ପୋଲିସ ହାତରେ ପଡିଛି କୋଟିପତି ଚୋର । ଭାରତଠୁ ଆରମ୍ଭ କରି ନେପାଳ ଯାଏଁ ରହିଛି ବିପୁଳ ସମ୍ପତ୍ତି
କନକ ବ୍ୟୁରା: ଦିଲ୍ଲୀ ପୁଲିସ ହାତରେ ,ମିତି ଏକ ଚୋର ଧରା ପଡିଛି ଯାହା ବିଷୟରେ ଜାଣି ଆପଣ ଆଶ୍ଚର୍ଯ୍ୟ ହେବେ । ଏହି ଚୋର ଗତ ୨୫ ବର୍ଷ ଧରି ଚୋରୀ କରିଆସୁଛି । ଚୋରି କରି କରି ଏଯୁବକ ଜଣକ ଭାରତଠୁ ନେଇ ନେପାଳ ଯାଏଁ କୋଟି କୋଟି ଟଙ୍କାର କୋଠାବାଡି କରିବା ସହ କୋଟି କୋଟି ଟଙ୍କାର ସମ୍ପତ୍ତି ରହିଛଇ । ଅଭିଯୁକ୍ତର ପରିବାର ପୂର୍ବରୁ ଉତ୍ତରପ୍ରଦେଶରେ ରହୁଥିାବେଳେ ଏବେ ନେପାଳରେ ରହୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ତଥ୍ୟ ମୁତାବକ, ସିଦ୍ଧାର୍ଥନଗରରେ ଅଭିଯୁକ୍ତର ପତ୍ନୀ ନାଁରେ ଗେଷ୍ଟହାଉସ୍ ଥିବାବେଳେ ତା ନିଜ ନାଁରେ ନେପାଳରେ ହୋଟେଲ ଚାଲିଛି । ଚୋରି କରି କରି ଅଭିଯୁକ୍ତ ଲକ୍ଷେ୍ନø ଓ ଦିଲ୍ଲୀରେ ଦାମୀ ଘର କରିିଛି । ୨୦୦୧ରୁ ୨୦୨୩ ମଧ୍ୟରେ ଅଭିଯୁକ୍ତ ନାଁରେରହିଛି ସର୍ବାଧିକ ଅପରାଧିକ ମାମଲା ।
ସୂଚନା ମୁତବକ, ଧରାପଡିଥିବା ଏହି ଯୁବକର ପ୍ରକୃତ ନା ମନୋଜ ଚୌବେ । ଗତ ୨୫ ବର୍ଷ ଧରି ମନୋଜ ନିଜ ପରିବାରଠାରୁ ଲୁଚି ଲୁଚି ଦୋଘରା ଜୀବନ ବଞ୍ଚୁଥିଲା । ଭିନ୍ନ ଭିନ୍ନ ସ୍ଥାନରେ ନିଜର ଅଲଗା ଅଲଗା ପରିଚୟ ଦେଉଥିଲା । ସେ ଏକୁଟିଆ ପାଖାପାଖି ୨୦୦ ଚୋରି କରିଛି ।୪୮ ବର୍ଷୀୟ ମନୋଜର ପରିବାର ଆଗରୁ ୟୁପି ସିଦ୍ଧାର୍ଥନଗରରେ ରହୁଥିଲା ହେଲେ କିଛି ମାସ ହେବ ନେପାଳକୁ ସ୍ଥାନନ୍ତର ହୋଇଯାଇଛି ।
ମିଳିଥିବା ତଥ୍ୟ ମୁତାବକ, ମନୋଜ ୧୯୯୭ରେ ଦିଲ୍ଲୀ ଆସି କିର୍ତ୍ତୀନଜର ଥାନାରେ ଥିବା କ୍ୟାଣ୍ଟିନରେ କାମ କରୁଥିଲା । ହେଲେ କ୍ୟାଣ୍ଟିନରୁ ଚୋରୀ କରୁଥିବା ଧରାପଡିବାରୁ ତାକୁ ଜେଲ ପଠାଗଲା । କିନ୍ତୁ ସେ ବଦଳିନଥିଲା । ଜେଲରୁ ମୁକୁଳିବା ପରେ ଘରଗୁଡିକୁ ଟାର୍ଗେଟ କଲା । କିଛି ଘରେ ପଶି ଚୋରି କରିବା ପରେ ଘରକୁ ଫେରୁଥିଲା । ଦିଲ୍ଲୀରେ ଏକ ସ୍କୁଟି ଧରି ବୁଲୁଥିଲା ଆଉ ଘର ଠାକ କରୁଥିଲା । ଆଉ ରାତିରେ ପଶି କିମ୍ବା ଘଷର କେହି ନଥିବାବେଳେ ଚୋରି କରୁଥିଲା । ବିଶେଷ କରି ଲଗାତାର ବନ୍ଦ ପଡିଥିବା ଘର, ଫ୍ଲାଟକୁ ଟାର୍ଗେଟ କରୁଥିଲା । ହେଲେ ଘର ଲୋକଙ୍କୁ କହୁଥିଲ ଯେ , ସେ ଦିଲ୍ଲୀରେ ପାର୍କିଙ୍ଗର ଠିକା ନେଇଛି । ଏଥିରୁ ତା’ର ଭଲ ରୋଜଗାର ହେଉଛି ।
ଚୋରି ଧନରେ ମନୋଜ ନେପାଳରେ ହୋଟେଲ କଲା । ୟୁପିରେ ବି ଘର କିଣିଲା । ଆଉ ସବୁଠାରୁ ମଜା କଥା ହେଉଛି । ଏହାପରେ ସେ ନିଜର ମିଛ ପରିଚୟ ଦେଇ ଜଣେ ଜଳସେଚନ ବିଭାଗ ଅଧିକାରୀଙ୍କ ଝିଅକୁ ବିବାହ କଲା । ସ୍ତ୍ରୀ ପାଇଁ ସିଦ୍ଧାର୍ଥନଜରରେ ଆଲିସାନ୍ ଘର କରିବା ସହ ପରିବାର ପାଇଁ ଲକ୍ଷେ୍ନøରେ ଆଉ ଏକ ଚକାଚକ୍ ଘର ବନାଇଲା । କେବଳ ଏତିକି ନୁହେଁ ଏକାଧିକ ଜମିକୁ ଲିଜରେ ଅନୁଷ୍ଠାନ ଗୁଡିକୁ ଦେଇ ସେଥିରୁ ମାସିକ ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲା । ହେଲେ କଥାରେ ଅଛି ପରା ଚୋର ଘର ସବୁବେଳେ ଅନ୍ଧାର ରହେନି ।
ଥରେ ଜଣେ ବ୍ୟକ୍ତି ପୁଲିସରେ ଚୋରୀ ଏଫଆଇଆର ଦାଏର କରିବାରୁ ଏହାର ଯାଞ୍ଚ ଆରମ୍ଭ କରିଥିଲା ଦିଲ୍ଲୀ ପୁଲିସ । ସିସିଟିଭିରେ ଚୋରି ସମୟରେ ଫୁ,ଟଜରେ ଦେଖାଯାଇଥିଲା ମନୋଜ ମୁହଁ । ଏହାସହ ଏକ ସ୍କୁଟି ଦରି ସହରରେ ବୁଲୁଥିବାର ଦୃଶ୍ୟ ମଧ୍ୟ ଆଉ ଏକ ସିସିଟିଭି ଫୁଟେଜରେ ଦେଖିବାକୁ ମିିଳିଲା । ସ୍କୁଟି ନମ୍ବର ଯାଞ୍ଚ କରୁକରୁ ସବୁ ସତ ଧରାପଡିଲା ।
କଥା ହେଉଛି ମନୋଜ ମିଛ କଥା କହି ଜଣେ ନେପାଳି ମହିଳାଙ୍କୁ ବିବାଦ କରିଥିଲେ । ଏହି ସ୍କୁଟିଟି ମହିଳାଙ୍କ ଭାଇ ନାଁରେ ଥିବା ଜଣାପଡିଥିଲା । ଏହାର ତନାଘନା କରୁକରୁ ଜୁଲାଇ ୧୦ ତାରିଖରେ ମନୋଜକୁ ମାଡିବସିଲା ପୁଲିସ । ଏବେ ମନୋଜ ଜେଲରେ ଥିବାବେଳେ ତା’ ବିରୋଧରେ ଚାଲିଛି ୧୫ ମାମଲା ।