ଆରବ ସାଗରରେ ବୁଡିଲା ଭାରତୀୟ ଜଳ ଜାହାଜ ‘ଜମନା ସାଗର’, ୯ ଚାଳକଙ୍କୁ ଏଭଳି ଉଦ୍ଧାର କଲା ପାକିସ୍ତାନ ନୌସେନା
କନକ ବ୍ୟୁରୋ : ପାକିସ୍ତାନ ନୌସେନା ପକ୍ଷରୁ ବୁଧବାର ଦିନ ଦାବି କରାଯାଇଛି କି ଆରବ ସାଗରରେ ଭାରତୀୟ ଜଳ ଜାହାଜ ଜମନା ସାଗର ବୁଡିଯିବା ବେଳେ ସେମାନଙ୍କ ସେନା ଦ୍ୱାରା ୯ ଜଣ ଭାରତୀୟ ଜଳ ଜାହାଜ ଚାଳକଙ୍କୁ ଉଦ୍ଧାର କରାଯାଇଛି । ପାକିସ୍ତାନ ନୌସେନାର ଜନ ସଂପର୍କ ମହାନିର୍ଦ୍ଦେଶକ ତାଙ୍କ ବୟାନରେ କହିଛନ୍ତି କି ଏହି ଘଟଣା ବେଲୁଚିସ୍ତାନ ନିକଟ ତଟୀୟ ସହର ଗବାଦର ନିକଟରେ ଘଟିଥିଲା । ଘଟଣା କ୍ରମରେ ଭାରତୀୟ ଜଳ ଜାହାଜ ଜମନା ସାଗର ଆରବ ସାଗର ମଧ୍ୟରେ ବୁଡି ଯାଉଥିବା ବେଳେ ଜାହାଜରେ ୧୦ ଜଣ ଭାରତୀୟ ଚାଳକ ଥିଲେ । ଏହା ଦେଖିବା ପରେ ପାକିସ୍ତାନ ନୌସେନା ପକ୍ଷରୁ ଉଦ୍ଧାର କାର୍ଯ୍ୟ କରାଯାଇ ୯ ଜଣ ଭାରତୀୟ ଚାଳକଙ୍କୁ ଉଦ୍ଧାର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସମ୍ପୂର୍ଣ୍ଣ ସୂଚନା ମୁତାବକ ଏଭଳି ଏକ ଦୁର୍ଘଟଣାର ଖବର ପାଇବା ପରେ ପାକିସ୍ତାନ ସୂଚନା କେନ୍ଦ୍ର ତୁରନ୍ତ ସେଠାରେ ଥିବା ବାଣିଜ୍ୟ ଜାହାଜ ଏମଟି କ୍ୟୁଇବେକ ସହାୟତାରେ ସମୁଦ୍ର ମଧ୍ୟରୁ ୯ ଜଣ ଭାରତୀୟ ଚାଳକଙ୍କୁ ଉଦ୍ଧାର କରିଥିଲେ । ଏହାର କିଛି ସମୟ ପରେ ଅନ୍ୟ ଜଣେ ଚାଳକଙ୍କ ମୃତଦେହ ଉଦ୍ଧାର କରାଯାଇଥିଲା ।