କନକ ବ୍ୟୁରୋ : ମୁଖ୍ୟମନ୍ତ୍ରୀ କୋଭିଡ ସମୀକ୍ଷା ସହ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର କାର୍ଯ୍ୟାନ୍ୱୟନ ବାବଦରେ ସମୀକ୍ଷା କରିଛନ୍ତି । ଆଉ ଏହାସହ ଅନୁବନ୍ଧିତ ବେସରକାରୀ ହସ୍ପିଟାଲ ଗୁଡିକରେ ଯୋଜନା ଠିକ ଢଙ୍ଗରେ ଚାଲିଛି କି ନାହିଁ ତାହାର ତଦାରଖ ପାଇଁ ଜିଲ୍ଲାପାଳ ଓ ଏସପି ମାନଙ୍କୁ ନିର୍ଦ୍ଦେଶ ଦେଇଛନ୍ତି ନବୀନ । କାରଣ ଏହାପୂର୍ବରୁ ଅନେକଥର ବେସରକାରୀ ହସ୍ପିଟାଲରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସୁଫଳ ମିଳୁନାହିଁ ବୋଲି ଅଭିଯୋଗ ଆସୁଥିଲା । ତେଣୁ ଏହାକୁ ଦୂର କରିବାକୁ ନବୀନ ଜିଲ୍ଲା ପ୍ରଶାସନକୁ ତତ୍ପରତା ଦେଖାଇବାକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ନବୀନ କହିଛନ୍ତି, ରାଜ୍ୟର ଜନସାଧାରଣଙ୍କୁ ଉତ୍ତମ ସ୍ବାସ୍ଥ୍ୟ ସେବା ଯୋଗାଇ ଦେବା ପାଇଁ ଏହା ଏକ ଗୁରୁତ୍ବପୂର୍ଣ୍ଣ ଯୋଜନା। ସ୍ୱାସ୍ଥ୍ୟସେବା କ୍ଷେତ୍ରରେ ଏହାର ବଡ ପ୍ରଭାବ ରହିଛି । ତେଣୁ ଅନୁବନ୍ଧିତ ବେସରକରୀ ହସ୍ପିଟାଲ ଗୁଡିକରେ ଯୋଜନାର କାର୍ଯ୍ୟାନ୍ୱୟନ ସଂପର୍କରେ ନିୟମିତ ତଦାରଖ କରିବା ପାଇଁ ମୁଖ୍ୟମନ୍ତ୍ରୀ ଜିଲ୍ଲପାଳ ଓ ଏସ୍.ପି ମାନଙ୍କୁ ନିର୍ଦ୍ଦେଶ ଦେଇଛନ୍ତି । । ଏହାସହ ବେସରକାରୀ ହସ୍ପିଟାଲଗୁଡିକ ସହ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବାବଦରେ ନିୟମିତ ଜିଲ୍ଲାପାଳ ଓ ଏସପି ମାନେ ବୈଠକ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା କହିଛନ୍ତି ୫-ଟି ସଚିବ । ଏହାଛଡା ଯେଉଁ ଜିଲ୍ଲାରେ କମ ହିତାଧିକାରୀ କାର୍ଡ ପାଇଛନ୍ତି , ଆସନ୍ତା ସପ୍ତାହ ମଧ୍ୟରେ ସମସ୍ତଙ୍କକୁ କାର୍ଡ ଦେବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।
ଏହି ସମୀକ୍ଷା ବୈଠକରେ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ କହିଛନ୍ତି, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ଓଡ଼ିଶାର ୨୭୫ଟି ବେସରକାରୀ ହସ୍ପିଟାଲ ଅନୁବନ୍ଧିତ ହୋଇଛନ୍ତି । ୫୫ଟି ଜାତୀୟ ସ୍ତରର ହସ୍ପିଟାଲ ଖୁବ ଶୀଘ୍ର ଏହି ଯୋଜନାରେ ସେବା ଯୋଗାଇ ଦେବେ ବୋଲି ସେ କହିଥିଲେ । ସମସ୍ତ ହିତାଧିକାରୀଙ୍କ ମଧ୍ୟରୁ ୯୫ ପ୍ରତିଶତ ସ୍ମାର୍ଟ କାର୍ଡ ପାଇସାରିଲେଣି । ତେଣୁ ନବୀନଙ୍କ ନିର୍ଦ୍ଦେଶ ଅନୁଯାୟୀ, ଖୁବଶୀଘ୍ର ସମସ୍ତ ହିତାଧିକାରୀଙ୍କୁ କାର୍ଡ ମିଳିଯିବ ।