କନକ ବ୍ୟୁରୋ : ମହାରାଷ୍ଟ୍ର ରାଜ୍ୟପାଳ ଭଗତସିଂ କୋସିୟାରୀ ପୁଣି ଏକ ବିବାଦୀୟ ବୟାନ ଦେଇ ଚର୍ଚ୍ଚାକୁ ଆସିଛନ୍ତି । ତାଙ୍କର ଏହି ବୟାନକୁ ନେଇ ମହାରାଷ୍ଟ୍ର ରାଜନୀତି ସରଗରମ ହେବାରେ ଲାଗିଛି । ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ କୋସିୟାରୀ କହିଥିଲେ କି ଛତ୍ରପତି ଶିବାଜୀ ମହାରାଜ ପୁରୁଣା କାଳର କଥା ହେଲେ ଆଜିର ଯୁଗରେ ନୀତିନ ଗଡକରୀ ହେଉଛନ୍ତି ବାସ୍ତବରେ ଶିବାଜୀଙ୍କର ନୂଆ ରୂପ ଓ ନାୟକ ମଧ୍ୟ । ତାଙ୍କର ଏଭଳି ବୟାନ ପରେ ଆମ୍ ଆଦମୀ ପାର୍ଟି କୋସିୟାରୀଙ୍କ ଇସ୍ତଫା ଦାବି କରିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏହି ସଭାରେ କୋସିୟାରୀ କହିଥିଲେ କି ‘ଆମେ ସ୍କୁଲରେ ପାଠ ପଢିବା ବେଳେ ଶିକ୍ଷକମାନେ ପଚାରୁଥିଲେ କି ତୁମର ପ୍ରିୟ ହିରୋ କିଏ ? କିଛି ପିଲା ସୁବାଶ ବୋଷଙ୍କ ନାମ କହୁଥିଲେ ତ କିଛି ନେହରୁଙ୍କ ନାମ ଯାହାକୁ ଯାହା ପସନ୍ଦ ସେ ଉତର ଦେଉଥିଲେ । ହେଲେ ଆଜିର ସମୟରେ ଯଦି କେହି ଆପଣଙ୍କୁ ପଚାରନ୍ତି ଆପଣଙ୍କ ପସନ୍ଦର ନେତା କିଏ ? ତେବେ ଆପଣ ବାହାରକୁ ଯିବାକୁ ପଡିବ ନାହିଁ ଆପଣଙ୍କୁ ଆପଣଙ୍କ ନେତା ମହାରାଷ୍ଟ୍ରରେ ମିଳିଯିବେ । ଶିବାଜୀ ତ ପୁରୁଣା କାଳର କଥା ହେଲେ ନୂଆ ଯୋଗରେ ଭୀମରାଓ ଆମ୍ବେଦକରଙ୍କ ଠାରୁ ନୀତିନ ଗଡକରୀ ପର୍ଯ୍ୟନ୍ତ ଆପଣଙ୍କୁ ମହାରାଷ୍ଟ୍ରରେ ମିଳିଯିବେ’
କେନ୍ଦ୍ରମନ୍ତ୍ରୀ ନୀତିନ ଗଡକରୀ ଓ ଏନସିପି ନେତା ଶରଦ ପାୱାରଙ୍କୁ ତମରାୱାଡା ବିଶ୍ୱବିଦ୍ୟାଳୟରେ ସମ୍ମାନୀତ କରାଯାଇଥିଲା । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମହାରାଷ୍ଟ୍ର ରାଜ୍ୟପାଳ ଭଗତସିଂ କୋସିୟାରୀ ଏଭଳି ବୟାନ ଦେଇଛନ୍ତି ।
ରାଜ୍ୟପାଳଙ୍କର ଏଭଳି ବୟାନ ଉପରେ ଆମ୍ ଆଦମୀ ପାର୍ଟି ଟାର୍ଗେଟ୍ କରିଛି । ପାର୍ଟିର ନେତା ପ୍ରୀତି ମେନନ୍ ଟ୍ୱିଟ କରି କୋସିୟାରୀଙ୍କର ଇସ୍ତଫା ଦାବି କରିଛନ୍ତି । ଏହାସହ ଏଭଳି ବୟାନ ପାଇଁ ରାଜ୍ୟପାଳ ତୁରନ୍ତ କ୍ଷମା ମାଗନ୍ତୁ ବୋଲି ସେ କହିଛନ୍ତି ।