ଚାକିରି ଛାଡ଼ିଲେ କି ଆଇଏଏସ ଗଗନ ଧଳ ? ତାଙ୍କ ସ୍ଥାନରେ ପ୍ରଦୀପ୍ତ ମହାପାତ୍ରଙ୍କୁ ନିଯୁକ୍ତି ନେଇ ଅସନ୍ତୋଷ ଥିବା ଚର୍ଚ୍ଚା!
କନକ ବ୍ୟୁରୋ: ରାଜ୍ୟ ସରକାରଙ୍କ ବରିଷ୍ଠ ଆଇଏଏସ ଅଫିସର ଗଗନ ଧଳ ଇସ୍ତଫା ଦେଇଥିବା ସୂଚନା ! ଖବର ଅନୁସାରେ, ଚାକିରି କାର୍ଯ୍ୟକାଳରୁ ଅବସରର ୪ ପୂର୍ବରୁ ସେ ଚାକିରୀ ଛାଡ଼ିଥିବା ସୂଚନା ମିଳିଛି । ତେବେ ଗତକାଲି ପ୍ରଶାସନିକ ସ୍ତରରେ ଏକ ବଡ଼ ଧରଣର ଅଦଳ ବଦଳ କରିଥିଲେ ରାଜ୍ୟ ସରକାର । ଯେଉଁଥିରେ ଗଗନ ଧଳଙ୍କ ସ୍ଥାନରେ କୃଷି ଉତ୍ପାଦନ କମିଶନର ଭାବେ ଶ୍ରୀମନ୍ଦିର ପ୍ରଶାସକ ଦାୟିତ୍ୱରେ ଥିବା ପ୍ରଦୀପ୍ତ ମହାପାତ୍ରଙ୍କୁ ନିଯୁକ୍ତି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ତାଙ୍କୁ କୃଷି ଉତ୍ପାଦକ କମିଶନର ପଦରୁ ହଟାଇ ପ୍ରଦୀପ୍ତ ମହାପାତ୍ରଙ୍କୁ ନିଯୁକ୍ତି ମିଳିବା ନେଇ ସେ ଅସନ୍ତୁଷ୍ଟ ଥିବା ଚର୍ଚ୍ଚା ହେଉଛି । ଆଉ ଏହାକୁ ନେଇ ଗଗନ ଧଳ ଇସ୍ତଫା ଦେଇଥିବା କୁହାଯାଉଛି । କାଲି ପ୍ରଶାସନିକ ଅଦଳବଦଳ ବେଳେ ପ୍ରଦୀପ୍ତ ମହାପାତ୍ରଙ୍କୁ କୃଷି ଉତ୍ପାଦନ କମିଶନର ଭାବେ ନିଯୁକ୍ତି ଦିଆଯାଇଥିଲା ।
ସବୁଠାରୁ ବଡ଼ କଥା ହେଲା କି, ଡିସେମ୍ବରରେ ଏହି ବରିଷ୍ଠ ଆଇଏଏସ ଅଫିସର କାର୍ଯ୍ୟକାଳ ସରୁଥିଲା ଯାହା ଫଳରେ ସେ ଅବସର ନେଇଥାନ୍ତେ । ୧୯୮୫ ବ୍ୟାଚ ଓଡିଶା କ୍ୟାଡରର ବରିଷ୍ଠ ଆଇଏଏସ ଅଫିସର ହେଉଛନ୍ତି ଗଗନ ଧଳ । ସେ କୃଷି ଉତ୍ପାଦନ କମିଶନର ଦାୟିତ୍ୱରେ ଥିଲେ । କିନ୍ତୁ ଗତକାଲି ପ୍ରଦୀପ୍ତ ମହାପାତ୍ରଙ୍କୁ ତାଙ୍କ ସ୍ଥାନରେ ଅବସ୍ଥାପିତ କରାଯାଇଥିଲା ।