୨ ବର୍ଷ ପୂର୍ବରୁ ବିବାହ ବନ୍ଧନରେ ବାନ୍ଧି ହୋଇଥାଆନ୍ତେ ଅନୁଷ୍କା ସେଟ୍ଟୀ ! ପ୍ରଭାସ ରୋକିଥିଲେ ବିବାହ
ଏସଏସ ରାଜମୌଲୀଙ୍କ ସିନେମା ‘ବାହୁବଲୀ ୨’ ରେକର୍ଡ ପରେ ରେକର୍ଡ ସୃଷ୍ଟି କରିବାରେ ଲାଗିଛି । ଏବେ ପର୍ଯ୍ୟନ୍ତ ଏହି ସିନେମା ବିଶ୍ୱବ୍ୟାପୀ ୧୫୦୦ କୋଟିରୁ ଅଧିକ ଆୟ କରି ସାରିଛି । ସିନେମାରେ ମୁଖ୍ୟ ଭୂମିକାରେ ଅଭିନୟ କରିଥିବା ପ୍ରଭାସ ଓ ଅନୁଷ୍କାଙ୍କ କେମେଷ୍ଟ୍ରି ଓ ତାଙ୍କର ପରିଶ୍ରମ ଦର୍ଶକଙ୍କ ମନକୁ ବେଶ ଛୁଇଁପାରିଛି ।
Kanak News is now on WhatsApp
Join and get latest news updates delivered to you via WhatsApp
ସିନେମାର ସଫଳତା ସହ ଏବେ ସେମାନଙ୍କର ପ୍ରେମସମ୍ପର୍କ ଥିବା ନେଇ ଚର୍ଚ୍ଚା ହେଉଛି ଏବଂ କୁହାଯାଉଛି ଉଭୟେ ଖୁବ ଶ୍ରୀଘ୍ର ବିବାହ ମଧ୍ୟ କରିବାକୁ ଯାଉଛନ୍ତି । ଏମିତିରେ ଏକ ଲୋକପ୍ରିୟ ୱେବପୋର୍ଟାଲର ଖବର ଅନୁସାରେ ପ୍ରଭାସଙ୍କ ପାଇଁ ଅନୁଷ୍କା ନିଜର ବିବାହକୁ ୨ ବର୍ଷ ପୂର୍ବରୁ ଟାଳିବାକୁ ବାଧ୍ୟ ହୋଇଥିଲେ । ତେବେ ଜାଣନ୍ତୁ କ’ଣ ଥିଲା ଅନୁଷ୍କାଙ୍କ ବିବାହ ରୋକିବାର କାରଣ ।
ଖବର ଅନୁସାରେ ପ୍ରଭାସ ଚାହୁଁଥଲେ ଅନୁଷ୍କା କେବଳ ‘ବାହୁବଲୀ ୨’ର ସୁଟି ଉପରେ ହିଁ ଅଧିକ ଧ୍ୟାନ ଦିଅନ୍ତୁ । ଏଥିପାଇଁ ଅନୁଷ୍କାଙ୍କୁ ବିବାହ ଟାଳିବାକୁ ପଡିଥିଲା । ଏବେ ଖବର ଆସୁଛି ପ୍ରଭାସ ଓ ଅନୁଷ୍କା ଉଭୟ ଉଭୟଙ୍କୁ ଡେଟ କରୁଛନ୍ତି । କିନ୍ତୁ ଏକଥାକୁ ଅନୁଷ୍କା ଓ ପ୍ରଭାସ ଟାଳିଦେବା ସହ ଉଭୟେ କେବଳ ଭଲ ବନ୍ଧୁ ବୋଲି କହୁଛନ୍ତି ।