କନକ ବ୍ୟୁରୋ: ବାତ୍ୟା ଅସାନି ପ୍ରଭାବରେ ଅଶାନ୍ତ ହୋଇପଡିଛି ବଂଗୋପସାଗର । କଳା ବାଦଲ ଆକାଶଙ୍କୁ ଢ଼ାଂକି ରଖିବା ସହ ସମୁଦ୍ରରେ ବଡ ବଡ ଜୁଆର ଉଠୁଛି । ଏ ହେଉଛି ଅସ୍ତରଙ୍ଗ ସମୁଦ୍ର ବେଳାଭୂମି ଅଂଚଳର ଦୃଶ୍ୟ । କେବଳ ଅସ୍ତରଙ୍ଗ ନୁହେଁ ସବୁ ସମୁଦ୍ର କୂଳିଆ ଅଂଚଳରେ ଏମିତି ସ୍ଥିତି ଦେଖିବାକୁ ମିଳିବା ପରେ ବେଳାଭୂମିକୁ ନଯିବାକୁ ଲୋକଙ୍କୁ ସତର୍କ କରିଛି ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
ବାତ୍ୟା ଅସାନି ଆନ୍ଧ୍ର ଉପକୂଳ ପରେ ଦିଗ ବଦଳାଇବା ନେଇ ପାଣିପାଗ ବିଭାଗ ଆକଳନ କରିଥିଲେ ବି ସମୁଦ୍ର କୂଳିଆ ଅଂଚଳର ଲୋକଙ୍କୁ ସତର୍କ ରହିବାକୁ ପ୍ରଶାସନ ପକ୍ଷରୁ କୁହାଯାଇଛି । ପାରାଦୀପ ବନ୍ଦରକୁ ୨ନମ୍ବର ବିପଦ ସଂକେତ ଜାରି କରଯାଇଥିବାରୁ, ତଳିଆ ଅଂଚଳରେ ଥିବା ଲୋକଙ୍କୁ ଡାକବାଜି ଯନ୍ତ୍ର ଯୋଗେ ପ୍ରଚାର କରି ସତର୍କ କରାଯାଇଛି ।
ପୁରୀ ବେଳାଭୂମିରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ବାତ୍ୟା ଅସାନି ପାଇଁ ସମୁଦ୍ର ଅଶାନ୍ତ ଥିବାରୁ ସମୁଦ୍ରରେ ନଗାଧୋଇବାକୁ ଲୋକମାନଙ୍କୁ କୁହାଯାଇଛି । ଡାକବାଜି ଯନ୍ତ୍ର ସହାୟତାରେ ବେଳାଭୂମିରେ ବୁଲୁଥିବା ପର୍ଯ୍ୟଟକମାନଙ୍କୁ ସତର୍କ କରାଯାଇଛି ।
ଗୋପାଳପୁର ବନ୍ଦର ପାଇଁ ୩ ନମ୍ବର ବିପଦ ସଂକେତ ଜାରି କରାଯାଇଛି । ସମୁଦ୍ର ଅଶାନ୍ତ ରହୁଥିବାରୁ ୨ ଦିନ ପାଇଁ ବେଳାଭୂମିକୁ ଆସିବାକୁ ବାରଣ କରିଛି ଗଂଜାମ ଜିଲ୍ଲା ପ୍ରଶାସନ । ଯଦିଓ ବାତ୍ୟା ସ୍ଥଳଭାଗ ଛୁଇଁବ ନାହିଁ, ତଥାପି ସତର୍କତା ଦୃଷ୍ଟିରୁ ପ୍ରଶାସନ ଲୋକଙ୍କ ପାଇଁ ଏହି କଟକଣା ଜାରି କରିଛି ।
ଗଂଜାମ ଛତ୍ରପୁର ବ୍ଲକ ସାନ ଆର୍ଯ୍ୟପାଲିରେ ଘଟିଛି ଏହି ଘଟଣା । ସାନ ଆର୍ଯ୍ୟପାଲି, ବଡ଼ ଆର୍ଯ୍ୟପାଲି ଓ ଗୋଳାବନ୍ଧ ଭଳି ଅଂଚଳର ୬୦ ଜଣ ମତ୍ସଜୀବୀ ୬ଟି ଡଙ୍ଗାରେ ସମୁଦ୍ରକୁ ମାଛମାରିବାକୁ ଯାଇଥିଲେ । ଫେରିବା ବେଳେ ବାତ୍ୟା ଅସାନି ପାଇଁ ସମୁଦ୍ର ଅଶାନ୍ତ ଥିବାରୁ ସେମାନଙ୍କ ଡଙ୍ଗା ଓଲଟିପଡ଼ିଥିଲା । ତେବେ ସୌଭାଗ୍ୟ ବସତଃ ଦୀର୍ଘ ୧ ଘଂଟାର ସଂଘର୍ଷ ପରେ କୂଳରେ ଆସି ସୁରକ୍ଷିତ ପହଂଚିଥିଲେ ମତ୍ସଜୀବୀ ।