କନକ ବ୍ୟୁରୋ: ବିଜ୍ଞାନ ସଫଳତାର ଶୀର୍ଷରେ ପହଞ୍ଚିଛି । ମଣିଷ ଚନ୍ଦ୍ରରେ ରହିବାକୁ ଯୋଜନା ବି କରୁଛି । ହେଲେ ଏବେବି ଝିଅକୁ ଅଭିଶାପ ବୋଲି ଭାବୁଛି ଏ ସମାଜ । ଏହାର ଏକାଧିକ ପ୍ରମାଣ ଆଜି ବି ଦେଖିବାକୁ ମିଳୁଥିବାବେଳେ ମଧ୍ୟପ୍ରଦେଶରୁ ଆସିଛି ଏକ ଛାତିଥରା ଖବର, ଯେଉଁଠି ଝିଅ ଜନ୍ମ ହେଲା ବୋଲି ସ୍ତ୍ରୀର ତଣ୍ଟି ଚିପି ମାରିଦେଲା ସ୍ୱାମୀ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ଘଟଣା ଘଟିଛି ମଧ୍ୟପ୍ରଦେଶ ଗ୍ୱାଲିଅର ମୁରାର ଅଞ୍ଚଳରେ ଏଠିକାର ବାସିନ୍ଦା ଦଶରଣ ପାଲ ୧୦ ବର୍ଷ ତଳେ ସୃଷ୍ଟିଙ୍କୁ ବିବାହ କରିଥିଲେ । ପ୍ରଥମେ ଝିଅଟିଏ ଜନ୍ମ ହେବାରୁ ଦଶରଥ ମନ ଖରାପ କରିଥିଲେ । ଦ୍ୱିତୀୟ ସନ୍ତାନ କାଳେ ପୁଅ ହେବ ବୋଲି ଭାବିଥିଲେ । କିନ୍ତୁ ଦ୍ୱିତୀୟ ସନ୍ତାନ ମଧ୍ୟ ଝିଅ ହେଲା । ଏହାକୁ ନେଇ ଦଶରଥ ସୃଷ୍ଟିଙ୍କୁ ସବୁଦିନ ଗାଳିଗୁଲଜ କରିବା ସହ ମାଡ ମାରୁଥିଲେ । ଏ ସ୍ଥିତି ଏଭଳି ମୋଡ ନେଲା ଯେ ଶେଷରେ ସ୍ତ୍ରୀକୁ ମାରିଦେବାକୁ ଯୋଜନା କଲା ଦଶରଥ । ଦଶରଥର ହୱାଲିରେ ଆଉ ଏକ ଘର ଥିଲା । ଏଠାକୁ ପ୍ରତି ମାସରେ ସେ ଘର ସଫା କରିବାକୁ ଆସେ । ଥରେ ଯୋଜନା କରି ଏହି ଘର ସଫା କରିବାକୁ କହି ସୃଷ୍ଟିକୁ ଆଣିଥିଲା ଏବଂ ସେଠାରେ ପ୍ରଥମେ ମାଡ ମାରିବା ପରେ ଓୃଷ୍ଟିର ତଣ୍ଟି ଚିପିଦେଇଥିଲା । ସ୍ତ୍ରୀ ମରିଯାଇଥିବା ଭାବି ବାହାରପଟୁ ଘର ତାଲା ପକାଇ ଚାଲିଗଲା ।
କିଛି ଘଣ୍ଟା ପରେ ସୃଷ୍ଟିର ଚେତା ଫେରିବାରୁ ସେ ପାଟି କରିଥିଲା । ଏହା ଶୁଶିପାରିଥିଲେ ଜନୈକ ପଡୋଶୀ । ସେ ଦଶରଥର ଭାଇ ମନୀଷ ପାଲଙ୍କୁ ଫୋନ୍ କରି ଘରେ ଭିତରେ କାହା ପାଟି ଶୁଣାଯାଉଥିବା କହିଥିଲେ । ଦିଅର ମନୀଷ ଆସି ଦେଖିବା ବେଳକୁ ଅତି ଦୟନୀୟ ଭାବେ ପଡିଥିଲେ ସୃଷ୍ଟି । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲ ନେଇଥିଲେ ବି ଡିସେମ୍ବର ୧୪ ତାରିଖରେ ସୃଷ୍ଟିର ମୃତ୍ୟୁ ହୋଇଗଲା । ଏହି ଘଟଣାରେ ପୋଲିସ ଅଭିଯୁକ୍ତ ସ୍ୱାମୀ ଦଶରଥକୁ ଗିରଫ କରି ଯାଞ୍ଚ କରୁଛି ।