତ୍ସାରେ ବାଧକ ସାଜିଛି ।
ଜୀବନ ସହ ସଂଘର୍ଷ କରୁଥିବା ସଂଜୟଙ୍କୁ ସହାୟତାର ହାତ ଆପଣବି ବଢାଇବାକୁ ଚାହୁଁଥିଲେ ଏମିତି ସାହାଯ୍ୟ କରିପାରିବେ ।
ନାଁ- ସଞ୍ଜୟ କୁମାର ସ୍ୱାଇଁ
ଗ୍ରାମ- ଗୌଡଗାଁ
ବ୍ଲକ- ମାର୍ଶାଘାଇ
ବ୍ୟାଙ୍କ୍ ଅଫ୍ ଇଣ୍ଡିଆ
AC – 408610510000254
IFSCcode – BKID0004086