ଜୁନ ୧ରୁ ସବୁ ଯାତ୍ରୀବାହୀ ଓ ମାଲବାହୀ ଗାଡିରେ ପାନିକ୍ ବଟନ ବାଧ୍ୟତାମୂଳକ । ଖିଲାପ କଲେ ମିଳବନି ଫିଟନେସ୍ ସାର୍ଟିଫିକେଟ୍
କନକ ବ୍ୟୁରୋ: ଏଣିକି ସବୁ ଯାତ୍ରୀବାହୀ ଓ ମାଲବାହୀ ଗାଡିରେ ଲାଗିବ ପାନିକ୍ ବଟନ୍ । ଜୁନ୍ ୧ ସୁଦ୍ଧା ସବୁ ଗାଡିରେ ପାନିକ୍ ବଟନ୍ ଲଗାଇବା ବାଧ୍ୟତାମୂଳକ ହେବ । ଯେଉଁମାନେ ଏଥିରେ ଖିଲାପ କରିବେ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗହଣ କରାଯିବ । ଉକ୍ତ ଗାଡିର ଡକ୍ୟୁମେଂଟ୍ ନବୀକରଣ ହେବନି କି ଫିଟନେସ୍ ସାର୍ଟିଫିକେଟ୍ ମିଳିବନି । ଗାଡିର ଡ୍ରାଇଭର ସିଟ୍ ଥିବା ଡୋରରେ ଲାଗିବ ପାନିକ୍ ବଟନ୍ । କୌଣସି ଅସୁବିଧା ହେଲେ ଯାତ୍ରୀ ଉକ୍ତ ବଟନ୍ ଦବାଇଲେ ସାଇରନ ବାଜିବ । ଯାହା ପୁଲିସ କମାଣ୍ଡ କଂଟ୍ରୋଲ ସେଂଟରେ ଥିବା କମ୍ପ୍ୟୁଟରରେ ଦେଖାଇବ । ଫଳରେ ପୁଲିସ ଗାଡିକୁ ଟ୍ରାକ କରି ଘଟଣା ସ୍ଥଳରେ ତୁରନ୍ତ ପହଂଚିପାରିବ ।
Kanak News is now on WhatsApp
Join and get latest news updates delivered to you via WhatsApp
ଯାତ୍ରୀବାହୀ ଗାଡିରେ ଅସଦାଚରଣ, ଚୋରି, ଅପହରଣ ଭଳି ଘଟଣା ଦେଖିବାକୁ ମଳୁଥିବାରୁ ଏହି ନିୟମ କଡାକଡି କରିଛି ରାଜ୍ୟ ପରିବହନ ବିଭାଗ । ଏନେଇ ପରିବହନ ବିଭାଗ ସୂତ୍ରରୁ ସୂଚନା ମିଳିଛି । ଏଥିସହ ଗାଡି ଚୋରି ରୋକିବା, ଗାଡିକୁ ଟ୍ରାକ୍ କରିବା, ଗାଡିର ବେଗ ରେକର୍ଡ ସଂଗ୍ରହ କରିବା ପାଇଁ ସବୁ ଗାଡିରେ ଲୋକେସନ ଟ୍ରାକିଂ ଡିଭାଇସ୍ ଲଗାଇବା ମଧ୍ୟ ବାଧ୍ୟତାମୂଳକ କରାଯାଇଛି । ଯେଉଁ ଗାଡିରେ ପାନିକ୍ ବଟନ୍ ଓ ଲୋକେସନ ଟ୍ରାକିଂ ଡିଭାଇସ୍ ନଥିବ ସେହି ଗାଡିର ପଞ୍ଜୀକରଣ କରାଯିବ ନାହିଁ । କେବଳ ନୂଆ ଗାଡି ନୁହେଁ ପୁରଣା ଗାଡିରେ ମଧ୍ୟ ଏହା ଲଗାଇବା ବାଧ୍ୟତାମୂଳତ କରାଯାଇଛି । ତେବେ ଯେଉଁ ଗାଡିଗୁଡିକ ଆସନ୍ତା ମେ ୩୧ ତାରିଖ ସୁସ୍ଥ ପଞ୍ଜୀକୃତ ସେଥିରେ ଅଗଷ୍ଟ ୩୧ ସୁଦ୍ଧା ଏହି ଦୁଇଟି ଯନ୍ତ୍ରାଂଶ ଲଗାଇବା ମଧ୍ୟ ବାଧ୍ୟତାମୂଳକ କରାଯାଇଛି । ବସ, ଟ୍ରକ, ବ୍ୟବସାୟିକ କାର, ଟ୍ରଲି, ସ୍କୁଲ ବସ୍ ସବୁ ଗାଡିରେ ଏଭଳି ବ୍ୟବସ୍ଥା କରାଯିବ ।