ପରଦାକୁ ଆସିଲା ଓଡିଆ ଚଳଚ୍ଚିତ୍ର ‘ନିମକି’: ୬୦ଟି ସିନେମା ହଲରେ ରିଲିଜ୍, ଟୁଇଟ୍ କରି ସମସ୍ତଙ୍କ ଆର୍ଶୀବାଦ କାମନା କଲେ ବର୍ଷା
କନକ ବ୍ୟୁରୋ: ପରଦାକୁ ଆସିଲା ବହୁ ପ୍ରତୀକ୍ଷିତ ଓଡିଆ ଫିଲ୍ମ ନିମକି । ଓଲିଉଡ କୁଇନ ବର୍ଷା ପ୍ରିୟଦର୍ଶିନୀଙ୍କ ଅଭିନୀତ ଚଳଚ୍ଚିତ୍ର ‘ନିମକି – ନିମପୁରରୁ ନବୀନ ନିବାସ’ ଆଜି ସାରା ଓଡିଶାର ୬୦ରୁ ଅଧିକ ସିନେମା ହଲରେ ମୁକ୍ତିଲାଭ କରିଛି । ଜଣେ ସାଧାରଣ ଝିଅର ଅସାଧାରଣ କାହାଣୀ ଦେଖିବାକୁ ମିଳିଛି ଏହି ଫିଲ୍ମରେ । ଫିଲ୍ମ ରିଲିଜ୍ ପୂର୍ବରୁ ବର୍ଷା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କୁ ଭେଟି ଫିଲ୍ମ ଦେଖିବାକୁ ନିମନ୍ତ୍ରଣ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ନିମକ୍ ନିମପୁରରୁ ନବୀନ ନିବାସ ଚଳଚ୍ଚିତ୍ରଟି ବର୍ଷାଙ୍କ ଡିମ୍ ପ୍ରୋଜେକ୍ଟ ବୋଲି କହିଛନ୍ତି ଓଲିଉଡ କୁଇନ ବର୍ଷା ପ୍ରିୟଦର୍ଶନୀ । ଏହି ଚଳଚ୍ଚିତ୍ରର ପ୍ରଯୋଜନା ଓ କାହାଣୀ ରଚନା କରିଛନ୍ତି ନିଜେ ବର୍ଷା । ସେହିପରି ଚଳଚ୍ଚିତ୍ରର ସଂଳାପ ଲେକିଛନ୍ତି ଦିଲ୍ଲୀପ ଚୌଧୁରୀ । ପ୍ରେମାନନ୍ଦ ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ଫିଲ୍ମର ନିର୍ଦ୍ଦେଶନା ଭାର ତୁଳାଇଛନ୍ତି ସୁଶାନ୍ତମଣି ।