ବିଜେପି ପ୍ରାର୍ଥୀ ମାଧବୀଲତାଙ୍କ ନାମରେ ସାଂଘାତିକ ମାମଲା । ବୁର୍ଖା ପିନ୍ଧି ଭୋଟ ଦେବାକୁ ଆସିଥିବା ମୁସଲିମ୍ ମହିଳା ଭୋଟରଙ୍କ ବୁର୍ଖା ଖୋଲି ଯାଂଚ ଅଭିଯୋଗ
କନକ ବ୍ୟୁରୋ : ଦେଶରେ ଚତୁର୍ଥ ପର୍ଯ୍ୟାୟ ନିର୍ବାଚନ ଚାଲିଛି । ଏନେଇ ଅନେକ ସ୍ଥାନରୁ ଅନେକ ଆଶ୍ଚର୍ଯ୍ୟ କରିଦେବା ଭଳି ଘଟଣା ଆସୁଛି । ହେଲେ ହାଇଦ୍ରାବାଦରୁ ଏକ ନୂଆ ଘଟଣା ସାମ୍ନାକୁ ଆସିଛି । ଏଠାରେ ବିଜେପି ଟିକେଟରୁ ପ୍ରାର୍ଥୀ ହୋଇଥିବା ମାଧବୀଲତାଙ୍କ ନାମରେ କିଛି ମୁସଲିମ୍ ମହିଳା ଥାନାରେ ଅଭିଯୋଗ କରିଛନ୍ତି । ମାଲକପେଟ ପୋଲିସ ଷ୍ଟେସନରେ ଏହି ଅଭିଯୋଗ ଭାରତୀୟ ଆଇନର ଧାରା ୧୭୧(ସି), ୧୮୬, ଓ ୫୦୫(୧)(ସି) କ୍ରମରେ ଲୋକପ୍ରତିନିଧିତ୍ୱ ଅଧିନିୟମର ଧାରା ୧୩୨ କ୍ରମରେ ମାମଲା ରୁଜୁ ହୋଇଛି । ମାଧବୀଲତାଙ୍କ ଏକ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଏକ ମତଦାନ କେନ୍ଦ୍ରକୁ ବୁର୍ଖା ପିନ୍ଧି ଭୋଟ ଦେବାକୁ ଆସିଥିବା ମୁସଲିମ୍ ମହିଳାଙ୍କ ବୁର୍ଖା ଖୋଲି ସେମାନଙ୍କୁ ଯାଂଚ କରୁ୍ଥିବାର ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ପରେ ମାଧବୀଲତା କହିଛନ୍ତି କି, ସେ ମୁସଲିମ୍ ମହିଳାମାନଙ୍କୁ ସେମାନଙ୍କ ପରିଚୟ ସ୍ପଷ୍ଟ କରିବାକୁ ଅନୁରୋଧ କରିଥିଲେ, ଏହା ଆଇନ ତ ଅପରାଧ ନୁହେଁ ବୋଲି ସେ କହିଛନ୍ତି । ମାଧବୀଲତା କହିଛନ୍ତି କି, ଜଣେ ପ୍ରାର୍ଥୀ ଭାବେ ବିନା ବୁର୍ଖାରେ ଜଣେ ମହିଳାଙ୍କ ପରିଚୟ ମାଗିବା କିଛି ଅପରାଧ ନୁହେଁ । ଏବଂ ମାଧବୀ ଜଣେ ମହିଳା ହୋଇଥିବାରୁ ଅନ୍ୟଜଣେ ମହିଳାଙ୍କୁ ମୁହଁ ଦେଖାଇବାକୁ କହିବା ଆଇନର ଉଲଙ୍ଘନ ନୁହେଁ ।
ଏହା ପୂର୍ବରୁ ମଧ୍ୟ ମାଧବୀଲତା ଚର୍ଚ୍ଚାକୁ ଆସିଥିଲେ । ଯେତେବେଳେ ସେ ଅଭିଯୋଗ ଆଣିଥିଲେ କି ହାଇଦ୍ରାବାଦ ଆସନ ପାଇଁ ଯେଉଁ ଭୋଟର ତାଲିକା ପ୍ରକାଶ ପାଇଛି ତାହା ଠିକ୍ ନୁହେଁ । ଏଥିରେ ଜାଣିଶୁଣି ହେରଫେର କରାଯାଇଥିବା ସେ ଅଭିଯୋଗ କରିଥିଲେ ।