ମଞ୍ଚ ଉପରେ ରବି ନନ୍ଦ ଓ ତାରା ବାହିନୀପତିଙ୍କ କଳି : ତାରାଙ୍କୁ ୮ବର୍ଷର ହିସାବ ମାଗିଲେ ରବି ନନ୍ଦ
କନକ ବ୍ୟୁରୋ : ରବି ନନ୍ଦ ଓ ତାରା ବାହିନୀପତିଙ୍କ କଳିକୁ ନେଇ ସରଗରମ ହୋଇଛି କୋରାପୁଟ ରାଜନୀତି । କୋରାପୁଟ ଜିଲ୍ଲାର ଦୁଇ ବରିଷ୍ଠ ରବି ନାରାୟଣ ନନ୍ଦ ଓ ତାରା ପ୍ରସାଦ ବାହିନୀପତିଙ୍କ ମଧ୍ୟରେ ମଂଚ ଉପରେ ଆକ୍ଷେପ ଓ ପ୍ରତିଆକ୍ଷେପ ଦେଖିବାକୁ ମିଳିଛି । ଜୟପୁରର ସ୍ୱେଚ୍ଛାସେବୀ ଅନୁଷ୍ଠାନ ସିୱାର ରୌପ୍ୟଜୟନ୍ତୀ ସମାରୋହରେ ଦେଖିବାକୁ ମିଳିଛି ଏହି ଦେୃଶ୍ୟ ।
Kanak News is now on WhatsApp
Join and get latest news updates delivered to you via WhatsApp
ସିୱାର ରୌପ୍ୟ ଜୟନ୍ତୀରେ ସାମିଲ ହୋଇଥିଲେ ବିଜେଡି ନେତା ତଥା ପୂର୍ବତନ ମନ୍ତ୍ରୀ ରବି ନନ୍ଦ, ସାଂସଦ ସପ୍ତଗିରି ଉଲ୍ଲାକା ଓ ବିଧାୟକ ତାରାପ୍ରସାଦ ବାହିନୀପତି । ସଭାକୁ ସମ୍ବୋଧିତ କରି ବିଧାୟକ ତାରା ବାହିନୀପତି ଉପରେ ବର୍ଷିଥିଲେ ରବି ନନ୍ଦ । କହିଥିଲେ, ଜଣେ ନେତାଙ୍କୁ ଲୋକେ ୮ବର୍ଷ ହେଲା ବିଧାୟକ କରି ପଠାଉଛନ୍ତି, କଣ ବିଧାନସଭାରେ ଯାଇ ଟେବୁଲ ଭାଙ୍ଗିବା ପାଇଁ କି । ଅଞ୍ଚଳରେ କାହିଁକି ଉନ୍ନତି ହେଉନି ବୋଲି ପ୍ରଶ୍ନ କରିଥିଲେ ରବି ନନ୍ଦ । ଆଉ ଏହାର ଜବାବ ରଖିଥିଲେ ତାରା ପ୍ରସାଦ ବାହିନୀପତି । ଆଉ ଏହି ଦୁଇ ନେତାଙ୍କ ଆରୋପ-ପ୍ରତ୍ୟାରୋପ ଜିଲ୍ଲା ରାଜନୀତିକୁ ସରଗରମ କରିଦେଇଛି ।