ଘରୋଇ ଡାକ୍ତରଖାନାର ଅବହେଳା: ଏକ୍ସପାରୀ ଇଂଜେକସନ୍ ନେଇ ଭୁବନେଶ୍ୱର ଡାକ୍ତରଖାନାରେ ଭର୍ତି ହେଲା ନାବାଳକ
କନକ ବ୍ୟୁରୋ: ଏକ୍ସପାରୀ ଇଂଜେକସନ୍ ନେଇ ଅସୁସ୍ଥ ନାବାଳକ । ଇଂଜେକସନ୍ ନେଇ ଗୁରୁତର ହୋଇଥିବା ୧୨ ବର୍ଷର ନାବାଳକକୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ଘରୋଇ ଡାକ୍ତରଖାନାର ଅବହେଳା ଯୋଗୁଁ ଆଜି ଗୋଟିଏ ଛୋଟ ପିଲାର ଜୀବନ ବିପଦରେ ପଡିଛି । ଗୁରୁତର ନାବାଳକ ଜଣଙ୍କ ହେଉଛି ଖୋର୍ଦ୍ଧା ଟାଙ୍ଗୀ ଥାନା ଅନ୍ତର୍ଗତ ଝରିଆ ଗାଁର ରଶ୍ମି ରଂଜନ ପଲେଇ । ରଶ୍ମିର ପେଟରେ ଯନ୍ତ୍ରଣା ହେବାରୁ ପରିବାର ଲୋକେ ପ୍ରଥମେ ଟାଙ୍ଗୀରେ ଶିଶୁରୋଗ ବିଶେଷଜ୍ଞ ଡାକ୍ତର ସୂର୍ଯ୍ୟ ନାରାୟଣ ମିଶ୍ରଙ୍କୁ ଦେଖାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପରେ ରଶ୍ମୀକୁ ପରିବାର ଲୋକ ନୟାଗଡ ଜିଲ୍ଲାର ଚାନ୍ଦପୁରରେ ଥିବା ଏକ ଘରୋଇ କ୍ଲିନିକ୍ ରାମଚଣ୍ଡି ହସ୍ପିଟାଲକୁ ନେଇଥିଲେ । ତେବେ ସେଠାରେ ନାବାଳକ ଜଣଙ୍କୁ ଏକ୍ସପାରୀ ଇଂଜେକସନ୍ ଦିଆଯାଇଛି । ଗତ ଜାନୁଆରୀ ମାସରୁ ଏକ୍ସପାରୀ ଡେଟ୍ ସରିଯାଇଥିବା ଓଡିସେଫ୍ ଇଂଜେକନ୍ ପିଲାଟିକୁ ଦିଆଯାଇଛି । ଫଳରେ ପିଲାଟି ସୁସ୍ଥ ହେବା ବଦଳରେ ଅଧିକ ଅସୁସ୍ଥ ହୋଇଯାଇଛି । ଗୁରୁତର ଅବସ୍ଥାରେ ନାବାଳକକୁ ଭୁବନେଶ୍ୱରର ଏକ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଏହି ଘଟଣାକୁ ନେଇ ସ୍ଥାନୀୟ ଅଂଚଳରେ ଉତେଜନା ପ୍ରକାଶ ପାଇଛି । ସେପଟେ ଭୁଲ୍ ଇଂଜେକସନ୍ ଦେଇଥିବା ଡାକ୍ତରଖାନାର ମାଲିକ ଏନେଇ ଗଣମାଧ୍ୟମରେ ପ୍ରତିକ୍ରିୟା ଦେବାକୁ ମନା କରି ଦେଇଛନ୍ତି ।