କନକ ବ୍ୟୁରୋ: ଋଷ-ୟୁକ୍ରେନ୍ ଯୁଦ୍ଧ ଭିତରେ ସାମ୍ନାକୁ ଆସିଛି ଋଷିଆ ସୈନିକଙ୍କ ନିଆରା ଯୁଦ୍ଧକୌସଳର ଫଟୋ । ଯାହା ଏବେ ଅନଲାଇନରେ ଭାଇରାଲ ହେବାରେ ଲାଗିଛି । ଋଷ ସୈନିକ ଧନୁ, ତୀର ଧରି ଯୁଦ୍ଧ କରୁଥିବା ଦେଖିବାକୁ ମିଳିଛି । ଧନୁ, ତୀର ଧରିଥିବା ଋଷ ସୈନକଙ୍କ କିଛି ଫଟୋ ସାମ୍ନାକୁ ଆସିଛି । ଋଷ ସୈନିକ ଏଭଳି ଫଟୋ ଏବଂ ଭିଡିଓ ୟୁକ୍ରେନର ବସକ୍ରିୟା ଅଞ୍ଚଳର ବୋଲି କୁହାଯାଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଭିଡିଓରେ ଋଷର ଜଣେ ସୈନିକ ଜଙ୍ଗଲ ପାଖକୁ ଲାଗିଥିବା ଖୋଲାପଡିଆରେ ଧନୁ, ତୀର ଧରି ଦୌଡୁଥିବା ଦେଖିବାକୁ ମିଳିଛି । ଜଣେ ସୈନିକ ଆଙ୍ଗୁଳି ଦେଖାଇ ଅନ୍ୟ କିଛି ସୈନିକଙ୍କୁ କିଛି ଇସାରା ଦେବା ସହ ସେ ଦୌଡିଯାଇ ତୀର ମାରୁଛନ୍ତି । ଆଉ କେହି ଜଣେ ସେପଟୁ ତୀର ବାଜିବା ପରେ ଚିତ୍କାର କରୁଥିବା ଭିଡିଓରେ ଶୁଣିବାକୁ ମିଳିଛି । ତେବେ ଋଷ ସେନିକଙ୍କ ଏଭଳି ବେଶକୁ କିଛି ପ୍ରସଂଶା କରୁଥିବା ବେଳେ ଅନ୍ୟ କିଛି ଉପହାସ କରିଛନ୍ତିି । କାରଣ ଆଜିର ଆଧୁନିକ ଯୁଗରେ ଟେକ୍ନୋଲୋଜିର ବିକାଶ ସୈନିକଙ୍କୁ ସିଧାସଳଖ ଯୁଦ୍ଧରୁ ନିବୃତ ରଖୁଛି ।
ଡ୍ରୋନ୍, ମିସାଇଲ ମାଧ୍ୟମରେ ପ୍ରତିପକ୍ଷ ଉପରେ ଆକ୍ରମଣ କରୁଥିବା ଦେଖିବାକୁ ମିଳୁଛି । ଆଉ ସିଧାସଳଖ ଦୁଇ ସେନା ମୁହାଁମୁହିଁ ହେଲେ ବନ୍ଧୁକରେ ଯୁଦ୍ଧ କରିବା ଦେଖିବାକୁ ମିିଳୁଛି । କିନ୍ତୁ ଆଜିର ବିକାଶଶୀଳ ଅତ୍ୟାଧିୁନିକ ଯୁଗରେ ପୁରୁଣା ଅସ୍ତ୍ର ଧନୁ, ତୀର ଧରି ଯୁଦ୍ଧ କରିବା ସମସ୍ତଙ୍କୁ ଚକିତ କରୁଛି ।