ଜମି ବଦଳରେ ଚାକିରି ମାମଲାରେ ଇଡିର ବଡ କାର୍ଯ୍ୟାନୁଷ୍ଠାନ, ଲାଲୁ ଯାଦବଙ୍କ ପରିବାରର ୬ କୋଟି ଟଙ୍କାର ସମ୍ପତ୍ତି ଜବତ
କନକ ବ୍ୟୁରୋ : ଜମି ବଦଳରେ ଚାକିରି ମାମଲାରେ ସୋମବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏହି କ୍ରମରେ ମାମଲାରେ ଅଭିଯୁକ୍ତ ଲାଲୁ ଯାଦବ ଓ ତାଙ୍କ ପରିବାରର ମୋଟ ୬ କୋଟି ଟଙ୍କାର ସମ୍ପତ୍ତି ଜବତ କରାଯାଇଛି । ଏହି ମାମଲାରେ ପୁରା ଲାଲୁ ଯାଦବଙ୍କ ସଂପୃକ୍ତି ଥିବା ଅଭିଯୋଗ ଉପରେ ଯାଂଚ ଚାଲିଛି । ସିବିଆଇ ତରଫରୁ ଲାଲୁଙ୍କ ପରିବାର ସଦସ୍ୟଙ୍କୁ ଅନେକ ବାର ଜେରା ମଧ୍ୟ କରିସାରିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏହି ମାମଲା ଉପରେ ଲାଲୁଙ୍କ ପରିବାର ଲୋକେ କହିଛନ୍ତି କି, ଏହା ଏକ ରାଜନୈତିକ ଷଡଯନ୍ତ୍ର କ୍ରମରେ ଏହି ମାମଲାକୁ ପୁଣି ଉଠାଯାଇଛି । ପ୍ରଥମରୁ ସିବିଆଇ ଏହି ମାମଲାରେ ୨ଥର ଯାଂଚ କରିସାରିଥିଲା । ହେଲେ କେହି ସାକ୍ଷୀ ଦେଇନଥିଲେ । ଏହାପରେ ସିବିଆଇ ଏହି ମାମଲାକୁ ବନ୍ଦ କରିଦେଇଥିଲା । ପୁଣି ଏହି ମାମଲାରେ ସିବିଆଇ ଏବେ ଜେରା କରି କଣ ଜାଣିବାକୁ ଚାହୁଁଛି ବୋଲି ଲାଲୁଙ୍କ ପରିବାର ଲୋକ ଅଭିଯୋଗ କରିଛନ୍ତି ।
ସୂଚନା ଥାଉକି ଜମି ବଦଳରେ ଚାକିରି ମାମଲାରେ ମେ’ମାସରେ ସିବିଆଇ ତରଫରୁ ଦେଶର ୯ଟି ସ୍ଥାନରେ ଚଢାଉ କରିଥିଲା । ଏହି ମାମଲା ୨୦୦୪ ରୁ ୨୦୦୯ ମଧ୍ୟରେ ଥିଲା । ସେତେବେଳେ ଲାଲୁ ଯାଦବ କେନ୍ଦ୍ରର ରେଳମନ୍ତ୍ରୀ ଥିଲେ । ଅଭିଯୋଗ ରହିଥିଲା କି ଲାଲୁ ଯାଦବ ରେଳ ବିିଭାଗରେ ଚାକିରି ଦେବାକୁ କହି କିଛି ଆଶାୟୀଙ୍କ ଠାରୁ ଜମି ନେଇଥିଲେ । ଏହାକୁ ନେଇ ସିବିଆଇ ଏବେ ଯାଂଚ କରୁଛି ।