କନକ ବ୍ୟୁରୋ: ସାର ପାଇଁ ତାତିଲେ ଚାଷୀ । ଲ୍ୟାମ୍ପସକୁ ଘେରିଲେ ଚାଷୀ । ରାସ୍ତା ରୋକ କରିବା ସହ ଧାରଣାରେ ବସିଲେ କୋରାପୁଟ ଜିଲ୍ଲା ବୋରିଗୁମ୍ମା ବ୍ଳକର ୧୫ଟି ପଚାଂୟତର ଶତାଧିକ ଚାଷୀ । କୁମୁଲି କାମତା ଲ୍ୟାମ୍ପସ ଓ ଜୟପୁର ବ୍ଳକ୍ କୁମୁଲିପୁଟ ପଚାଂୟତର ଶତାଧିକ ଚାଷୀ କୁମୁଲିପୁଟ ଲ୍ୟାମ୍ପସ ସାମନାରେ ବିକ୍ଷୋଭ କରିଛନ୍ତି । ଦୀର୍ଘ ଦିନ ହେଲା କୋରାପୁଟ ଜିଲ୍ଳାରେ ସାରର ଅଭାବ ଦେଖିବାକୁ ମିଳିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଯଦି କିଛି ସାର ଆସୁଛି ତାହା ହେଲେ ବସ୍ତାଏ ସାର ପାଇଁ ଦିନ ସାରା ଚାଷୀକୁ ଜଗିବାକୁ ପଡୁଥିବା ଚାଷୀ ଅଭିଯୋଗ କରିଛନ୍ତି । ଏବେ ରୁଆ ସମୟରେ ସାରର ଅଭାବ ଚାଷୀ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି । ବାରମ୍ବାର ବିଭାଗୀୟ ଅଧିକାରୀଙ୍କ ପ୍ରତିଶୃତି ପରେ ବି ସାର ନମିଳିବାରୁ ଆଜି ଜିଲ୍ଳାର ବିଭିନ୍ନ ସ୍ଥାନରେ ଚାଷୀ ଆନ୍ଦୋଳନ କରିବା ସହ ଧାରଣାରେ ବସିଛନ୍ତି ।
କାହାକୁ ସାର ଦିଆଗଲା କିଏ ନେଲା ତାର ତାଲିକା ଦେବାକୁ ଦାବି କରିଛି ଚାଷୀ ସଂଗଠନ । କୁମୁଲି କାମତା ଲ୍ୟାମ୍ପସ୍ରେ ୨୫ ଶହ କ୍ୱଇଂଟାଲ ସାରର ଆବଶ୍ୟକତା ହେଲେ ଚାଷୀଙ୍କୁ ମିଳିଛି ମାତ୍ର ଶହେ କ୍ୱଇଂଟାଲ । ଦୀର୍ଘ ଦିନ ଧରି ଏପରି ଅବସ୍ତା ଲାଗିରହିଥିବା ଯୋଗୁଁ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।