ପୁଣି ଅଲୋଡ଼ା ହେଲା ଶିଶୁକନ୍ୟା । ଡାକ୍ତରଖାନା ଶୌଚାଳୟରୁ ନବଜାତର ମୃତଦେହ ଉଦ୍ଧାର । ମିଳିନି ପରିଚୟ ।
କନକ ବ୍ୟୁରୋ: ପୁଣି ଅଲୋଡ଼ା ହେଲା ଶିଶୁକନ୍ୟା । ଫୁଲବାଣୀ ମୁଖ୍ୟ ଡାକ୍ତରଖାନା ଶୌଚାଳୟରୁ ନବଜାତ ଶିଶୁକନ୍ୟାର ମୃତଦେହ ଉଦ୍ଧାର ହୋଇଛି । ମେଡିସିନ ୱାର୍ଡର ମହିଳା ଶୌଚାଳୟରୁ ମୃତଦେହକୁ ଉଦ୍ଧାର କରାଯାଇଛି । ସଫେଇ କର୍ମଚାରୀ ଶୌଚାଳୟ ସଫା କରିବା ସମୟରେ ଶିଶୁର ମୃତଦେହ ଦେଖି ମେଡିକାଲ କର୍ତ୍ତୃପକ୍ଷଙ୍କୁ ଜଣାଇଥିଲେ । ଏନେଇ ଟାଉନ ଥାନା ପୋଲିସକୁ ଜଣାଇବା ପରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ତେବେ ଶିଶୁ ଟି କାହାର ? ମେଡିକାଲ ଶୌଚାଳୟକୁ କିପରି ଆସିଲା ? ସେ ନେଇ ତଦନ୍ତ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମହିଳା ମେଡିସିନ ୱାର୍ଡ କିମ୍ବା ପ୍ରସୂତି ୱାର୍ଡରେ କୌଣସି ଶିଶୁଙ୍କ ମୃତ୍ୟୁ ହୋଇ ନଥିବା ସ୍ପଷ୍ଟ କରିଛନ୍ତି ଡାକ୍ତରଖାନାର ଭାରପ୍ରାପ୍ତ ଅଧିକାରୀ । ସର୍ବସାଧାରଣ ଶୌଚାଳୟ ହୋଇଥିବାରୁ କେହି ବାହାର ବ୍ୟକ୍ତି ମୃତଦେହକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଡାକ୍ତରଖାନାର ସିସିଟିଭି ଫୁଟେଜ ଅଧାରରେ ତଦନ୍ତ ଆରମ୍ଭ କରିଛି ।