ଜୟପୁରରେ ମହିଳାଙ୍କୁ ବନ୍ଧୁକ ମୁନରେ ଦୁଷ୍କର୍ମ ଅଭିଯୋଗର ପ୍ରତିବାଦ : ଅଭିଯୁକ୍ତକୁ ଗିରଫ ଓ ପୀଡ଼ିତାଙ୍କୁ ନ୍ୟାୟ ଦାବିରେ ବିଜେପିର ୧୨ ଘଂଟିଆ ବନ୍ଦ
ଏସଡିପିଓଙ୍କ ଅଫିସ୍ ଆଗରେ କଂଗ୍ରେସର ଧାରଣା
କନକ ବ୍ୟୁରୋ : ଜୟପୁରରେ ମହିଳାଙ୍କୁ ଦୁଷ୍କର୍ମ ଅଭିଯୋଗ ଘଟଣାରେ ରାଜରାସ୍ତାକୁ ଓହ୍ଲାଇଛନ୍ତି ରାଜନୈତିକ ଦଳ । ପୀଡିତାଙ୍କୁ ଶୀଘ୍ର ନ୍ୟାୟ ଦାବିରେ ବିଜେପି ଆଜି ୧୨ ଘଂଟିଆ ବନ୍ଦ ଡକରା ଦେଇଛି । ଫଳରେ ରାସ୍ତାର ଉଭୟ ପାର୍ଶ୍ୱରେ ଯାତ୍ରୀବାହୀ ବସ ଅଟକି ରହିଛି । କଂଗ୍ରେସ ବି ଆଜି ଏସଡିପିଓ ଅଫିସ ଘେରାଉ କରିବାକୁ ଘୋଷଣା କରିଛି । ୨୫ ତାରିଖରେ ଦୁଷ୍କର୍ମ ନେଇ ଥାନାରେ ମାମଲା ରୁଜୁ ହୋଇଥିଲା । କିନ୍ତୁ ଆଜି ଯାଏଁ ପୁଲିସ ଅପରାଧୀକୁ ଗିରଫ କରିନାହିଁ । ଆଉ ଏହାର ପ୍ରତିବାଦରେ ବିଜେପି ଓ କଂଗ୍ରେସ ଆନ୍ଦୋଳନ ଡକରା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ୨୪ ତାରିଖରେ ସଦର ଥାନା ଜନୈକ ବ୍ୟକ୍ତିଙ୍କ ଘର ମଧ୍ୟକୁ ପଶି ଅଭିଯୁକ୍ତ ଲାଲୁ ବାହାଦୁର ଓ ମୀନ ବାରିକ ଗଣ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ଏହି ସମୟରେ ମହିଳା, ନିଜ ସ୍ବାମୀ ଓ ୩ ବର୍ଷର ପୁଅକୁ ନେଇ ଶୋଇଥିଲେ । ଘର ମଧ୍ୟକୁ ପଶି ଲାଲୁ ବାହାଦୁର ତାଙ୍କ ସ୍ବାମୀଙ୍କ ମୁଣ୍ଡକୁ ବନ୍ଧୁକ ଦେଖାଇଥିଲେ। ମୀନ ତାଙ୍କ ପୁଅର ବେକକୁ ଚାପି ଧରିଥିଲା । ଉଭୟଙ୍କୁ ଜୀବନରେ ମାରିବାକୁ ଧମକ ଦେଇ ମହିଳାଙ୍କୁ ଅନ୍ୟ ରୁମକୁ ଅଭିଯୁକ୍ତ ଲାଲୁ ପ୍ରଥମେ ନେଇଥିଲେ । ମହିଳା ଜଣକଙ୍କର ଇଛା ବିରୋଧରେ ଅଭିଯୁକ୍ତ ଲାଲୁ ବନ୍ଧୁକ ଦେଖାଇ ଜୀବନରେ ସ୍ବାମୀ ଓ ପୁଅକୁ ମାରିବାର ଧମକ ଦେଇ ଦୁଷ୍କର୍ମ କରିଥିଲେ । ଏହାପରେ ମୀନ ବି ଆସି ତାଙ୍କୁ ଦୁଷ୍କର୍ମ କରିଥିଲେ । ଉଭୟ ବନ୍ଧୁକ ଦେଖାଇ ଗାଁରେ କାହାରିକୁ କହିଲେ ଜୀବନରେ ମାରିବାକୁ ଧମକ ଦେଇଥିବା ପୀଡ଼ିତା ନିଜ ଏତଲାରେ ଦର୍ଶାଇଛନ୍ତି ।