EXIT POLL LIVE: କର୍ଣ୍ଣାଟକରେ କିଏ ଗଢିବ ସରକାର ? କାହାର ହେବ କର୍ଣ୍ଣାଟକ? ଆସିଲା ବୁଥ୍ ବାହୁଡା ମତ…
ଦେଖନ୍ତୁ, କାହାକୁ ମିଳିପାରେ କେତେ ସିଟ୍?
କନକ ବ୍ୟୁରୋ: କର୍ଣ୍ଣାଟକରେ କିଏ ଗଢିବ ସରକାର ? କାହାର ହେବ କର୍ଣ୍ଣାଟକ? ବିଜେପି ପୁଣିଥରେ କ୍ଷମତା ଦଖଲ କରିବ? ନା, କଂଗ୍ରେସ ପୁଣି କମବ୍ୟାକ୍ କରିବ ସେନେଇ କର୍ଣ୍ଣାଟକରୁ ଆସିଛି ବୁଥ୍ ବାହୁଡା ମତ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ କିଛି ସର୍ଭେରେ କଂଗ୍ରେସକୁ ବହୁମତ ମିଳିବା ନେଇ ଅନୁମାନ କରାଯାଉଥିବାବେଳେ, ଅନ୍ୟ କିଛି ସର୍ଭେରେ ବିଜେପି ବଡ ଦଳ ହେଇ ଉଭା ହେବ ବୋଲି କୁହାଯାଉଛି । ସେହିପରି ଅନ୍ୟ କିଛି ସର୍ଭେରେ ରାଜ୍ୟରେ ଝୁଲା ବିଧାନସଭା ଦେଖିବାକୁ ମିଳୁଥିବାବେଳେ, ଜେଡିଏସ୍ କିଙ୍ଗ ମେକର ହେବ ବୋଲି କୁହାଯାଉଛି । ତେବେ ଦେଖନ୍ତୁ, ବିଭିନ୍ନ ସର୍ଭେର ଏକଜିଟ୍ ପୋଲ୍…
ଜନ କି ବାତ୍
କର୍ଣ୍ଣାଟକରେ ଏଥର ବିଜେପିକୁ ୯୪ରୁ ୧୧୭ ସିଟ୍ ମିଳିପାରେ ବୋଲି ଜନ୍ କି ବାତ୍ ଏକଜିଟ୍ ପୋଲରେ ଅନୁମାନ କରାଯାଇଛି । ସେହିପରି କଂଗ୍ରେସକୁ ୯୧ରୁ ୧୦୬ ସିଟ୍, ଜେଡିଏସକୁ ୧୪ରୁ ୨୪ ସିଟ୍ ଏବଂ ସ୍ୱାଧୀନକୁ ୦ କିମ୍ବା ୨ଟି ସିଟ୍ ମିଳିପାରେ ବୋଲି ଏକଜିଟ୍ ପୋଲରେ ଅନୁମାନ କରିଛି ଜନ୍ କି ବାତ୍ ଏକଜିଟ୍ ପୋଲ ।
ନ୍ୟୁଜ୍ ୧୮ ଏକଜିଟ୍ ପୋଲ
କର୍ଣ୍ଣାଟକରେ ଏଥର କଂଗ୍ରେସକୁ ୯୧ରୁ ୧୦୬ ସିଟ୍ ମିଳିବା ନେଇ ଅନୁମାନ କରିଛି ଜାତୀୟ ଗଣମାଧ୍ୟମ ସଂସ୍ଥା ନ୍ୟୁଜ୍ ୧୮ର ଏକଜିଟ୍ ପୋଲ୍ । ତା ସହିତ ବିଜେପିକୁ ୯୪ରୁ ୧୧୭ ସିଟ୍ ଏବଂ ଜେଡିଏସକୁ ୧୪ରୁ ୨୪ ସିଟ୍ ମିଳିପାରେ ବୋଲି ଅନୁମାନ କରାଯାଇଛି ।
#ବୁଥ_ବାହୁଡା_ମତ
ନ୍ୟୁଜ-୧୮ର ସର୍ଭେରେ କର୍ଣ୍ଣାଟକରେ କଂଗ୍ରେସକୁ ମିଳିପାରେ ୯୧-୧୦୬ ଆସନ । ବିଜେପିକୁ ମିଳିପାରେ ୯୪-୧୧୭ ଆସନ । #ExitPoll #KanakNews#ExitPollWithKanakNews #Karnatak #BJP #Congress #JDS pic.twitter.com/xY7q2BYhMo— Kanak News (@kanak_news) May 10, 2023
ଜୀ-ନ୍ୟୁଜର ଏକଜିଟ୍ ପୋଲ
ଜାତୀୟ ଗଣମାଧ୍ୟମ ସଂସ୍ଥା ଜୀ-ନ୍ୟୁଜ୍ ପକ୍ଷରୁ କର୍ଣ୍ଣାଟକ ବିଧାନସଭା ନିର୍ବାଚନର ଏକଜିଟ୍ ପୋଲ ସାମ୍ନାକୁ ଆସିଛି । ଏହି ଏକଜିଟ୍ ପୋଲରେ ବିଜେପିକୁ ୭୯ରୁ ୯୪ ସିଟ୍ ମିଳିବା ନେଇ ଅନୁମାନ କରାଯାଇଥିବାବେଳେ, କଂଗ୍ରେସକୁ ୧୦୩ରୁ ୧୧୮ ସିଟ୍ ମିଳିପାରେ ବୋଲି କୁହାଯାଉଛି । ସେପଟେ ଜେଡିଏସକୁ ୨୫ରୁ ୩୩ ସିଟ୍ ଏବଂ ସ୍ୱାଧୀନ ଖାତାକୁ ୨ରୁ ୫ ସିଟ୍ ଯାଇପାରେ ବୋଲି ଜୀ-ନ୍ୟୁଜ୍ ଏକଜିଟ ପୋଲରେ ଅନୁମାନ କରାଯାଉଛି ।
#ବୁଥ_ବାହୁଡା_ମତ
କର୍ଣ୍ଣାଟକରେ ଆସିଲା ବୁଥ ବାହୁଡା ମତ । ଜୀ ନ୍ୟୁଜର ସର୍ଭେରେ କଂଗ୍ରେସକୁ ମିଳିପାରେ ସର୍ବାଧିକ ଆସନ । ମିଳିପାରେ ୧୦୩-୧୦୮ ଆସନ । ବିଜେପିକୁ ମିଳିପାରେ ୭୯-୯୪ ଆସନ । #ExitPoll #KanakNews#ExitPollWithKanakNews #Karnatak #BJP #Congress #JDS pic.twitter.com/fWm6WmUYVI— Kanak News (@kanak_news) May 10, 2023
ପି-ଏମଏଆରକ୍ୟୁର ଏକଜିଟ୍ ପୋଲ୍
କର୍ଣ୍ଣାଟକରେ ୨୨୪ ଆସନରୁ ଏଥର ବିଜେପିକୁ ୮୫ରୁ ୧୦୦ ସିଟ୍ ମିଳିପାରେ ବୋଲି ପି-ଏମଏଆରକ୍ୟୁ ଅନୁମାନ କରିଛି । ସେହିପରି କଂଗ୍ରେସକୁ ୯୪ରୁ ୧୦୮ ସିଟ୍ ଏବଂ ଜେଡିଏସକୁ ୨୪ରୁ ୩୨ ସିଟ୍ ମିଳିପାରେ ବୋଲି ଅନୁମାନ କରାଯାଉଛି । ସେପଟେ କର୍ଣ୍ଣାଟକରେ ଏଥର ୨ରୁ ୬ ଜଣ ସ୍ୱାଧୀନ ପ୍ରାର୍ଥୀ ବିଧାନସଭାକୁ ଆସିପାରନ୍ତି ବୋଲି ପି-ଏମଆରକ୍ୟୁ ଏକଜିଟ୍ ପୋଲରେ ଅନୁମାନ କରାଯାଇଛି ।
ଟିଭି-୯ ଭାରତବର୍ଷ ଏବଂ ପୋଲଷ୍ଟାର୍ଟ ଏକଜିଟ୍ ପୋଲ
ଟିଭି-୯ ଭାରତବର୍ଷ ଏବଂ ପୋଲଷ୍ଟାର୍ଟ ଏକଜିଟ୍ ପୋଲର ସର୍ଭେ ମୁତାବକ ଏଥର କର୍ଣ୍ଣାଟକରେ ବିଜେପିକୁ ୮୮ରୁ ୯୮ ସିଟ୍ ମିଳିପାରେ । ଅନ୍ୟପଟେ କଂଗ୍ରେସକୁ ଏଥର କର୍ଣ୍ଣାଟକରେ ୯୯ରୁ ୧୦୯ ସିଟ୍ ମିଳିପାରେ ବୋଲି ଟିଭି-୯ ଭାରତବର୍ଷ ଅନୁମାନ କରିଛି । ସେହିପରି ଜେଡିଏସକୁ ୨୧ରୁ ୨୬ ସିଟ୍ ମିିଳିବ ବୋଲି ଅନୁମାନ କରାଯାଉଛି ।
#କର୍ଣ୍ଣାଟକର_ବୁଥ_ବାହୁଡା_ମତ
ଟିଭି-୯ ଭାରତବର୍ଷ ପୋଲଷ୍ଟାର୍ଟର ଏକଜିଟ ପୋଲ । କର୍ଣ୍ଣାଟକରେ କଂଗ୍ରେସକୁ ମିଳିପାରେ ବଡ ସଫଳତା । ହାତେଇପାରେ ୯୯-୧୦୯ ଆସନ । ବିଜେପିକୁ ମିଳିପାରେ ୮୮-୯୮ ଆସନ । #ExitPoll #KanakNews#ExitPollWithKanakNews #Karnatak #BJP #Congress #JDS pic.twitter.com/1UOepDkz7M— Kanak News (@kanak_news) May 10, 2023
କର୍ଣ୍ଣାଟକ ବିଧାନସଭାର ମୋଟ ସିଟ୍ ସଂଖ୍ୟା ୨୨୪ ହୋଇଥିବାବେଳେ, ମୋଟ୍ ୨୬୧୫ ଜଣ ପ୍ରାର୍ଥୀ ଏଥର ମୈଦାନରେ ରହିଛନ୍ତି । ସେମାନଙ୍କ ଭିତରୁ ୨୪୩୦ ଜଣ ପୁରୁଷ ପ୍ରାର୍ଥୀ ହୋଇଥିବାବେଳେ, ୧୮୪ ଜଣ ହେଉଛନ୍ତି ମହିଳା ପ୍ରାର୍ଥୀ ଏବଂ ଜଣେ ତୃତୀୟ ଲିଙ୍ଗୀ । ତେବେ କର୍ଣ୍ଣାଟକରେ ମୋଟ୍ ଭୋଟରଙ୍କ ସଂଖ୍ୟା ୫.୩ କୋଟି ହୋଇଥିବାବେଳେ ଏଥର ୧୧.୭୧ ଲକ୍ଷ ଭୋଟର ହେଉଛନ୍ତି ପ୍ରଥମ ଭୋଟର । ତେବେ କର୍ଣ୍ଣାଟକରେ ପୁରୁଷ ଭୋଟରଙ୍କ ସଂଖ୍ୟା ୨.୬୬ କୋଟି ହୋଇଥିବାବେଳେ, ମହିଳା ଭୋଟରଙ୍କ ସଂଖ୍ୟା ହେଉଛି ୨.୬୩ କୋଟି ।