ପରିବେଶକୁ ପ୍ରଦୂଷଣମୁକ୍ତ କରିବା ଦିଗରେ ଏକ ଅଭିନବ ପ୍ରୟାସ : ଅର୍ଥାଭାବ ଯୋଗୁଁ ପ୍ଲାଷ୍ଟିକ ବୋତଲରେ କଲେ ଶୈାଚାଳୟ
ଲୋକମାନେ ପ୍ଲାଷ୍ଟିକ ବୋତଲକୁ ଫୋପାଡି ଦେଉଥିବା ବେଳେ ପଶ୍ଚିମ ବଂଗାଲର ଅଶୋକ ଭୌମିକ ଏହାର ସହାୟତାରେ କାନ୍ଥ ଉଠାଉଛନ୍ତି । ବୋଧହୁଏ ଆପଣ ଏହା ଶୁଣି ବିସ୍ମିତ ହେଉଥିବେ, କିନ୍ତୁ ପ୍ରକୃତରେ ଅଶୋକ ପ୍ଲାଷ୍ଟିକ ବୋତଲ ସହାୟତାରେ ଶୈାଚାଳୟ ନିର୍ମାଣ କରିଛନ୍ତି । ପଶ୍ଚିମ ବଂଗାଲର ବର୍ଧମାନ ଜିଲ୍ଲାର ଅଶୋକ ଭୌମିକଙ୍କ ଏହି ପ୍ଲାଷ୍ଟିକ ବୋତଲ ଶୈାଚାଳୟକୁୁ ଦେଖିବା ପାଇଁ ବହୁ ଦୂରରୁ ଲୋକେ ଧାଇଁ ଆସୁଛନ୍ତି । ପ୍ଲାଷ୍ଟିକ ବୋତଲ ନିର୍ମିତ ଶୈାଚାଳୟକୁ ଯେକେହି ଦେଖିଲେ ଚକିତ ହେଇଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଶୋକ ପାଖରେ ସେତିକି ଟଙ୍କା ନଥିଲା ଯେତିକିରେ ଶୈାଚାଳୟ ନିର୍ମାଣ ହୋଇପାରିବ, କିନ୍ତୁ ଶୈାଚାଳୟର ନିର୍ମାଣ ଜରୁରୀ ଥିଲା । ଏଥିପାଇଁ ସେ ଏକ ଉପାୟ ପାଂଚିଲେ ଓ ପ୍ଲାଷ୍ଟିକ ବୋତଲରେ ବାଲି ଓ ଅନ୍ୟ କିଛି ଆବର୍ଜନା ଭର୍ତ୍ତି କରି ଶୈାଚାଳୟର କାନ୍ଥ ନିର୍ମାଣ କଲେ । ଅଶୋକଙ୍କ ମୁତାବକ ପ୍ଲାଷ୍ଟିକ ବୋତଲ ଇଟା ଠାରୁ ଶସ୍ତା ଥାଏ । ବାଲି ଓ ଅଳିଆ ଆବର୍ଜନାରେ ଭର୍ତ୍ତି ଏହି ବୋତଲ ଗୁଡିକୁ ଏକ ଲାଇନରେ ରଖାଯାଏ ଏବଂ ପୁଣି ସିମେଣ୍ଟ ଓ ମାଟିରେ ଏହାକୁ ଜୋଡି ଦିଆଯାଏ । ପ୍ଲାଷ୍ଟିକ ପରିବେଶକୁ କ୍ଷତି ପହଂଚାଉଥିବା ବେଳେ ପ୍ଲାଷ୍ଟିକକୁ ରିସାଇକ୍ଲିଙ୍ଗ କଲେ ଅଧିକ ଖର୍ଚ୍ଚ ହୋଇଥାଏ । ତେବେ ଅବ୍ୟବହୃତ ପ୍ଲାଷ୍ଟିକ ବୋତଲ ବ୍ୟବହାର କରିବାର ଏମିତି ଉପାୟ ପ୍ଲାଷ୍ଟିକ ସହ ଜଡ଼ିତ ପ୍ରଦୂଷଣକୁ ରୋକିବା ଲାଗି ଏକ ଅଭିନବ ପଦକ୍ଷେପ ରୂପେ ସାମନାକୁ ଆସିଛି ।