ଦିଲ୍ଲୀରେ ଫିକା ପଡିବ ବଡଦିନ ଓ ନୂଆବର୍ଷ, ଉତ୍ସବ ପାଳନ କରିବା ଓ ଏକତ୍ରୀତ ହେବା ଉପରେ ଦିଲ୍ଲୀ ସରକାର ଜାରିକଲେ ଗାଇଡ ଲାଇନ
କନକ ବ୍ୟୁରୋ : ଦେଶରେ ବଢୁଥିବା କରୋନାର ନୂଆ ଭାରିଆଣ୍ଟ ଓମିକ୍ରନର ବିପଦକୁ ନଜରରେ ରଖି ଦିଲ୍ଲୀ ସରକାର ରାଜ୍ୟରେ ବଡଦିନ ଓ ନୂଆବର୍ଷ ପାଳନ ଉପରେ ଗାଇଡ ଲାଇନ ଜାରି କରିଛନ୍ତି । ନୂଆବର୍ଷରେ ହେଉଥିବା ଉତ୍ସବ ପାଳନ ଓ କ୍ରିସମାସରେ ଲୋକମାନଙ୍କୂୁ ଭିଡରୁ ଦୂରେଇ ରଖିବା ପାଇଁ ସରକାର ଆଦେଶ ଜାରି କରିଛନ୍ତି । ଏଣୁ ଏହି ଦୁଇଟି ବଡ ପର୍ବରେ ଲୋକମାନେ ଏକାଠି ହୋଇପାରିବେ ନାହିଁ ତେଣୁ ଉତ୍ସବ ଫିକା ପଡିବ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ବିପଦ ପ୍ରବନ୍ଧନ ପ୍ରାଧୀକରଣର ନିର୍ଦ୍ଦେଶ ମୁତାବକ ନିଜ ନିଜ ଅଞ୍ଚଳରେ ଜିଲ୍ଲାପାଳମାନେ ସରକାରଙ୍କ ଗାଇଡ ଲାଇନ ପାଳନ କରିବେ । ଏହାସହ କାମ କରିବା ସ୍ଥାନ ଓ ଦୋକାନ ମାନଙ୍କରେ ମାସ୍କ ନାହିଁ ତ ପ୍ରବେଶ ନାହିଁ ସୂଚନାକୁ କଡା କଡି ପାଳନ କରିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି । ଏହାସହ ନୁଆ ବର୍ଷ ଓ ବଡଦିନରେ କୌଣସି ସ୍ଥାନରେ ଯେଭଳି କୌଣସି କାର୍ଯ୍ୟକ୍ରମ ଅନୁଷ୍ଠିତ ନ ହୁଏ ସେ ନେଇ ଜିଲ୍ଲା ପ୍ରଶାସନ ଓ ଡିସିପି ମାନଙ୍କୁ କଡା ନଜର ରଖିବାକୁ ନିର୍ଦ୍ଦେଶ ଦିଆଯାଇଛି ।
ଡିଡିଏମଏ ସଦ୍ୟ ଜାରି କରିଥିବା ଗାଇଡ ଲାଇନରେ ସାମାଜିକ, ରାଜନୈତିକ, ଖେଳ, ମନୋରଞ୍ଜନ, ସାଂସ୍କୃତିକ, ଧାର୍ମିକ ଉତ୍ସବ ପାଳନ ନେଇ କଟକଣା ଜାରି କରିଛନ୍ତି । ଏହାସହ ହୋଟେଲ, ରେଷ୍ଟୁରାଣ୍ଟ ଓ ବାର ମାନଙ୍କରେ ବସିବା କ୍ଷମତାର ଅଧା ବ୍ୟବହାର କରିବାକୁ ଅନୁମତି ଦେଇଛନ୍ତି ।
“All DMs and District DCPs shall ensure that no cultural event/gatherings/congregation/take place for celebrating Christmas or New Year in NCT of Delhi,” reads the DDMA order pic.twitter.com/zyLAkc0mUx
— ANI (@ANI) December 22, 2021
ଏହାସହ ବାହାଘରରେ ସର୍ବାଧିକ ୨୦୦ ଲୋକ ଉପସ୍ଥିତ ରହିପାରିବା ନେଇ ଥିବା ଅନୁମତିକୁ ଡିଡିଏମଏ ପ୍ରତ୍ୟାହାର କରି ନେଇଛି । ଏହାସହ ଷ୍ଟାଡିୟମ ଓ ସ୍ପୋର୍ଟସ କମ୍ପେ୍ଲକ୍ସରେ ଦର୍ଶକମାନଙ୍କ ପ୍ରବେଶକୁ ଅନୁମତି ଦିଆଯାଇ ନାହିଁ । କହିରଖୁ କି ଦେଶରେ ଏବେ କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଭୟ ଦେଖା ଦେଇଛି । ଏହାରି ମଧ୍ୟରେ ଦେଶରେ ୨୦୦ ରୁ ଅଧିକ ଲୋକ ଓମିକ୍ରନ ଭାରିଆଣ୍ଟ ଦ୍ୱାରା ସଂକ୍ରମିତ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ ସର୍ବାଧିକ ମହାରାଷ୍ଟ୍ରରେ ଥିବା ବେଳେ ଦ୍ୱିତୀୟରେ ଦିଲ୍ଲୀ ରହିଛି ।