ବିରୋଧୀେମେଣ୍ଟର ନୂଆ ନାଁକୁ ନେଇ ତେଜିଲା ରାଜନୀତି, ‘ଇଣ୍ଡିଆ’ ନାଁକୁ ନେଇ ନୀତୀଶ କୁମାର ନାପସନ୍ଦ କରୁଥିବା ଚର୍ଚ୍ଚା
କନକ ବ୍ୟୁରୋ : ବିରୋଧୀମେଣ୍ଟର ନୂଆ ନାମ ଇଣ୍ଡିଆକୁ ନେଇ ତେଜୁଛି ରାଜନୀତି । ଇଣ୍ଡିଆ ନାଁକୁ ନେଇ ବିଜେପି ଓ ବିରୋଧୀ ମଧ୍ୟରେ କଥାକଟି ଚାଲିଥିବାବେଳେ ଏବେ ଏଥିରେ ଆସିଛି ବଡ ଟୁଇଟ୍ । କାରଣ ଇଣ୍ଡିଆ ନାଁକୁ ନେଇ ବିରୋଧୀ ଓ ବିଜେପି କଥାକଟି ହେଉଥିବାବେଳେ ଏବେ ମେଂଟର ସୁତ୍ରଧର କୁହାଯାଉଥିବା ଜେଡିୟୁ ମୁଖ୍ୟ ନୀତୀଶ କୁମାର ଇଣ୍ଡିଆ ନାଁକୁ ପସନ୍ଦ କରୁନଥିବା ଚର୍ଚ୍ଚା ହେଉଛି । ବୈଠକରେ ମେଂଟର ନାଁ ଇଣ୍ଡିଆ କାହିଁକି ରଖାଯିବ ବୋଲି ପ୍ରଶ୍ନ କରିଥିଲେ ନୀତିଶ । ଏହି ନାଁ ଏନଡିଏ ସହ ମେଂଟ ଭଳି ଲାଗୁଥିବା କହି ଏହାକୁ ବଦଳାଇବାକୁ ପରାମର୍ଶ ଦେଇଥିବା ଚର୍ଚ୍ଚା ହେଉଛି । ଜେଡିୟୁ ମେଂଟ ପାଇଁ ଦୁଇଟି ନାଁ ‘ପ୍ରସ୍ତାବ ଦେଇଥିବା କୁହାଯାଉଛି । ସେହିଭଳି ବାମଦଳ ମଧ୍ୟ ଗୋଟେ ନାଁ ପ୍ରସ୍ତାବ ଦେଇଥିଲା । ସବୁଠୁ ବଡ କଥା ହେଉଛି କାଲି ବୈଠକ ସରିବା ପରେ ଜେଡିୟୁ ଓ ଆରଜେଡି ମିଳିତ ସାମ୍ବାଦିକ ସମ୍ମିଳନୀରେ ସାମିଲ ନହୋଇ ବିହାର ଫେରି ଆସିବା ଘଟଣା ନିଆଁରେ ଘିଅ ଢାଳିବା କାମ କରୁଛି । ଘଟଣାକୁ ନେଇ କଂଗ୍ରେସ ମଧ୍ୟ ଜବାବ ରଖିଛନ୍ତି କଂଗ୍ରେସ ନେତା ଜୟରାମ ରମେଶ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ଯେତେବେଳେ ଇଣ୍ଡିଆ ନାଁ ଘୋଷଣା କରାଗଲା ପ୍ରଥମେ ଏହାକୁ ଇଣ୍ଡିଆନ ନ୍ୟାସସନାଲ ଡେମୋକ୍ରେଟିକ ଇନକ୍ୟୁସିଭ ଆଲାଏନ୍ସ କୁହାଗଲା ପରେ ତ୍ରୁଟିକ ସୁଧାରି ଇଣ୍ଡିଆର ଅର୍ଥ ନ୍ୟାସନାଲ ଡେଭଲେପମେଂଟାଲ ଇନକ୍ୟୁସିଭ ଆଲାଏନ୍ସ ବୋଲି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ଼ ଖଡ଼ଗେ ସ୍ପଷ୍ଟ କଲେ । ଏହାକୁ ଟାର୍ଗେଟ କରି ବିଜେପି କହିଛି ଯେଉଁଠି ନାଁକୁ ନେଇ ଦ୍ୱନ୍ଦ ରହିଛି ସେଠି ଏକତାର ସ୍ଥାୟିତ୍ୱ କେତେଦିନ । ଯେଉଁମାନେ ଗୋଟେ ଶଦ୍ଧକୁ ନେଇ ସହମତ ହୋଇପାରୁନାହାଁନ୍ତି ସେମାନେ ଦେଶକୁ କେମିତି ଚଳାଇବେ । ବିରୋଧୀ କହିଛନ୍ତି ବିଜେପି ଭ୍ରମ ସୃଷ୍ଟି କରୁଛି ।
ଏବେ ପ୍ରଶ୍ନ ଉଠୁଛି ମେଂଟର ନାଁକୁ ନେଇ ଯଦି ବିରୋଧୀଙ୍କ ମନ ମିଶୁନି ତେବେ ଆଗକୁ ବିଜେପି ବିରୋଧରେ ଏମାନଙ୍କ ୨୪ ରଣନୀତି କିଭଳି ମଜବୁତ ହେବ । ମନ ମିଶାଇ ୨୬ ବିରୋଧୀଦଳ ବିଜେପି ବିରୋଧରେ ଯେଉଁ ମୋର୍ଚ୍ଚା ବାହାର କରିଛନ୍ତି ତା କେତେ ଦୂର ସଫଳ ହେବ ।