ଭାରତ-ଇଂଲଣ୍ଡ ପ୍ରଥମ ଦିନିକିଆ । କୋହଲିଙ୍କ ଖେଳିବା ନେଇ ସସପେନ୍ସ, ରୋହିତଙ୍କ ସହ ଓପନିଂ କରିପାରନ୍ତି ଦଳର ପୁରୁଣା ଖେଳାଳୀ ।
କନକ ବ୍ୟୁରୋ : ଶେଷ ଟେଷ୍ଟରେ ପରାଜୟ, ଟି-୨୦ ସିରିଜ ବିଜୟ ପରେ ଆଜି ଇଂଲଣ୍ଡ ବିପକ୍ଷରେ ଦିନିକିଆ ସିରିଜ ଅଭିଯାନ ଆରମ୍ଭ କରିବ ଟିମ୍ ଇଣ୍ଡିଆ । ଓଭାଲରେ ପ୍ରଥମ ଦିନିକିଆ ମ୍ୟାଚ୍ ସହ ଏହି ଅଭିଯାନ ଆରମ୍ଭ ହେବ । ସନ୍ଧ୍ୟା ୫.୩୦ ସମୟରେ ମ୍ୟାଚ୍ ଆରମ୍ଭ ହେବାକୁ ଥିବାବେଳେ ଭାରତର ଚୂଡାନ୍ତ ଏକାଦଶରେ କିଏ ସ୍ଥାନ ପାଉଛି ତାହା ଉପରେ ସମସ୍ତଙ୍କର ନଜର ରହିଛି । କାରଣ ଦୀର୍ଘ ୫ ମାସ ପରେ ଟିମ୍ ଇଣ୍ଡିଆକୁ କମବ୍ୟାକ୍ କରିଛନ୍ତି ଶିଖର ଧୱନ । ତେଣୁ ରୋହିତଙ୍କ ସହ ଓପନିଂ କରିପାରନ୍ତି ଧୱନ । ତେବେ କୋହଲି ପ୍ରଥମ ଦିନିକିଆ ଖେଳିବେ କି ନାହିଁ ତାହାକୁ ନେଇ ସସପେନ୍ସ ଲାଗି ରହିଛି । କାରଣ ଶେଷ ଟି-୨୦ରେ ଆହତ ହୋଇଥିଲେ କୋହଲି ।
Kanak News is now on WhatsApp
Join and get latest news updates delivered to you via WhatsApp
ଆହତ ସମସ୍ୟା ପାଇଁ ଯଦି କୋହଲିଙ୍କୁ ବିଶ୍ରାମ ଦିଆଯାଏ ତେବେ ତାଙ୍କ ସ୍ଥାନରେ ଇଶାନ କିଷାନଙ୍କୁ ଦେଖିବାକୁ ମିଳିପାରେ । ସେହିଭଳି ଶେଷ ଟି-୨୦ରେ ଶତକ ହାସଲ କରିଥିବା ସୂର୍ଯ୍ୟକୁମାର ଯାଦବ ଚୂଡାନ୍ତ ଏକାଦଶରେ ସ୍ଥାନ ପାଇବାକୁ ପ୍ରବଳ ଦାବିଦାର ରହିଛନ୍ତି । ଏଭଳିସ୍ଥଳେ ଶ୍ରେୟସ ଆୟରଙ୍କୁ ଚୂଡାନ୍ତ ଏକାଦଶରୁ ଆଉଟ ହେବାକୁ ପଡିପାରେ । ସେହିଭଳି ବୋଲିଂର ମଙ୍ଗ ମହମ୍ମଦ ସାମି, ଯଶପ୍ରୀତ ବୁମରା, ସିରାଜ ଓ ୟୁଜବେନ୍ଦ୍ର ଚହଲଙ୍କ ହାତରେ ରହିପାରେ । ଅଲରାଉଣ୍ଡର ଭାବେ ରବୀନ୍ଦ୍ର ଜାଡେଜା ଓ ହାର୍ଦ୍ଦିକ ପାଣ୍ଡ୍ୟାଙ୍କୁ ମୈଦାନକୁ ଓହ୍ଲାଇପାରନ୍ତି ରୋହିତ ।