ସିଏସି ଅଧ୍ୟକ୍ଷ ପଦରୁ କପିଲ ଦେବଙ୍କ ଇସ୍ତଫା। ବିସିସିଆଇ ଏଥିକ୍ସ କମିଟିର ନୋଟିସ ପରେ କପିଲ ପଦରୁ ଇସ୍ତଫା ଦେଇଥିବା ଚର୍ଚ୍ଚା
ବ୍ୟକ୍ତିଗତ ସ୍ୱାର୍ଥକୁ ସୁରକ୍ଷା ଦେଉଥିବା ଅବିଯୋଗରେ ହୋଇଥିଲା ନୋଟିସ୍
କନକ ବ୍ୟୁରୋ: ସିଏସି ବା କ୍ରିକେଟ ଏଡଭାଇଜରି କମିଟି ଅଧ୍ୟକ୍ଷ ପଦରୁ ଇସ୍ତଫା ଦେଲେ କପିଲ ଦେବ । କପିଲ ଦେବ ଇସ୍ତଫା ଦେବା ନେଇ ଔପଚାରିକ ଭାବେ ଘୋଷଣା କରିପାରନ୍ତି ସିଓଏ ବିନୋଦ ରାୟ । ବିସିସିଆଇର ଏଥିକ୍ସ କମିଟିର ନୋଟିସ ପରେ କପିଲ ଦେବ ନିଜ ପଦରୁ ଇସ୍ତଫା ଦେଇଥିବା ନେଇ ଚର୍ଚ୍ଚା ହେଉଛି । କନଫ୍ଲିକ୍ଟ ଅଫ ଇଂଟରେଷ୍ଟ ଅର୍ଥାତ ବ୍ୟକ୍ତିଗତ ସ୍ୱାର୍ଥକୁ ସୁରକ୍ଷା ଦେଉଥିବା ଅଭିଯୋଗରେ କପିଲ ଦେବଙ୍କୁ ନୋଟିସ କରିଥିଲେ ଏଥିକ୍ସ ଅଧିକାରୀ ଡିକେ ଜୈନ । ପୂର୍ବରୁ ଇସ୍ତଫା ଦେଇଥିଲେ ଅନ୍ୟତମ ସଦସ୍ୟ ଏସ୍ ରଙ୍ଗାସ୍ୱାମି । ତାଙ୍କୁ ମଧ୍ୟ ଏଥିକ୍ସ କମିଟି ନୋଟିସ ଜାରି କରିଥିଲା ।
Kanak News is now on WhatsApp
Join and get latest news updates delivered to you via WhatsApp
କପିଲ ତାଙ୍କର ଇସ୍ତଫା ପତ୍ର ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ବିସିସିଆଇ ପରିଚାଳନା ଲାଗି କମିଟି ଅଫ୍ ଆଡମିନିଷ୍ଟ୍ରେଟର୍ସଙ୍କୁ ଇମେଲ ମାଧ୍ୟମରେ ପଠାଇ ଦେଇଛନ୍ତି । ଇସ୍ତଫାର କୌଣସି କାରଣ ଦର୍ଶାଇ ନାହାନ୍ତି କପିଲ୍ । ୨୦୧୯ ଜୁଲାଇ ମାସରେ କପିଲ ଦେବଙ୍କୁ କ୍ରିକେଟ ଆଡଭାଇଜରି କମିଟିର ଅଧ୍ୟକ୍ଷ ନିଯୁକ୍ତ କରାଯାଇଥିଲା । ଭାରତୀୟ ପୁରୁଷ ଓ ମହିଳା କ୍ରିକେଟ୍ ଦଳର ମୁଖ୍ୟ କୋଚ ଚୟନ ଦାୟିତ୍ୱ ଏହି କମିଟି ଉପରେ ନ୍ୟସ୍ତ କରାଯାଇଥିଲା । ତେବେ ମଧ୍ୟପ୍ରଦେଶ କ୍ରିକେଟ୍ ଆସୋସିଏସନ୍ ଆଜୀବନ ସଦସ୍ୟ ଡି.କେ ଜୈନ୍ ଅଭିଯୋଗ ଆଣିଥିଲେ କି କପିଳ୍ ଦେବ ଓ ଶାନ୍ତା ରଙ୍ଗାସ୍ୱାମୀ ବ୍ୟବସାୟ ଓ ଅନ୍ୟ କାର୍ଯ୍ୟାକଳାପରେ ସଂପୃକ୍ତି ଥିବାରୁ ଏପରି ପଦବିରେ ରହିବା ଯୁକ୍ତିଯୁକ୍ତ ନୁହେଁ । ଏଥିଲାଗି ସେମାନଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଥିଲା ।ଏହାପରେ ଶାନ୍ତା ରଙ୍ଗାସ୍ୱାମୀ ଇସ୍ତଫା ଦେଇଥିଲେ ଓ କପିଲ୍ ଆଜି ଇସ୍ତଫା ଦେଇଛନ୍ତି ।