କନକ ବ୍ୟୁରୋ : କର୍ଣ୍ଣାଟକରେ କିଏ ହେବ ମୁଖ୍ୟମନ୍ତ୍ରୀ ତାହାକୁ ନେଇ ଏବେ ବି ନିଷ୍ପତ୍ତି ହୋଇପାରି ନାହିଁ । ଗୋଟିଏ ପଟେ କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ଡି.କେ ଶିବକୁମାର ମୁଖ୍ୟମନ୍ତ୍ରୀ ପଦ ପାଇଁ ଅଡିବସିଥିବା ବେଳେ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଦରମୈୟା ବି ଦୌଡରୁ ନିଜକୁ ଦୂରେଇ ନାହାଁନ୍ତି । ଏନେଇ ଦୀର୍ଘ ୪ଦିନ ହେବ ଦିଲ୍ଲୀରେ ମନ୍ଥନ ଜାରି ରହିଛି । କର୍ଣ୍ଣାଟକ କଂଗ୍ରେସ ପ୍ରଭାରୀ ରଣଦୀପ ସୁରଜୱାଲା କହିଛନ୍ତି କି, ଆଗାମୀ ୪୮-୭୨ ଘଂଟା ମଧ୍ୟରେ କର୍ଣ୍ଣାଟକରେ ନୂଆ ମନ୍ତ୍ରୀମଣ୍ଡଳ ଗଠନ ହୋଇଯିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେପଟେ କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀ ଆଶାୟୀ ଡିକେ ଶିବକୁମାର ନିଜ ଭାଇ ତଥା ପାର୍ଟିର ସାଂସଦ ଡିକେ ସୁରେଶଙ୍କ ଦିଲ୍ଲୀସ୍ଥିତ ବାସଭବନରେ ପହଂଚିଛନ୍ତି । ସେଠାରେ ସେ ଗଣମାଧ୍ୟମକୁ କହିଛନ୍ତି କି ମିଥ୍ୟା ଅପପ୍ରଚାର ଉପରେ ବିଶ୍ୱାସ କରନ୍ତୁ ନାହିଁ ।
ସୂତ୍ର ସୂଚନା ମୁତାବକ କଂଗ୍ରେସ ହାଇକମାଣ୍ଡ ଶିବକୁମାରଙ୍କୁ ଉପ ମୁଖ୍ୟମନ୍ତ୍ରୀ ପଦ ଦେବାକୁ ରାଜି ଅଛନ୍ତି । ହେଲେ ଶିବକୁମାର ଉପ ମୁଖ୍ୟମନ୍ତ୍ରୀ ହେବାକୁ ରାଜି ନଥିବା କଥା ଜଣାପଡିଛି । ଅନୁମାନ କରାଯାଉଛି କି ଏହି ସମସ୍ୟାର ସମାଧାନ ନହେବା ପର୍ଯ୍ୟନ୍ତ ଡିକେ ଶିବକୁମାର ଦିଲ୍ଲୀରେ ରହିପାରନ୍ତି ।
ସେପଟେ କର୍ଣ୍ଣାଟକ ବିଧାନସଭା ନିର୍ବାଚନ ଫଳାଫଳ ଆସିବା ପରେ କଂଗ୍ରେସ ନେତା ଡିକେ ଶିବକୁମାର ଓ ସିଦ୍ଦରମୈୟା ଉଭୟ ରାହୁଲ ଗାନ୍ଧୀଙ୍କୁ ଭେଟିଛନ୍ତି । ସେପଟେ ସୁୂରଜୱାଲା କହିଛନ୍ତି କି,କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ବିଚାରବିମର୍ଷ କରୁଛନ୍ତି ।