କନକ ବ୍ୟୁରୋ: ବଦଳିଲେ କଟକ ମାହାଙ୍ଗା ଥାନା ଆଇଆଇସି ନିହାର ରଞ୍ଜନ ମହାନ୍ତି । ନିହାର ଏବେ ପୋଲିସ ମୁଖ୍ୟାଳୟକୁ ବଦଳି ହୋଇଛନ୍ତି । ଦୁର୍ନୀତି ମାମଲାରେ ଗତକାଲି ଗିରଫ ହୋଇଥିବା ମହିଳା ଅବକାରୀ ଅଧୀକ୍ଷକ ନିନା ବେଉରାଙ୍କ ସ୍ୱାମୀ ହେଉଛନ୍ତି ନିହାର ରଞ୍ଜନ ମହାନ୍ତି । ସ୍ତ୍ରୀ ଭିଜିଲାନ୍ସ ଜାଲରେ ପଡିବା ପରେ ନିହାର ଗତକାଲି ଭିଜିଲାନ୍ସ କାର୍ଯ୍ୟାଳୟରେ ୮ ଘଂଟାରୁ ଅଧିକ ସମୟ ଧରି ମାରାଥନ ଜେରାର ସାମ୍ନା କରିଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ନିହାର ବଦଳି ହେବା ପରେ ଭଦ୍ରେଶ୍ୱର ଏସ.ଆଇ ତପନ କୁମାର ନାୟକ ମାହାଙ୍ଗା ଥାନାର ଦାୟିତ୍ୱରେ ରହିବେ ବୋଲି ଡିଜି ସୁନୀଲ ବଂଶଲ ସୂଚନା ଦେଇଛନ୍ତି । ନିହାରଙ୍କ ପତ୍ନୀ ଗତକାଲି ଗିରଫ ହେବା ପରେ ଭିଜିଲାନ୍ସ ବିଭିନ୍ନ ସ୍ଥାନରେ ଚଢାଉ କରିଥିଲା । ପ୍ରାଥମିକ ପର୍ଯ୍ୟାୟରେ ସୁନା ଅଳଙ୍କାର, ଘର, ଜମି, ବ୍ୟାଙ୍କ ପାସବୁକ, ବୀମା ରାଶି ସହ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଛି ଭିଜିଲାନ୍ସ ଟିମ୍ । ରାୟଗଡାରେ ରହୁଥିବା ନିନା ଭୁବନେଶ୍ୱରରୁ ୬ ଲକ୍ଷ ଟଙ୍କା ନେଇ କୁଆଡେ ଯାଉଥିଲେ? ଏହି ୬ ଲକ୍ଷ ଟଙ୍କା କେଉଁଠୁ ଆଣିଥିଲେ? ଭିଜିଲାନ୍ସ ଅଧିକାରୀଙ୍କୁ ଏହାର ଜବାବ ଦେଇପାରିନଥିବା ଜଣାପଡିଛି ।