କନକ ବ୍ୟୁରୋ : ୫ରାଜ୍ୟରେ ଚାଲିଛି ନିର୍ବାଚନୀ ପ୍ରଚାର । ନେତାମାନେ ଭୋଟରଙ୍କୁ ପ୍ରତିଶ୍ରୁତିରେ ପୋତି ପକାଉଛନ୍ତି । କିଏ ମହିଳାଙ୍କୁ ଭତ୍ତା ତ କିଏ ଚାକିରି ବାଣ୍ଟୁଛି ଭାଷଣରେ । ଏହି କ୍ରମରେ ଆଜି ପ୍ରଧାନମନ୍ତ୍ରୀ ମୋଦୀ ଛତିଶଗଡ ନିର୍ବାଚନୀ ପ୍ରଚାର ସଭାରେ ଏକ ବଡ ଘୋଷଣା କରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି କି, ୮୦ କୋଟି ଲୋକଙ୍କୁ ଦିଆଯାଉଥିବା ମାଗଣା ରାସନ ଆହୁରି ୫ ବର୍ଷ ପର୍ଯ୍ୟନ୍ତ ଦିଆଯିବ । ଏହାଦ୍ୱାରା ଦେଶର ୮୦ କୋଟି ଗରିବ ଲୋକ ଉପକୃତ ହେଉଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ କହିଥିଲେ କି ବିଜେପି ସରକାର ନିଷ୍ପତ୍ତି ନେଇଛି ଯେଉଁ ୮୦ କୋଟି ଲୋକଙ୍କୁ ମାଗଣା ରାସନ ଯୋଗାଇ ଦିଆଯାଉଛି ତାର ଅବଧି ଆଉ ୫ ବର୍ଷ ବୃଦ୍ଧି କରାଯିବ । ଆପଣଙ୍କ ପ୍ରେମ ଓ ଭଲପାଇବା ମୋତେ ସର୍ବଦା ସଠିକ ନିର୍ଣ୍ଣୟ ନେବାରେ ସହାୟକ ହେଉଛି ବୋଲି ସେ କହିଛନ୍ତି ।
#WATCH | Durg, Chhattisgarh: “I have decided that the BJP government will extend the scheme of providing free ration to 80 crore poor people of the country for the next 5 years, ” said Prime Minister Narendra Modi, earlier today pic.twitter.com/iGfeOJGTrb
— ANI (@ANI) November 4, 2023
ସେହିଭଳି ନିର୍ବାଚନୀ ସଭାରେ କଂଗ୍ରେସକୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଛନ୍ତି କି, କଂଗ୍ରେସ ମହାଦବେଙ୍କୁ ମଧ୍ୟ ଛାଡୁନାହିଁ । ବେଆଇନ ଅନଲାଇନ୍ ଗେମିଂ ଆପ ଜରିଆରେ କଂଗ୍ରେସ ଦୁର୍ନୀତି କରିଚାଲିଛି ।