ହିଜାବ ମାମଲାରେ କୋର୍ଟ ଯାଇଥିବା ଦୁଇ ଛାତ୍ରୀଙ୍କୁ ପରୀକ୍ଷାରୁ କରାଗଲା ବଞ୍ଚିତ, କଲେଜ ଗେଟରୁ ଫେରାଇଦେଲେ କର୍ମଚାରୀ
କନକ ବ୍ୟୁରୋ : ହିଜାବ ମାମଲାକୁ ନେଇ ପୁଣି କର୍ଣ୍ଣାଟକରେ ରାଜନୀତି ସରଗରମ ହେବାକୁ ଯାଉଛି । ହିଜାବ ପକ୍ଷରେ କୋର୍ଟରେ ଅଭିଯୋଗ ଆଣିଥିବା ଦୁଇଜଣ ଯୁବତୀ ଆଜି ହିଜାବ ପିନ୍ଧି ପରୀକ୍ଷା ଦେବାକୁ ଯାଇଥିବା ବେଳେ ସେମାନଙ୍କୁ କଲେଜ ପକ୍ଷରୁ ଫେରାଇ ଦିଆଯାଇଛି । ଛାତ୍ରୀ ଦୁଇଜଣ ହିଜାବ ପିନ୍ଧି ଯୁକ୍ତ ଦୁଇ ପରୀକ୍ଷା ଦେବାକୁ ଯାଇଥିବା ବେଳେ ତାଙ୍କୁ ହିଜାବ ପିନ୍ଧି କଲେଜ ପରିସରକୁ ପ୍ରବେଶ ପାଇଁ ଅନୁମତି ମିଳି ନଥିଲା । ଏନେଇ ପ୍ରଥମେ ସେମାନେ ପରୀକ୍ଷା ପର୍ଯ୍ୟବେକ୍ଷକ ଓ କଲେଜ ପ୍ରିନ୍ସପାଲଙ୍କୁ ଅନୁରୋଧ କରିଥିଲେ । ହେଲେ ପରୀକ୍ଷା ହେବାର ୪୫ ମିନିଟ ଯାଏଁ ସେମାନଙ୍କୁ କଲେଜ ପ୍ରିନ୍ସପାଲ ପରୀକ୍ଷା ହଲରେ ବସିବାକୁ ଅନୁମତି ନ ଦେବାରୁ ସେମାନେ ବାଧ୍ୟ ହୋଇ ଫେରି ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି କିଛିଦିନ ତଳେ କର୍ଣ୍ଣାଟକ ଓଡୁପିର ପିହୁ କଲେଜରୁ ଆରମ୍ଭ ହୋଇଥିବା ହିଜାବ ବିବାଦ ସୁପ୍ରିମ କୋର୍ଟ ପର୍ଯ୍ୟନ୍ତ ଯାଇଥିଲା । ସେପଟେ ଆଜିର ଘଟଣା ପରେ ହିଜାବ ବିବାଦରେ ଲଢେଇ ଜାରି ରଖିଥିବା ଜଣେ ୧୭ ବର୍ଷିୟ ଛାତ୍ରୀ ଆଜି କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇଙ୍କୁ ନିବେଦନ କରିଛନ୍ତି । ସେ କହିଛନ୍ତି କି “ଆପଣଙ୍କ ପାଖରେ ଏବେ ବି ଆମ ଭବିଷ୍ୟତ ନଷ୍ଟହେବାକୁ ରୋକିବା ପାଇଁ ସୁଯୋଗ ରହିଛି” । କେବଳ ସେ ନୁହଁନ୍ତି ରାଜ୍ୟସ୍ତରୀୟ କରାଟେ ଚମ୍ପିଅନ ଆଲିଆ ଓସାଦୀ କହିଛନ୍ତି କି ହିଜାବ ଭଳି ଏକ ଓଢଣୀ ଉପରେ ପ୍ରତିବନ୍ଧକ ଲଗାଇ କିଛି ଛାତ୍ରୀଙ୍କ ଭବିଷ୍ୟତ ନଷ୍ଟ କରିବାକୁ ଚେଷ୍ଟା କରାଯାଉଛି ।
Udupi | Two students, who are fighting a legal battle for the hijab, leave the PUC examination centre after they were allegedly not permitted to take the exam wearing hijab#Karnataka pic.twitter.com/9NgVmqzGVM
— ANI (@ANI) April 22, 2022
ସୂଚନା ଥାଉକି କିଛିଦିନ ପୂର୍ବରୁ ଏହି ମାମଲାକୁ ନେଇ କର୍ଣ୍ଣାଟକ ହାଇକୋର୍ଟ କହିଥିଲେ କି ହିଜାବ ପିନ୍ଧିବା ଇସଲାମ ଧର୍ମରେ ବାଧ୍ୟବାଧକତା ପ୍ରଥା ନୁହେଁ । ଏହାସହ ୟୁନିଫର୍ମ ପିନ୍ଧିବାକୁ ବିଦ୍ୟାର୍ଥୀମାନେ ମନା କରିପାରିବେ ନାହିଁ ।