ଅନୁଷ୍କା ଶର୍ମାଙ୍କ ଖୁଲାସା ! ସିନେମା ‘ଏ ଦିଲ୍ ହୈ ମୁସ୍କିଲ୍’ର ସୁଟିଂ ବେଳେ କରଣ ଜୋହର କରୁଥିଲେ ଅଶ୍ଳୀଳ ବ୍ୟବହାର
ନିର୍ମାତା ଓ ନିର୍ଦ୍ଦେଶକ କରଣ ଜୋହରଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଛନ୍ତି ଅଭିନେତ୍ରୀ ଅନୁଷ୍କା ଶର୍ମା । କହିଛନ୍ତି , ସିନେମା ‘ଏ ଦିଲ୍ ହୈ ମୁସ୍କିଲ୍’ର ସୁଟିଂ ସମୟରେ କରଣ ତାଙ୍କୁ ଅଶ୍ଳୀଳ ବ୍ୟବହାର କରୁଥିଲେ । ଏପରିକି ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଡିସଙ୍କ ସହ ମଧ୍ୟ କରଣ ଏପରି ବ୍ୟବହାର କରନ୍ତି ବୋଲି ଅଭିଯୋଗ କରିଛନ୍ତି ଅନୁଷ୍କା । କରଣଙ୍କ ଲୋକପ୍ରିୟ ସୋ’ ‘କଫି ଉଇଥ କରନ’ ରେ ଏହି ଘଟଣା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଯେତେବେଳେ ସୋ’ର ହୋଷ୍ଟ କରଣ ଜୋହର କହିଲେ କି ‘ଏ ଦିଲ ହୈ ମୁସ୍କିଲ’ର ସୁଟିଂ ସମୟରେ ଅନୁଷ୍କାଙ୍କ ଉପରେ ତାଙ୍କର କ୍ରସ୍ ଆସିଥିଲା, ସେତେବେଳେ ଅନୁଷ୍କା ଏହି ଘଟଣାର ଖୁଲାସା କରିଥିଲେ । ଏପରିକି ସେ ଏନେଇ କରଣଙ୍କ ବିରୋଧରେ ଯୌନ ନିର୍ଯାତନା ମାମଲା କରିବେ ବୋଲି ମଧ୍ୟ ପ୍ରକାଶ କରିଛନ୍ତି । ତେବେ ସୋରେ ଉପସ୍ଥିତ ଥିବା ଅଭିନେତ୍ରୀ କ୍ୟାଟ୍ରିନା କୈଫ୍ କିନ୍ତୁ କରଣଙ୍କ ସମର୍ଥନ କରି ଏହା ଏକ ଭୂଲ୍ ଧାରଣା ହୋଇଥାଇପାରେ ବୋଲି ଅନୁଷ୍କାଙ୍କୁ ବୁଝାଇଥିଲେ ।