ନିଖୋଜ ଟ୍ରଲର ଉଦ୍ଧାର। ୨୦ ଘଣ୍ଟା ପରେ ୧୨ ମତ୍ସଜୀବୀ ଉଦ୍ଧାର ହୋଇଛନ୍ତି।
କନକ ବ୍ୟୁରୋ : ତାରିଖ: ୧୬ ଜୁନ୍ ୨୦୨୨, ଗୁରୁବାର । ସମୟ ଦିନ ୩ଟା । ସ୍ଥାନ: କେନ୍ଦ୍ରାପଡ଼ା ରାଜନଗର ବ୍ଲକ ତାଳଚୁଆ । ଖବର ଆସିଲା ଯେ, ସମୁଦ୍ରକୁ ମାଛ ମାରିବାକୁ ଯାଇଥିବା ଉପାସନା-୧ ନାମକ ଟ୍ରଲରଟି ନିଖୋଜ ହୋଇଯାଇଛି । ଏଥିରେ ଥିଲେ ୧୩ଜଣ ମତ୍ସଜୀବୀ । ସାଧାରଣ ଭାବେ ସମୁଦ୍ର ଭିତରକୁ ଯାଇଥିବା ଟ୍ରଲରରେ ଜିପିଏସ୍ ସଂଯୋଗ ରହିଥାଏ । ହେଲେ ଉପାସନା ଟ୍ରଲରର ଏହି ସଂଯୋଗ ବିଚ୍ଛିନ୍ନ ହୋଇଯାଇଛି । ଏହାପରେ ଖେଳିଗଲା ହଇଚଇ । ଏହାପରେ ନିଖୋଜ ଟ୍ରଲର ଓ ମତ୍ସ୍ୟଜୀବୀଙ୍କୁ ଉଦ୍ଧାର କରିବାକୁ ଅପରେସନ ଆରମ୍ଭ କଲା ପାରାଦୀପ କୋଷ୍ଟଗାର୍ଡ଼ । ପ୍ରାୟ ୨୦ ଘଣ୍ଟାର ଖୋଜାଖୋଜି ପରେ ଟ୍ରଲରକୁ ଠାବ କରିବା ସହ ୧୨ ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରାଯାଇଛି । ଏବେବି ଜଣେ ମତ୍ସ୍ୟଜୀବୀ ନିଖୋଜ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବେଳାଭୂମି ଠାରୁ ୨୦ କିଲୋମିଟର ଦୂରରେ ଥିବା ବେଳେ ଟ୍ରଲରେ ଉଚ୍ଚଢେଉ ପିଟିହେବା ପରେ ଟ୍ରଲର ତଳ ଭାଗ ଫାଟି ପାଣି ପଶିବା ଆରମ୍ଭ ହୋଇଥିଲା । ଏପରିକି ଏହାର କିଛି ସମୟ ପରେ ଟ୍ରଲରଟି ଓଲଟିପଡ଼ିଥିଲା । ହେଲେ ଜାଲର ଡ୍ରମକୁ ଧରି ପ୍ରାୟ ୨୦ ଘଣ୍ଟା ଭାସି ରହିଥିଲେ ଉଦ୍ଧାର ପାଇଥିବା ମତ୍ସ୍ୟଜୀବୀ ସେପଟେ ଚିଲିକା ମଝିରେ ଯାନ୍ତ୍ରୀକ ତୃଟି ଯୋଗୁଁ ଅଟକି ରହିଥିବା ଡ଼ଙ୍ଗାରୁ ଆଉ ଏକ ଡ଼ଙ୍ଗା ସାହାଯ୍ୟରେ ଯାତ୍ରୀଙ୍କୁ ଉଦ୍ଧାର କରାଯାଇଛି । ଯାନ୍ତ୍ରିକ ତୃଟି ଯୋଗୁଁ ପାଖାପାଖି ଅଧଘଣ୍ଟା ଧରି ଅଟକି ରହିଥିଲା ଡ଼ଙ୍ଗା ।