ସଂଜୟ କୁମାର ମିଶ୍ରାଙ୍କ କାର୍ଯ୍ୟକାଳ ସମାପ୍ତ, ରାହୁଲ ନବୀନ ହେଲେ ଇଡିର କାର୍ଯ୍ୟବାହୀ ନିର୍ଦ୍ଦେଶକ
କନକ ବ୍ୟୁରୋ : ଇଡି ବା ପ୍ରବର୍ତ୍ତନ ନିର୍ଦ୍ଦେଶାଳୟର ନିର୍ଦ୍ଦେଶକ ସଂଜୟ କୁମାର ମିଶ୍ରାଙ୍କ କାର୍ଯ୍ୟକାଳ ଆଜି ସମାପ୍ତ ହୋଇଛି । ଏବେ ଇଡିର ବିଶେଷ ନିର୍ଦ୍ଦେଶକ ରାହୁଲ ନବୀନଙ୍କୁ ଇଡିର କାର୍ଯ୍ୟବାହୀ ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅଧିକାରୀକ ଆଦେଶରେ ଶୁକ୍ରବାର ଦିନ କୁହାଯାଇଛି କି ଆଇଆରଏସ ଅଧିକାରୀ ରାହୁଲ ନବୀନଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ପ୍ରଭାରୀ ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି । ସଂଜୟ କୁମାର ମିଶ୍ର ପାଖାପାଖି ୪ବର୍ଷ ୧୦ ମାସ ଧରି ଏହି ପଦରେ ନିଯୁକ୍ତ ଥିଲେ ।
ରାହୁଲ ନବୀନ ୧୯୯୩ ବ୍ୟାଚର ଆଇଆରଏସ ଅଧିକାରୀ ଅଟନ୍ତି । ବିହାରରେ ରହୁଥିବା ରାହୁଲ ନବୀନ ବିଶେଷ ନିର୍ଦ୍ଦେଶକ ବ୍ୟତୀତ ଇଡି ମୁଖ୍ୟାଳୟର ମୁଖ୍ୟ ସତର୍କତା ଅଧିକାରୀ ଭାବେ ମଧ୍ୟ କାର୍ଯ୍ୟ କରୁଛନ୍ତି । ସୂଚନା ମୁତାବକ ନୂଆ ନିର୍ଦ୍ଦେଶକଙ୍କ ଔପଚାରିକ ନିଯୁକ୍ତି ହେବା ଯାଏଁ ସେ ଏହି ପଦରେ ରହିବେ ।