ଦେଶରେ ବିଭିନ୍ନ ଇ-କମର୍ସ କମ୍ପାନିଙ୍କ ଦ୍ୱାରା ଅନଲାଇନରେ ଔଷଧ ବିକ୍ରିକୁ ବନ୍ଦ କରିବାକୁ ଭାରତୀୟ ଔଷଧ ମହାନିୟନ୍ତ୍ରକଙ୍କ ପକ୍ଷରୁ ରାଜ୍ୟ ସରକାରମାନଙ୍କୁ ନିର୍ଦ୍ଦେଶ ଜାରି କରାଯାଇଛି । ଅନଲାଇନ ଔଷଧ ବିକ୍ରି ବନ୍ଦ ପାଇଁ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ପରେ ଡିସିଜିଆଇ ଏହି ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନଲାଇନରେ ଔଷଧ ବିକ୍ରି ବନ୍ଦ ପାଇଁ ୨୦୧୮ରେ ଜାହିର ଅହମଦ ନାମକ ବ୍ୟକ୍ତି ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ । ନିଜ ଆବେଦନରେ ସେ ଦର୍ଶାଇଥିଲେ ଯେ ଅନଲାଇନରେ ଔଷଧ ବିକ୍ରି କଲେ ତାହାର ଦୁରୁପଯୋଗ ହେବ ଓ ଲୋକମାନେ ତାହାର ଅପବ୍ୟବହାର କରିବେ । ଏହାର ଗୁରୁତର ପ୍ରଭାବ ଲୋକମାନଙ୍କ ସ୍ୱାସ୍ଥ୍ୟ ଉପରେ ପଡିବ ।
ଏହାର ବିଚାର କରି ହାଇକୋର୍ଟ ରାୟ ଦେଇଥିଲେ ଯେ ଅନଲାଇନ ଔଷଧ ବିକ୍ରି ନେଇ କେନ୍ଦ୍ର ସରକାର କୌଣସି ଆଇନ ପ୍ରଣୟନ ନ କରିବା ପର୍ଯ୍ୟନ୍ତ ତାହାକୁ ବନ୍ଦ କରାଯାଉ । କୋର୍ଟଙ୍କ ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ଗତ ସପ୍ତାହରେ ଭାରତୀୟ ଔଷଧ ମହାନିୟନ୍ତ୍ରକ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ଔଷଧ ନିୟନ୍ତ୍ରକମାନଙ୍କୁ ନିର୍ଦ୍ଦେଶ ଜାରି କରିଥିଲେ ।