ସଂସଦର ମୌସୁମୀ ଅଧିବେଶନ ପୂର୍ବରୁ ସର୍ବଦଳୀୟ ବୈଠକ। ବାଚସ୍ପତି ଓମ ବିର୍ଲା କଣ ପ୍ରତିକ୍ରିୟା ରଖିଲେ ପଢନ୍ତୁ …
କନକ ବ୍ୟୁରୋ : ସଂସଦର ମୌସୁମୀ ଅଧିବେଶନ ପୂର୍ବରୁ ଲୋକସଭା ବାଚସ୍ପତି ଓମ ବିର୍ଲାଙ୍କ ଅଧ୍ୟକ୍ଷତାରେ ବୈଠକ ଶେଷ ହୋଇଛି । ସର୍ବଦଳୀୟ ବୈଠକରେ କଂଗ୍ରେସ, ଡିଏମକେ ସାମିଲ ହୋଇଥିବା ବେଳେ ଅନ୍ୟ ଦଳ ସାମିଲ ହୋଇନଥିଲେ । କଂଗ୍ରେସ ପକ୍ଷରୁ ସାଂସଦ ଅଧୀର ରଞ୍ଜନ ଚୈଧୁରୀ, ଡିଏମକେ ପକ୍ଷରୁ ଟିଆର ବାଲୁ ବୈଠକରେ ଯୋଗଦେଇଥିଲେ । ସେପଟେ ଟିଏମସି, ଏନସିପି, ସମାଜବାଦୀ ଦଳ, ବିଏସପି, ବିଜେଡି, ସିପିଏମ, ଜେଏମଏମ, ଟିଆରଆସ, ଟିଡିପି, ନ୍ୟାସନାଲ କନଫରେନ୍ସ, ଅକାଳୀ ଦଳ ସହ ଅନ୍ୟ ଦଳରୁ କେହି ଉପସ୍ଥିତ ରହିନଥିଲେ ।
Kanak News is now on WhatsApp
Join and get latest news updates delivered to you via WhatsApp
ବୈଠକରେ ବିଜେପି ପକ୍ଷରୁ କେନ୍ଦ୍ରମନ୍ତ୍ରୀ ପ୍ରହଲ୍ଲାଦ ଯୋଶୀ, ଅର୍ଜୁନ ରାମ ମେଘୱାଲ, ରମାଦେବୀ, ଅପନା ଦଳର ନେତ୍ରୀ ତଥା କେନ୍ଦ୍ରମନ୍ତ୍ରୀ ଅନୁପ୍ରିୟା ପଟେଲ ସାମିଲ ଥିଲେ । ସାଂସଦ ପିଭି ମିଥୁନରେଡ୍ଡୀ, ପଶୁପତି ପାରସ ସାମିଲ ରହିଥିଲେ ।
ବୈଠକ ପରେ ଲୋକସଭା ବାଚସ୍ପତି କହିଛନ୍ତି, ସବୁ ଦଳ ସହଯୋଗ ପାଇଁ ଭରସା ଦେଇଛନ୍ତି । ଅଧୀର ରଞ୍ଜନ ଚୌଧୁରୀ କହିଛନ୍ତି, ବିରୋଧୀ ଗୃହରେ ବିଭିନ୍ନ ପ୍ରସଙ୍ଗ ଉଠାଇବେ । ତେଣୁ ଏହି ପ୍ରସଙ୍ଗ ଉଠାଇବା ପାଇଁ ସେମାନଙ୍କୁ ପର୍ଯ୍ୟାପ୍ତ ସମୟ ଦିଆଯାଉ । ସେ ଆହୁରି ମଧ୍ୟ କହିଛନ୍ତି କେନ୍ଦ୍ର ସରକାରଙ୍କ ଦ୍ୱାରା ଲାଗୁ ହୋଇଥିବା ଅଗ୍ନିପଥ ସ୍କିମ୍, ବେରୋଜଗାର ଏବଂ କୃଷକଙ୍କ ପ୍ରସଙ୍ଗ ଗୃହରେ ଉଠିବ । ଚଳିତ ଅଧିବେଶନରେ ଅନେକ ଗୁରୁତ୍ୱପୂର୍ଣ୍ଣ ବିଲ ଆସିପାରେ । ସେହିଭଳି ଅସଂସଦୀୟ ଶବ୍ଦକୁ ନେଇ ମଧ୍ୟ ଗୃହରେ ଚର୍ଚ୍ଚା ହୋଇପାରେ ।