କନକ ବ୍ୟୁରୋ : ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ନେଇ ଗାଁଠୁ ସହର ସବୁଛି ଚର୍ଚ୍ଚା । କିନ୍ତୁ ତାଙ୍କର ଏଭଳି ସଫଳତା ପଛରେ ରହିଛି ଜଣେ ବିଜେଡି ବିଧାୟକଙ୍କ ହାତ । ଏକଥା ଆମେ କହୁନୁ ସେ ନିଜେ ଏକଥା କହିଛନ୍ତି । ସେହି ବିଧାୟକ ଜଣଙ୍କ ହେଉଛନ୍ତି ମୟୁରଭଞ୍ଜର ମୋରଡ଼ା ବିଧାୟକ ରାଜକିଶୋର ଦାସ । ପୂର୍ବରୁ ବିଜେପିରେ ଥିବା ରାଜକିଶୋର ଏବଂ ଦ୍ରୌପଦୀଙ୍କ ମଧ୍ୟରେ ଥିବା ଅନୁକମ୍ପା ଓ ଆନୁଗତ୍ୟର ସମ୍ପର୍କ ସାମ୍ନାକୁ ଆସିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜୁନ୍ ୨୧ ତାରିଖରେ ଦ୍ରୌପଦୀଙ୍କୁ ରାଷ୍ଟ୍ରପତି ପ୍ରାର୍ଥୀ ଘୋଷଣା ପରେ ତାଙ୍କ ରାଇରଙ୍ଗପୁରସ୍ଥିତ ଘରକୁ ସୁଭେଚ୍ଛୁଙ୍କ ସୁଅ ଛୁଟିଥିଲା । ଯେଉଁଥିରେ ସାମିଲ ଥିଲେ ବିଜେଡି ବିଧାୟକ ରାଜକିଶୋର ଦାସ । ଭିଡ ଭିତରେ ରାଜକିଶୋରଙ୍କୁ ଠିଆ ହୋଇଥିବାର ଦେଖି ତାଙ୍କୁ ବସାଇବାକୁ ବ୍ୟଗ୍ର ହୋଇପଡିଥିଲେ ଦ୍ରୌପଦୀ । ‘ରାଜୁ ମୋ ସାନ ଭାଇ’ ବୋଲି ଉଚ୍ଚାରଣ କରି ଦ୍ରୌପଦୀ କହିଥିଲେ ରାଜକିଶୋର ମୋ ହାତ ଧରି କେତେ କାମ ଶିଖାଇଥିଲେ । ତାଙ୍କୁ ମହାନ ବନେଇଲା ବାଲା ଆପଣ ବୋଲି ରାଜକିଶୋରଙ୍କୁ କହିଥିଲେ ଦୌପଦୀ ମୁର୍ମୁ ।
ଆଉ ଦୌପଦୀ ଏହି କେଇ ପଦ କଥା ଶୁଣି ଭାବବିହ୍ୱଳ ହୋଇପଡିଥିଲେ ରାଜକିଶୋର । ଏଭଳି ପ୍ରସଂଶା ପାଇଁ ସେ ହକଦାର ନୁହଁନ୍ତି, ଏହା ଆପଣଙ୍କର ମହାନତା ବୋଲି କହିଥିଲେ ବିଜେଡି ବିଧାୟକ । ଦୁହିଁଙ୍କ କର୍ଥାବାର୍ତ୍ତାରୁ ସେମାନଙ୍କ ମଧ୍ୟରେ ଥିବା ସ୍ନେହ, ଆନୁଗତ୍ୟ ସମ୍ପର୍କ ବେଶ ବାରି ହୋଇପଡୁଥିଲା । ୧୯୯୨ରେ ବିଜେପି ନେତା ରାଜକିଶୋର ଦାସ ରାଇରଙ୍ଗପୁର ଏନଏନସି ଅଧ୍ୟକ୍ଷ ଥିବା ସମୟରେ ଦ୍ରୌପଦୀଙ୍କ ନିର୍ଭିକ ବ୍ୟକ୍ତିତ୍ୱ ଏବଂ ସମାଜସେବା ପ୍ରତି ଥିବା ତାଙ୍କ ଆଗ୍ରହକୁ ଦେଖି ତାଙ୍କ ରାଜନୀତିକୁ ଆସିବାକୁ କହିଥିଲେ । ହେଲେ ଏଥିରେ ପ୍ରଥମେ ଏଥିରେ ରାଜି ହୋଇନଥିବା ଦ୍ରୌପଦୀ ପରେ ରାଜନୀତିରେ ପାଦ ରଖିଥିଲେ ।