ସହିଦ ପରିବାର ପାଇଁ ଶେଷ ସାହାରା ସାଜିଥିଲା ଝାଟିମାଟି ଝୁପୁଡ଼ି ଘର : ସାହାଯ୍ୟ କଲେନି ସରକାର, ଚାନ୍ଦା କରି ଘର ତିଆରି କଲେ ଗ୍ରାମବାସୀ
କନକ ବ୍ୟୁରୋ : ଦେଶ ମାତୃକା ପାଇଁ ଶତ୍ରୁ ସହ ଅହରହ ଲଢ଼େଇ କରନ୍ତି ଯବାନ । ଭାରତର ବୀର ପୁତ୍ରମାନେ ଜୀବନକୁ ଖାତିର ନକରି ପରିବାରକୁ ପରକରି ହସିହସି ପ୍ରାଣବଳୀ ଦିଅନ୍ତି । ହେଲେ ତାଙ୍କ ଅନୁପସ୍ଥିତିରେ ତାଙ୍କ ପରିବାର ଲୋକଙ୍କୁ ସାହାଯ୍ୟ କରିବା ପାଇଁ କେହି ନଥାନ୍ତି । ଦେଶ ପାଇଁ ଗୌରବ ଅର୍ଜନ କରିଥିବା ଯବାନଙ୍କ ପରିବାର ଅବହେଳିତ ଜୀବନ ବିତାଇବାକୁ ବାଧ୍ୟ ହୁଅନ୍ତି । ହେଲେ ମଧ୍ୟପ୍ରଦଶ ଦିଗାଲପୁରର ପୀର ପିପଲିଆ ଗାଁରେ ଦେଖିବାକୁ ମିଳିଛି କିଛି ନିଆରା ଦୃଶ୍ୟ । ସରକାରଙ୍କ ଅବହେଳା ପରେ ସହିଦ ପରିବାରକୁ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି ଗ୍ରାମବାସୀ ।
Kanak News is now on WhatsApp
Join and get latest news updates delivered to you via WhatsApp
ପୀର ପିପଲିଆ ଗାଁର ବାସିନ୍ଦା ହାବିଲଦାର ମୋହନ ସିଂ ସୁନେର ତ୍ରିପୁରାରେ ଆତଙ୍କବାଦୀ ସହ ଲଢ଼ି ସହିଦ ହୋଇଥିଲେ । ଏକମାତ୍ର ରୋଜଗାରିଆ ପୁଅକୁ ହରାଇଥିଲା ପରିବାର । ତା’ ପର ଠାରୁ ଆରମ୍ଭ ହୋଇଥିଲା ସହିଦ ପରିବାରର ସଂଘର୍ଷ । ସୀମା ସୁରକ୍ଷା ବଳରେ ମୁତୟନ ଥିବା ମୋହଲ ଲାଲଙ୍କ ପରିବାର ମଜୁରୀ କରି ପେଟ ପୋଷିବା ଆରମ୍ଭ କଲେ । ୨୭ ବର୍ଷ ପର୍ଯ୍ୟନ୍ତ ଅତି ଦୟନୀୟ ଅବସ୍ଥାରେ ମାଟି ଘରେ ବାସ କରୁଥିଲେ । ସରକାରଙ୍କ ପାଖରେ ବାରମ୍ବାର ଗୁହାରୀ କଲେ ମଧ୍ୟ କିଛି ସୁଫଳ ମିଳିନଥିଲା ।ମାତ୍ର ୭୦୦ ଟଙ୍କାର ପେନସନ ତିନି ପ୍ରାଣୀ କୁଟୁମ୍ବ ଚଳାଇବା ପାଇଁ ମୁସ୍କିଲ ହେଉଥିଲା ।
ସହିଦ ପରିବାରର ଏପରି ଅବସ୍ଥା ଦେଖି ଗାଁର ଯୁବକମାନେ ଏକ ଅଭିଯାନ ଆରମ୍ଭ କରିଥିଲେ । କିଛି ଦିନ ପୂର୍ବରୁ ଗ୍ରାମାବସୀ ଚାନ୍ଦା କରି ୧୧ ଲକ୍ଷ ଟଙ୍କା ଜମା କରି, ସେହି ଟଙ୍କାରେ ଘର ତିଆରି କରିଥିଲେ । ଆଉ ଗତକାଲି ସହିଦଙ୍କ ପତ୍ନୀଙ୍କୁ ରାକ୍ଷୀପୂର୍ଣ୍ଣିମା ଉପହାର ସ୍ୱରୂପ ନୂଆଘର ପ୍ରଦାନ କରିଥିଲେ । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥାହେଲା ସହିଦ ପତ୍ନୀଙ୍କ ଗୃହପ୍ରବେଶ ବେଶ ନିଆରା ଢ଼ଙ୍ଗରେ କରାଇଥିଲେ ଗ୍ରାମବାସୀ । ସମସ୍ତଙ୍କ ହାତ ଉପରେ ସବାର ହୋଇ ଗୃହପ୍ରବେଶ କରିଥିଲେ ସହିଦଙ୍କ ପତ୍ନୀ । ଯାହା ଏବେ ସାରା ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
@narendramodi @nsitharaman @INCIndia @BJP4India 27 साल देपालपुर के शहीद परिवार की आपने सुध नहीं ली, गांववालों ने पक्का मकान बनाकर शहीद की पत्नी को भेंट किया, नमन! @ndtvindia @shailendranrb @PoliceWaliPblic @ajaiksaran @nishatshamsi @avinashonly @shailgwalior pic.twitter.com/2adhJDyPet
— Anurag Dwary (@Anurag_Dwary) August 16, 2019