ଏ ହେଉଛି ପୃଥିବୀର ପାତାଳ ଲୋକ ! ଯେଉଁଠି ମାଟି ତଳେ ଲୋକ କରନ୍ତି ବସବାସ ।
ମନେ ଅଛି ଛୋଟ ପିଲାବେଳେ ବୁଢୀ ମା’ କାହାଣୀ ଶୁଣିଲା ବେଳେ ମା’ ପାତାଳ ଲୋକ କଥା କହି ଖୁଆଇ ଦେଉଥିଲେ । ସେତେବେଳେ ବାଚାଳ ମନରେ ମଧ୍ୟ ଏଭଳି କଥା ସବୁ ସତ ଲାଗୁଥିଲା । କିନ୍ତୁ ବୟସ ବଢିବା ସହ ଏଭଳି ଅବାନ୍ତର କଥାକୁ ଗପର ନାଁ ଦେଇ ଦିଆଯାଉଥିଲା । କିନ୍ତୁ ଯଦି ଏଭଳି ଗପକୁ ଦେଖିବେ ତେବେ ପ୍ରକୃତ ଜୀବନରେ ମଧ୍ୟ ଏଭଳି ଗପ କେତେକ କ୍ଷେତ୍ରରେ ସତ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଆଫ୍ରିକାରେ ଅବସ୍ଥିତ ଥିବା ଏକ ସ୍ଥାନ ଟ୍ୟୁନିସିୟାର ଅଧିବାସୀ ଆଜି ମଧ୍ୟ ଏଭଳି ପାତାଳ ଲୋକ ନଗରୀ ମଧ୍ୟରେ ବସବାସ କରୁଛନ୍ତି । ଏଭଳି ଘର ପ୍ରାୟ ଏକ ଦଶନ୍ଧୀ ତଳେ ନିର୍ମିତ ହୋଇଥିବାର ଅନୁମାନ କରାଯାଏ । ତେବେ ଆସନ୍ତୁ ଏହି ପାତାଳ ଲୋକଙ୍କ ବିଷୟରେ ଅଧିକ ଜାଣିବା ।
ଟ୍ୟୁନିସିୟାର ଦଜେବେଲ ନାମକ ସ୍ଥାନରେ ଏଭଳି ଅନେକ ଘର ଅଛି ଯାହା ଭୁମି ତଳେ ତିଆରି କରାଯାଇଛି । ଏଭଳି ଘର ନିର୍ମାଣ କରିବା ପଛର କାରଣ ସେଠାକାର ଜଳବାୟୁ । ସେଠାରେ ଅଧିକ ପରିମାଣରେ ଗରମ ପବନ ବୋହୁଥିବାରୁ ସେଠାରେ ରହୁଥିବା ଅଧିବାସୀ ଭୀଷଣ ଗରମ ଦାଉରୁ ରକ୍ଷା ପାଇବା ପାଇଁ ଏଭଳି ପଦକ୍ଷେପ ଆପଣାଉଥିଲେ । ଯାହା ଏବେ ପର୍ଯ୍ୟନ୍ତ ବଳବତ୍ତର ରହିଛି । ଏଠାରେ ରହୁଥିବା ଅଧିବାସୀ ଚାଷ କରି ଜୀବନ ନିର୍ବାହ କରୁଥିବା ବେଳେ ନିଜ ସଂସ୍କୃତି ଏବଂ ରହଣୀ ସ୍ଥଳୀକୁ ଛାଡି ଅନ୍ୟତ୍ର ଯିବାକୁ ପସନ୍ଦ କରୁନାହାନ୍ତି । ଏହି ଘରେ ପବନ ପ୍ରମାହିତ ହେବାକୁ ପର୍ଯ୍ୟାପ୍ତ ସ୍ଥାନ ରହିଛି ।