‘ମୁଁ ବି ମୁଖ୍ୟମନ୍ତ୍ରୀ ଇଚ୍ଛୁକ’, କେନ୍ଦ୍ରମନ୍ତ୍ରୀଙ୍କ ବୟାନରେ ମହାରାଷ୍ଟ୍ର ରାଜନୀତିରେ ହଇଚଇ
କନକ ବ୍ୟୁରୋ: କେନ୍ଦ୍ର ସାମାଜିକ ନ୍ୟାୟ ଓ ଅଧିକାରୀତା ରାଷ୍ଟ୍ରମନ୍ତ୍ରୀ ରାମଦାସ ଅଠାୱଲେ ମଧ୍ୟ ମୁଖ୍ୟମନ୍ତ୍ରୀ ହେବାକୁ ଇଚ୍ଛୁକ । ଏକ ସ୍ୱତନ୍ତ୍ର ସାମ୍ବାଦିକ ସମ୍ମିଳନୀରେ ଯୋଗଦେଇ ଏଭଳି କହିବା ପରେ ମହାରାଷ୍ଟ୍ର ରାଜନୀତିରେ ହଇଚଇ ସୃଷ୍ଟି ହୋଇଛି । ଅଠାୱଲେ ଏନସିପି ପ୍ରମୁଖ ଶରଦ ପୱାରଙ୍କୁ ରାଷ୍ଟ୍ରୀୟ ଜନତାନ୍ତ୍ରୀକ ଗଠବନ୍ଧନ (ଏନଡିଏ)ରେ ଦାମିଲ ହେବାକୁ ଅଫର ଦେଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଅଠାୱଲେ ମହାରାଷ୍ଟ୍ର ସାଙ୍ଗଲିରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇ କହିଛନ୍ତି ଯେ, ‘ଆଜିକାଲି ମସସ୍ତେ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି । ହେଲେ ଏହା ସେତେବେଳେ ସମ୍ଭବ ଯେବେ କାହା ପାଖରେ ବହୁମତ ଥିବ । ମୁଁ ବି ମୁଖ୍ୟମନ୍ତ୍ରୀ ହେବାକୁ ଚାହୁଁଛି । ଯଦି ମୋ ବାବଦରେ ଏଭଳି କୌଣସି ଚର୍ଚ୍ଚା ହେଉଥାଏ ତାହେଲେ ମୁଁ ଏଥିପାଇଁ ପ୍ରସ୍ତୁତ । କିନ୍ତୁ ବର୍ତ୍ତମାନ ସମୟରେ ଆମ ସରକାର ସ୍ଥିର ଅଛି ଏବଂ ଏକନାଥ ସିନ୍ଦେ ଭଲ ଭାବେ ମହାରାଷ୍ଟ୍ରରେ କାମ କରୁଛନ୍ତି । ସେ ଦିନକୁ ୧୬ରୁ ୧୮ ଘଣ୍ଟା କାମ କରୁଛନ୍ତି । ସେ ପ୍ରକୃତରେ ଜଣେ କୁଶଳୀ ମୁଖ୍ୟମନ୍ତ୍ରୀ’ ।
ଏହାସହ ସେ ଶରଦ ପୱାରଙ୍କୁ ମଧ୍ୟ ଦଳକୁ ନିୟନ୍ତ୍ରଣ ଜଣାଇଛନ୍ତି । କହିଛନ୍ତି ‘ ଶରଦ ପୱାର ଜଣେ ଅଭିଜ୍ଞ ରାଜନେତା । ତାଙ୍କ ଭଳି ଅନୁଭବୀ ବ୍ୟକ୍ତିଙ୍କୁ ଏନଡିଏକୁ ଆସିବା ଉଚିତ । ଏହି ପ୍ରସ୍ତାବ ଉପରେ ପୱାର ବିଚାର କରିବାକୁ ଅନୁରୋଧ କରିଛନ୍ତି ଅଠାୱଲେ ।